alnadeem

الحق حق

2012-01-06T01:39:00.000+02:00

في المليونية الشهيرة التي عرفت بمليونية (وثيقة السلمي )والتي دعت إليها التيارات الدينية إحتجاجا علي وثيقة السلمي وتفجرت علي إثرها أحداث محمد محمود ، لم يلفت نظري في الحدث بأكمله سوي احد أعضاء التيار الديني وهو يحمل لافتة كتب عليها ( أين الحرية التي وعدتونا بها )! ، شخص يمارس حق التظاهر بكل حرية ويستعد هو وأحزابه التي لم تكن تستطيع التنفس في ظل نظام مبارك لدخول الانتخابات بكل مشروعية ومع ذلك يرفع لافتة تقول (أين الحرية ) !

علي الفيس بوك أمس قرأت تعليقا لزميل أو زميلة تنتقد تصريحات للمستشار الخضيري حول الدستور القادم أو شيء من هذا القبيل وتقول (الخضيري باع القضية بعد ما دخل برلمان التعري...) ، مش دي المشكلة ، المشكلة ان بعدها بنص ساعة ، وعلي صفحتها برضو ، بتدعو الناس للتصويت لصديق لها مرشح في انتخابات الشوري ! ،أفهم بالظبط ، حضرتك مع شرعية البرلمان ولا ضدها ، لو حضرتك معاها لماذا تنتقدي الخضيري وتعتبري أنه انضم لبرلمان (المعر..ين ) ، وإذا كنتٍ ضد المجالس المنتخبة ،لماذا تطلبين التصويت لصديقك في انتخابات الشوري ؟!!!

في أحداث مجلس الوزراء ،وفي مداخلة تليفزيونية ، صرح أحد الشباب الذين نجحوا في انتخابات مجلس الشعب ( وهو صديق بالمناسبة ) ، أن الشرعية في ميدان التحرير وليست في أي مكان آخر ! ، مع كامل الاحترام لحضرتك وطبعا لميدان التحرير ، إذا كانت هذه هي رؤيتك ، لماذا دخلت البرلمان ، ما تنسحب منه وتخليك وتخلينا في الميدان للأبد ، وماذا تقول لمن انتخبوك كي تكون ممثلا لهم ومعبرا عن قضاياهم ؟ تقول لهم اللي عايز حاجة يروح يقف في التحرير لأن صوتكم مالوش لازمة ووجودي في البرلمان كذلك ؟

قبل عدة أشهر قابلت أحد الأشخاص ، كان محبطا جدا باعتبار أن الناس لم تتغير بعد الثورة والاوضاع لم تتغير والوطن والبلد ودولة القانون التي نتمناها –إلخ ، سألته ، ما الذي تغير في سلوكك أنت نفسك بعد الثورة ؟ هل تلتزم انت نفسك بالقانون الذي تدعو لسيادته ؟ أعرف انك تفعل العديد من الخروقات التي تسوجب العقاب ، لم يرد وتركته ومضيت

قبل عدة أيام ، علي إحدي الفضائيات ، شاهدت شخصا أعرفه جيدا ينتقد تدخل الدولة في ملف تمويل منظمات حقوق الإنسان ، ينتقد ويرفض ويشجب ويندد ، لم املك سوي الضحك بصراحة والشفقة علي المتفرج المسكين ( بالمناسبة انا ضد الصيغة والأسلوب الذي تم التعامل به في هذا الملف والعديد من هذه المراكز قدمت وتقدم خدمات جليلة للوطن مثل النديم او مركز استقلال القضاء الذي يشرف عليه الأستاذ ناصر أمين وغيرها ) ، لكن ان يخرج ذلك الشخص الذي كان صديقا مقربا لرجال امن الدولة قبل الثورة وله واقعة شهيرة وهو يصافح وليد الدسوقي ظابط امن الدولة الشهير بحرارة اثناء ازمة القضاة قبل سنوات ، يخرج هذا الشخص الذي كان يقدم لأمن الدولة كل المعلومات التي يطلبونها منه ( وفوقيهم بوسة ) ، ليصبح هو المعارض لتدخل الدولة فهذا قمة العبث والهجص والاستخفاف بالعقول .

هذه أمثلة محدودة ضمن مئات الأمثلة التي أرصدها أسبوعيا لما يمكن ان نسميه ( الهجص الثوري ) ، لا أريد الخوض أكثر ولا الاسترسال ولا أريد الكلام ولا الكتابة ، بس كتبت عشان ما اطقش بصراحة ، عارف انه كلام مش هيعجب حد أصلا ، وتأكدت تماما ان انتقاد رئيس الجمهورية مسألة في منتهي السهولة والتفاهة إذا ما قارناها بمحاولة انتقاد من تعرفهم بشكل مباشر ، ولكن الحق حق يا اخوانا .

صورة

2011-12-29T23:18:00.008+02:00

في لحظات الإحباط ،تقوم بالعديد من الحيل الدفاعية للهروب من هذا الشعور ، كأن تستعيد ذكري يوم 25يناير او جمعة الغضب ، أو السنوات التي قضيناها نبشر بالثورة ، أيام الاعتصام بالتحرير ، ميدان التحرير يوم الخطبة الأخيرة لمبارك ، لكن اكثر ما تلجأ إليه هو –تأمل هذه الصورة من حفلة الأوبرا في مايوالعام الماضي .
فبراير 2010 تقرر فجأة دراسة الموسيقي ، تتوجه إلي الأوبرا للاستعلام عن إمكانية ذلك ،الموظفة تخبرك بمكان مركز تنمية المواهب وشروط الالتحاق ، تحمد الله ان شرط السن ليس من بينها ( عمرك خمسة وثلاثين عاما وشهرين ) وإمكانية الالتحاق بمكان لا يضع شروطا عمرية للدراسة تبقي ضئيلة لكن الله كان كريما معك ولم تجد شروطا مطلوبة سوي النجاح في اختبار القدرات الذي سيجريه لك المتخصصون ، تستعلم عن موعد تواجدهم وتنصرف ، وتعود بعدها بأيام في الموعد المحدد ، تسأل عن المكان وتقرع باب الغرفة وتدخل ، تخبر المدرس انك تريد دراسة العود ، يطلب منك الجلوس وسط بقية الدارسين ، يعزفون جملا بسيطة ، يطلب منك العزف ، تعزف ما كانوا يعزفونه ، يطلب منك عزف جملا أخري ، تعزفها أيضا بسهولة ، يقول متحمسا ( إستعدادك يفوق نسبة مائة بالمائة –مرحبا بك معنا )، وتبدأ مشوارك ومغامرتك الأثيرة
عامان مرا علي بدء هذه التجربة ، لا تستطيع ان تحكم إن كان المنجز خلال هذين العامين أقل او اكثر ، لكن قياسا علي ظروفك لا بأس ، علي الأقل اكتسبت الثقة ، تتذكر من آن لأخر كلمة معلمك (خُلٍقت موسيقيا ) ، تتذكر الكلمات المشجعة من أصدقاء طيبين ، عزفك في الجوريون وتصفيق الجميع ، كلمة نبيل القط ليلتها ( إحساس خاص جدا واستثنائي )

تتذكر الدقائق التي تسبق الحفل ، البروفة النهائية ، عدم تصديقك انك ستصعد خشبة المسرح الكبير للاوبرا ، العزف الجماعي مع فرقة كاملة (عود وقانون ) ، متي نعزف ومتي نصمت كي يعزف القانون ، صعودك خشبة المسرح الكبير للمرة الأولي في البروفة ، مقابلتك للمذيع احمد مختار وانتم في الكواليس قبل الصعود للمسرح بدقائق ، السلام الحار و الدهشة في عينه وهو يراك عازفا ضمن العازفين ،تتذكر النظرة الخاطفة علي الجمهور وهو يملأ الصالة ، عدم تصديقك أن علي الحجار يغني بجوارك ، تتذكر وانت تنظر إلي هذه الصورة طفلا عنيدا قد يعرف الإحباط ،لكنه لا يعرف اليأس أبدا ، تتذكر كل ذلك لتذكر نفسك أنك اقتربت مما ظننته مستحيلا وأن لا تراجع عن هذا المسار أيا كان الأمر

.

كان من واجبي ان أقف ضدكم

2011-12-21T01:44:00.000+02:00

بشكل عام ،انا شخص ميال للتأني والتحري والتدقيق ، وخاصة في مثل هذه الظروف المعقدة ،وحين يلتبس الامر أتبني مقولة سعد ابن أبي وقاص في الفتنة الكبري التي تعرفونها جيدا ( لا أقاتل حتي تأتوني بسيف يعقل ويبصر وينطق فيقول أخطأ هذا وأصاب ذاك ) .
ولكن مجريات الأمور في الأيام الأخيرة والمؤتمر الصحفي ( الرديء ) للمجلس العسكري تجبر الحجر نفسه علي النطق
لماذا المؤتمر الصحفي تحديدا وليس أي شيء آخر ؟ لأن في هذا المؤتمر
إنتظرنا توجيه اتهامات للمدبرين الحقيقين لهذه الاحداث ،ولم نجد شيئا من ذلك بل علي العكس وجدنا تحريضا سافرا علي أحد أنبل وأنقي من انجبتهم مصر وهو الناشر محمد هاشم ، وتوجيه هذا الاتهام في حد ذاته أو التحريض عليه هو بوضوح مسألة لا تحمل سوي احد معنيين
المعني الأول هو ان المجلس العسكري بالفعل هو امتداد لمبارك وبالتالي بدأ في تصفية حساباته مع القوي المدنية التي لعبت دورا مؤثرا في الإطاحة به ( هذا تفسير لا أميل له بالمناسبة )
الاحتمال الثاني ،أن أجهزة المعلومات التي تقدم تقاريرها للمجلس او أحدها علي الأقل هي من بقايا نظام مبارك وتعمل علي تصفية حساباتها مع النشطاء الوطنيين الحقيقين ، والبداية كانت بعلاء عبد الفتاح ، ثم هاشم ، ولا مانع في الزحمة من اغتيال أحد أبرز رجال الدين الشرفاء مثل الشيخ (عماد عفت ) ، والبقية تأتي تباعا ، وفي الحالتين فإن الخاسر هو المجلس لأن هذا يعني باختصار أن أجهزة المعلومات لديكم لا تقدم تقارير حقيقية او دقيقة يعني بالعامية ( بيشتغلوكم ) وهذه مصيبة معناها الوحيد ان الطرف الثالث المجهول هو اجهزتكم الأمنية والمعلوماتية أو أحدها
في واقعة محمد هاشم ، لا يمكن وأبدا ونهائيا الا يكون الموضوع مقصودا سواء منكم او من اجهزتكم لأنه وباختصار ، أنتم قمتم بالتحقيق مع أكثر من مائة واربعين متهما من المشاركين في الأحداث ولم تبثوا شيئا من هذه التحقيقات تقريبا ،أي ان اختيار هاشم كان متعمدا ، لماذا هاشم تحديدا (مع ملاحظة ان كلام الطفل الذي تحدث لا قيمة له ) ،لا تفسير سوي نية مبيتة للتحريض ضده وضد كل ما يمثله

والأكثر استفزازا لشخصي المتواضع هو أنه خلال الأيام القليلة السابقة علي تفجر الاحداث ، تردد من اكثر من مصدر انه تم رصد عشرات الملايين من الجنيهات التي تدفقت علي مؤسسات خيرية او اجتماعية تابعة لعائلة مبارك ، وتوقعنا أن يتم فضح هذه الامور –خاصة مع ما تردد اكثر من مرة انه سيتم قريبا فتح ملف التمويلات الخارجيةوالداخلية وفضح المؤامرات التي يقودها بعض رجال الأعمال ، لنفاجأ في النهاية أن الاتهامات توجه إلي أنبل من في الوطن ، والاكيد ان الكلام الذي يتردد حول الاموال التي دخلت خزينة إحدي مؤسسات آل مبارك يصلكم مثلما يصلنا ، والأكيد أيضا ان الأقاويل التي تترد في دوائر عديدة حول ضلوع سوزان مبارك في احداث ماسبيرو تعلمونها جيدا ، وترديد هذه الأقاويل في دوائر قوية ومتعددة لا يمكن ان يمر مرور الكرام ، وإذا كانت لم تصلكم بعد فهذه كارثة معناها الوحيد ان أجهزتكم إما انها غير دقيقة أو غير امينة وفي الحالتين هذه كارثة
كي لا أطيل الآن ، علامات الاستفهام كثيرة جدا ،وبسبب ذلك لم يترك المجلس له انصارا بين النخبة وهذا مؤشر خطير جدا بالمناسبة ،كاتب هذه السطور نفسه لم يكن في الصف المناويء لكم بسبب الإلمام بكثير من التفاصيل في قصة نجاح هذه الثورة او مرحلتها الأولي تحديدا التي توجت بالإطاحة بمبارك ، وكنُت من المكذبين لما يردده الجميع حول خطايا المجلس من كشوف عذرية وخلافه ، لكن أفعالكم المدهشة تجبرنا علي ذلك واجبرتنا جديا علي تذكر مقولة بطل صنع الله ابراهيم في اللجنة ( كان من واجبي ان اقف ضدكم لا أن اقف امامكم ).

وبرغم جميع سوابقه

2011-11-16T15:01:00.000+02:00

علي وشك التورط لكنك أفلت ،او انتبهت للفخ فتجنبته ،تعلمت اخيرا من خبراتك السابقة وانتبهت ان ما يلوح في الأفق هو أطياف حب جديد ، لا مجال لذلك ولا ترغب في التورط .
تقتنع اخيرا أن هناك احكاما للعمر تفرض نفسها شئنا أم ابينا ، مراوغتك البارعة للزمن والمرايا آن لها ان تنتهي ، انتصرت عليهما طويلا وكثيرا وهزمتهما مرات عدة ، مرآتك تشهد بذلك ، منذ عقود لم تتبدل ملامح وجهك بما يليق بعمرك ،يحق لمرآتك مرة واخيرا ان تبتسم ساخرة في وجه راوغها كثيرا ، ها انت قد أتيت أخيرا .
إن أردتم الحق ،فالأمر أعقد من هذا الاختزال ، اعقد وأبسط في آن واحد ، الحقيقة أنك تستمتع ببعض السلام ولا ترحب بأي احتمال لإفساده ، كما تعلمون انها معادلات رياضية ، البعض يبحث أو يكتفي في مرحلة ما بمعادلة نتائجها معقولة وانتهي الامر دون فلسفة او إجهاد لا داعي له ، ومن هنا فمعادلتك لا بأس بها ، ليست مشكلة بالمرة الا توجد أمراة ، المهم انك راض بذلك ، معادلة جيدة ، عمل واحد وحيد ، ومساحة معقولة لالتزاماتك الأسرية ، ومساحة معقولة مع كتبك وموسيقاك ودمتم ، انها بالفعل معادلة رائعة ، معادلة جيدة وباردة برودا لا يتسق مع شخصك علي الإطلاق

كلمتين وبس

2011-11-06T19:34:00.002+02:00

رغم رفضي لبعض بنود وثيقة السلمي المتعلقة بالدستور
واثق ألف في المية انها ارحم كثيرا مما سيفعله بنا صبحي صالح والحويني ومن معهم حين ينالوا أغلبية في البرلمان

مؤقتا

2011-10-24T16:26:00.004+02:00

اللحن البديع للراحل الهاشمي قروابي

مؤقتا حتي رجوع قريب

لا يفسد للود قضية

2011-09-25T01:38:00.001+02:00

أثناء كتابة هذه السطور ، تكون قد مرت ثمانية أشهر بالتمام والكمال علي اندلاع الثورة ،خلال هذه الأشهر الطويلة العويصة المعقدة بكل ما تضمنته من تفاصيل ، حققنا الكثير وأخفقنا في بعض الأشياء ، توقعنا أمور وسارت المقادير بأمور أخري ،أشياء ثبت صدقها وأخري زيفها إلخ

في تقديري الشخصي أن أكثر الأشيباء إزعاجا بالنسبة لي هي ما أعتبره سقوط أسطورة (الاختلاف في الرأي لا يفسد للود قضية ) ،لأنه للأسف يبدو أن أكثر ما يفسد الود هو الاختلاف في الرأي

شيء مش معقول بالمرة ،الحقيقة المُرة التي لمستها بالرصد والمتابعة (أتمني أن اكون مخطيء بالمناسبة ) ، إن النسبة العظمي مش قابلة الاختلاف ، كل ما تبص يمين وشمال تلاقي اتنين تلاتة شبطانين مع بعض وتقلب بزعل وفي كل القضايا بقي وعيش للصبح ، حزب الله وسوريا، والثورة والثوار والمجلس ، نقابة الصحفيين والنقابة المستقلة إلخ عد ومش هتخلص .

إلي أي مدي نحن قادرون علي تقبل الاختلاف وإقامة مجتمع ديمقراطي ؟

الله أعلم

وجع القلوب يا اهل الله

2011-09-11T04:14:00.001+02:00

لعنة الله علي المسؤولية ، ترددها بعد ان تنهي المكالمة التي أيقظتك مبكرا في أول أيام إجازتك السنوية الأولي لك منذ عامين وتتأهب للقيام بالأعباء الأسرية التي لا مفر منها ، الأسبوع الماضي قضيته ( جليسة أطفال ) ، ترعي الأطفال صباحا وتذهب للعمل مساء ،هكذا لمدة أسبوع كامل حتي أوشكت علي الانهيار ، هل لديكم خبرة مع تربية الأطفال ؟ حسنا من لديه خبرة منكم سيتفهم ما أقوله ، ومن ليس لديه هذه الخبرة بعد فليهنأ بالسلام قليلا لأنه وباختصار ، الأطفال هم أكبر مخلوق سادي في هذا العالم

يستقبلونك في الصباح الباكر لتقضي معهم اليوم منفردا ، طلبات لا تنتهي ،ما أن تلبي لهم ما يطلبون حتي يطلبون شيئا آخر ، تقول أمهم أنهم ( بيشتغلوك ) عشان طيب وأنهم لا يطلبون منها نصف ما يطلبونه مني ، وتظن أن كلامها صحيح ، وعموما اختزلت فريدة المشهد بأكلمه ولخصته حين كنا نشاهد صورا علي الكومبيوتر وتسألها مين ده يا فريدة ؟ وتتوالي إجابتها ( نور ، عمو يحيي ، عمتو ، ماما ) وحين وصلنا إلي صورة الفقير إلي الله ردت ( العبيط ) !لا تعرف من لقنها ذلك أم أنها فطرة الأطفال ؟! تفكيرك الطويل في أمورك هداك للاقتناع أنك ( خُلٍقت أباً )، تراجع رصيدك من العلاقات النسائية وتكتشف انك في علاقاتك كلها وبلا استثناء ومعهن جميعا تصرفت بأبوة في معظم الأحيان ،هذا ما ألقي بك في الجحيم ، ولكنه علي أيه حال ربما أبقي صورة طيبة لك في ذاكرتهن ،من المؤكد أن أغنية يا طيب التي أرسلتها لك أكثر من واحدة بعد اللقاء الأخير لم تكن صدفة

تنهي المهام الأسرية وتذهب إلي وسط المدينة والمكتبة ،انت لا تعمل بها لكنك تذهب وتتصرف وكأنك مازلت صاحبها ، لماذا تذهب إليها ؟ هل أنت أسير لعاداتك أم أنك تخشي أن يسألك احدهم ( لماذا تركت الحصان وحيدا ) ،ربما الاثنين معا ، تجلس ساعتين وترحل ، قبل الصعود للمنزل تفكر في الأشياء التي تحتاجها ، تذهب للسوق لشراء ( شيء من الخوخ ) ثم تنتبه أن هذا ليس أوانه ،تكتفي بتأمين سجائرك وتذهب للمنزل

تتابع الأخبار وتشعر انك علي وشك الانهيار بسبب السياسة اللعينة ،تلمح عودك الذي ابتعدت عنه قليلا في الفترة الماضية تلتقطه وتردد أنك لن تسمح لنفسك بالابتعاد عن العزف مهما حدث ، تستمع إلي أيظن في رأسك ، تعزف منها لأول مرة الجمل التي تحبها والتي تبدأ من عند ( حمل الزهور ) وترسم أمامك كلماتها شكل ما سيحدث في اللقاء الذي سيحدث يوما ما قرُب أم بعُد مع ( البنت الجميلة التي تحبها والتي كان يصلح ذلك اليوم الصيفي البعيد للقائها لو تذكرون) ، تفكر في عبد الوهاب قليلا ، ممارستك للموسيقي جعلتك تفهم إلي حد ما إصرار الجميع علي عبقرية عبد الوهاب ، إنه أسطوري فعلا ، تدرك ذلك بالممارسة ، لا تعرف كيف تعبر عن سر عبقريته وتشعر أن اللغة تخذلك ولن تتمكن من صياغة سر عبقريته في جملة دقيقة لكنك تحاول وتقول أن ( سر عبقريته انه يمتلك قدرة مذهلة علي نسج الجملة ، نسج الجملة وهندستها ، تشعر انه يضع النغمات أمامه(خام ) ، يتأمل فيها طويلا ثم يبدأ في النسج والتشكيل والبناء لتخرج في النهاية هذه القطع الموسيقية الفريدة) ، وتفكر ان بليغ ليس كذلك ، بليغ تُقذف إليه الجُمل قذفا من السماء لتخرج كما أوحيت إليه بتصرف بسيط ، وربما هذا سر شعبية موسيقاه ، تشعر بطاقة موسيقية تتدفق أخيرا بعد غياب ويمدك الراديو بالمزيد بتتابع أغنيات تحبها كثيرا وتندمج وعودك معها وتنفصل أخيرا عن الأرض ، تفكر أن تكتب قليلا وتفكر أن ذلك سيأخذ من وقت الموسيقي والعزف ، تواصل عزفك واستماعك رغم حيرة الكتابة ،تنهي الإذاعة الوصلة بلحن بليغ الأثير لديك وتشعر أن أغنية ( تعب القلوب ) معبرة في هذه اللحظة تعتبر أن بليغ أبدع كثيرا فيما قدمه مع محرم فؤاد تحديدا وتدندن بصوتك (كله ماشي ) ، تقرر أن تكتب الآن ولو لمرة اخيرة قبل أن تعود للموسيقي

من تسريبات النديم ليكس

2011-09-10T05:09:00.003+02:00

قوي اليسار والليبراليين أثبتت فشلها في قيادة الثورة ، وفقدوا السيطرة علي الفعاليات التي يدعون إليها ، لم يستغلوا ترحيب المجلس الشديد بمليونية 27مايو التي تصب في نفس توجهات المجلس للحفاظ علي مدنية الدولة والتي خففت عليه ( المجلس ) ضغوط الإخوان وارتكبوا سلسلة أخطاء متتابعة بعد ذلك أفقدت الناس الثقة بهم / ربما يتم فرض أحكام عرفية ، مبروك للإخوان البرلمان و(الوزارة القادمة بعد البرلمان ) أيضا .

ده مش كلامي ، ده كلام أنا شايف انه مهم ، تردد اليوم في مكان أكثر أهمية .

كلمتين

2011-08-19T18:07:00.001+02:00

ليس قولا جديدا أن ( النضال مش مظاهرة واعتصام وبس ) ، النضال ممارسة دائمة رافضة لأي سلوك أو مظهر من مظاهر الاستغلال ، يعني بوضوح أن النضال كما هو واجب ضد الانظمة والحكومات ،واجب أيضا في الشارع ضد أي شكل من أشكال الخلل
قناعتي الشخصية أن الثائر الحق هو ( من يثور ليهدم الفساد ، ثم يذهب إلي السوق ليشتبك مع التجار ولاد ال..... ) ، الذين يتجلي انحطاطهم علي أكمل وجه هذه الأيام ، تحكم كامل في الأسعار بفعل غياب أي شكل رقابي أو أي تشريع قانوني حازم أو إجراء ثوري يمنع ما يقوم به هؤلاء من استغلال للظروف ،إذهب إلي السوق لن تجد سلعة واحدة تباع بسعرها الرسمي ، من الرز للسكر إلي السجائر ، ومن غير ما اطول عليكم ،ما يقوم به هؤلاء الجشعين لابد من ضربه بكل السبل ، أنا مش فاهم احنا ساكتين ليه وما بنضغطش بالشكل الكافي علي حكومة شرف ( الوديعة ) لاتخاذ إجراءات رادعة لظبط الأسواق ، ولحين يحدث ذلك ، اظن أنه يمكننا الضغط عليهم لإجبارهم علي تخفيض الأسعار ، قلل الاستهلاك لأي سلعة بتحتاجها وشوف هتجيب نتيجة ولا لأ ، تخيل معايا مثلا لو ان مليون واحد قللوا استهلاك الرز للنص ،شوف كيلو الرز هيبقي بكام ، مليون مدخن قللوا التدخين للنص شوف هترخص ولا مش هترخص ، وعموما انا شخصيا بقالي شهر كامل متبع هذه السياسة ولله الحمد نتايجها بالنسبه لي أكثر من رائعة ، أولا صحتي بقت أحسن كتير لأني كنت مدخن شرس ، ثانيا أول مرة في حياتي احس اني بني أدم زي بقيت خلق الله يقدر يوفر في الفلوس ، ثالثا وده الأهم اني كل مرة لما بتعامل مع تاجر وما يعجبنيش السعر واروح اشتري الحاجة بتمنها من حد تاني ولو علي بعد اتنين كيلو بحس اني انتصرت علي هؤلاء الحقراء

أي كلام

2011-07-16T03:48:00.000+02:00

في نوع من الكتابة إسمه الكتابة اللي ما لهاش لازمة ، مثال واضح جدا ليها ،ما أفعله الآن ،إنك تكتب مثلا ( زي ما انا بعمل دلوقتي ) عن الأستاذ إيهاب توفيق ،ليه بتكتب ما اعرفش ، اهي طقت في دماغي وخلاص ، وعموما إحمدوا ربنا انها جات علي قد كده م كان ممكن ترسي علي مصطفي قمر أو الأستاذ وائل كافوري .
كمهووس بالموسيقي منذ الطفولة ، كانت أول وآخر حادثة سرقة لشريط كاسيت أقوم بها في حياتي هي سرقة شريط (مراسيل ) من احد الباعة بميدان العتبة فور نزول الألبوم عام 91 ، كنت مع صديق تلك المرحلة نقوم بجولة رمضانية ليلية في وسط البلد ومنها إلي ميدان العتبة ،كانت أصداء أغنيات الألبوم الذي صدر قبل يوم واحد فقط تملأ المكان وتتردد في جنبات الميدان ، كنت وقتها من محبي إيهاب وأعجبت جدا بالألبوم الأول المتكامل الذي أصدره قبلها بعام (إكمني ) ، وقبلها أيضا لفتت انتباهي أغنية ( داني ) التي قدمها في (لقاء النجوم ) مع حميد ورفاقه ، المهم ،كان أحد باعة الأرصفة يضع علي طاولة خشبية عشرات النسخ من الشريط ، وهمست لصديقي أنني أقاوم رغبة ملحة في سرقة نسخة ،أثناء همسي له وفي أقل من ثانية التفت البائع خلفه لسبب ما ،لفتة لا تتجاوز الفيمتوثانية ، كانت كافية لشخص ( خفيف الروح واليد ) مثل أخوكم لالتقاط الشريط ووضعه في جيبه بكل تلقائية وبساطة ثم الانسحاب بهدوء من المكان وسط ذهول الصديق .
الغريب أنني وهذا الصديق ،قضينا معظم اوقاتنا في حي العباسية وفي منظقة قريبة من التي كان يسكن بها الأستاذ ايهاب ، كانت العباسية هي أحد ملاعب الصبا ، فبحكم أن صديقنا الثالث يسكن هناك ، وان صديقي كان يحب فتاة تسكن هذا الحي أيضا ، أصبحنا شبه مقيمين في العباسية ونحفظ شوارعها دربا دربا من غرب القشلاق إلي احمد سعيد إلي شارع كمال ،مرورا بالمستشفي اليوناني والإيطالي وكلية الهندسة ومدرسة الحسينية واسماعيل القباني وقبل كل هذا شارع (ميرفت أمين ) المحبب جدا إلي قلبي فقط لاسمه ، ولسنوات طوال مارست هواية المشي في شوارع هذه المنطقة العريقة ،أقطع شارع احمد سعيد طولا بدءا من نقطة تقاطعه مع شارع رمسيس ومصر والسودان ، إلي نهايته في شارع العباسية ،أحيانا أختار إكمال المسير في حواري العباسية وشوارعها الجانبية ،واحيان أخري اقطع شارع العباسية صعودا إلي الدراسة والبعوث والفردوس .، لكن غالبا ما كنت أفضل ان اتجه يسارا إلي شارع الجيش وباب الشعرية .
كان إيهاب حاضرا أيضا في قصة حب غريبة بين اثنين لم اعرف أبدا كيف بدأت ، لكنها قد تكون بدأت هكذا ، كانوا في بداية تعارفهما العادي ،يلتقيان كأصدقاء ، وكأصدقاء أيضا حكت له موقف طريف حدث معها وتكرر مرتين وكان بطله الأستاذ إيهاب توفيق ،و فاجأها صديقها أن إيهاب كان جارا له في الطفولة وكان يعرفه جيدا حتي أصبح نجما مشهورا واختفي من الحي ،والأكيد انه بدأ يحكي لها عن ذكرياته المشتركة معه في شوارع أحمد سعيد والعباسية ،الأكيد انه والأستاذ بفعل الانتماء الطبقي وتقارب السن كانا أصدقاء ، والأكيد ايضا انها بدأت تستمع له باهتمام ، ومع القص ، دخل الحب متسللا كالعادة .
لكن الأغرب من ذلك بالنسبة لي ،هو ما حدث قبل عام ، كنت مع أستاذي في الموسيقي في درس من دروسنا المعتادة ، وسألته عن سبب عدم اهتمامه أو توجهه للتلحين رغم انه احد أكبر أساتذة الموسيقي الشرقية ،عدد لي الأسباب التي جعلته يفضل التفرغ للتدريس ولتدريس العود تحديدا ،لكنه فاجأني أنه قدم لحنا واحدا في حياته وكان هذا اللحن من نصيب إيهاب توفيق الذي غناه فعلا في عدة حفلات ، وأسمعني اللحن وكان لحنا جميلا ، وسألته لماذا إيهاب تحديدا وفقط هو الذي قدمت له لحنا ؟ وفاجأني أن إيهاب كان تلميذه النجيب ! وانه هو الذي علمه الموسيقي وعلمه العزف علي العود ! وأن إيهاب كان عازف جيد لكنه فضل التفرغ للغناء ، قال استاذي أيضا أنه قليلا ما يلتقي بمشاريع موسيقية جيدة وللأسف بعضهم يضل الطريق بعد ذلك لسبب أو لأخر ويهدرون طاقاتهم .

تماما مثلما فعلت الآن بهدر وقتي ووقتكم في هذه الكتابة .

لا تكتموا الشهادة

2011-07-04T19:36:00.000+02:00

أعتبر دوما ان من اعظم القيم التي رسخها الإسلام هي قيم قول الحق ، والتي تجلت بوضوح في ( لاتكتموا الشهادة ) ، و(خير الجهاد في سبيل الله كلمة حق في وجه حاكم ظالم ) .
نحن أمام مسؤولية كبري ، باختصار وبساطة لأننا شاركنا في صنع هذه الثورة ، وبالتالي نتحمل مسؤولية مسارها ومصيرها ، مسؤولية تجبرنا جميعا علي التصرف بشكل مسؤول قولا وفعلا في كل خطوة وفي كل حرف نكتبه ، وبشكل شخصي قررت ذلك واللي يزعل يزعل ،اللي يختلف يختلف ،كما أسلفت هذه لحظة مسؤولية .
إحدي الروايات التي تتردد عما حدث في أيام مبارك الأخيرة ، أن سبب الإطاحة به وتولي المجلس العسكري السلطة ، أن مبارك قرر او حاول يوم 9فبراير الإطاحة بالمشير ،فقرر المشير الإطاحة بمبارك وأنهي الأمر لصالحه ، هذه رواية تتردد ضمن محاولات الكثيرين لوضع تفسير لوجود طنطاوي علي رأس السلطة الآن ، وتتعدد بالطبع التأويلات حول حقيقة دور طنطاوي الآن في هذه اللحظة والبعض يقول أنه هو الذي يحمي الثورة المضادة وانه هو الذي يحمي مبارك والعديد من التساؤلات المشروع بعضها بفعل ما نراه من تصرفات متناقضة ومتضاربة ومتباطئة من المجلس العسكري
انا هتكلم في اللي اعرفه وبس وماليش علاقة بأي حاجة تاني بصراحة ، هقول معلومات أكيدة عندي ،بدافع (لا تكتموا الشهادة ) .
في عام 2009 وفي لقاء مع أحد مصادري الصحفية المهمة ، أكد لي ان مجلس الوزراء يحاول بيع بنك القاهرة وأن المشير تدخل شخصيا وبلهجة حادة ومنع البيع بالقوة وأنه قال ما معناه ( بعتوا بما فيه الكفاية ومش فاضل حاجة تانية تتباع وكفاية بيع لغاية كده ) ، كانت هذه اول إشارة أكيدة حول بدء طنطاوي التدخل بقوة في السياسات التي تتبعها حكومة نظيف ، هذه الرواية أكدها محمد العصار مؤخرا ثم أصبحت معروفة ومتداولة ويرردها الكثيرون ، والله علي ما أقول شهيد انني أعرفها منذ عامين أو يزيد ، وكانت هذه المعلومة هي ثاني الإشارات الأكيدة التي أتلقاها حول اشتباك المؤسسة العسكرية مع حكومة نظيف ونية المؤسسة التدخل لوقف ما يحدث وضرب مشروع التوريث من جذوره ، الإشارة الأولي كانت عام 2008 وقلتها لأحد الأصدقاء وفقط
في ثلاثين يناير الماضي عقب جمعة الغضب بيومين ، أثناء توجهي لميدان التحرير ،حلقت الطائرتين اللتين يقال أنهما (إف 16 ) فوق ميدان التحرير ، كنت لحظتها أركب المترو من محطة كوبري القبة وشاهدت الطائرتين ،و في محاولة للوصول لمعلومة من أي مصدر حول ما يحدث ، إتصلت بالمصدر نفسه الذي أخبرني عام 2009 بقصة بنك القاهرة ، بعد السلام والكلام فاجأني بالرد وبصوت متحمس وحاسم ( مبروك عليكم ، ثورتكم نجحت ، طنطاوي وعنان خلصوا الموضوع وكلها ايام ومبارك يتنحي ! ) الكلام ده يوم كام ؟ ثلاثين يناير يعني قبل التنحي بحداشر يوم ، وأضاف المصدر ( المشير في التليفزيون دلوقتي رايح يقابل أنس الفقي ) ، سألته أيوه يعني يقابله بيعملوا أيه هناك فقال ( عمر /المشير مش رايح يشرب شاي هناك يا عمر ، المشير بيخلص ، واحتمال بعد ما يطلع من التليفزيون يعدي عليكم في الميدان ! ) ، وسألته وأنا غير مصدق ( المشير هيعدي ع الميدان ؟ ) فقال (بقولك احتمال ،مش أكيد بس احتمال ) ، والمفاجأة فعلا أننا واحنا في الميدان حلقت طائرة المشير فوق رؤوسنا مباشرة وده مشهد انا شفته بعيني وعشته وتأكدت لحظتها ان كلام الصديق سليم وأن المسألة مسألة أيام وتتم الإطاحة بمبارك ، وعقب هذا المشهد أخبرت محمد خير وتامر ابراهيم بمعلومة قرار طنطاوي وعنان الإطاحة به ثم قررت ألا أتحدث أبدا في هذا الموضوع لأن هذا النوع من الأزمات السياسية الضخمة تفاعلاته تستمر كل لحظة وقد يتغير مسار الأمور في أي ساعة ، لكن الأمور سارت فعلا كما قال الصديق وتمت الإطاحة بمبارك خلال أيام .
أقول هذا الكلام لأنني شخصيا مندهش من الكلام الغريب بتاع (المشير والثورة المضادة ، والشعب يريد إسقاط المشير ) خاصة أنه نفس هتاف الحلوين اللي في مصطفي محمود ، وعموما لن أتبرع بأي تحليل أو تفسير لأي شيء ، أنا قدمتلكم المعلومات اللي عندي وبس ، و ما عنديش أي تصور عن طريقة تفكير المجلس العسكري ، وغير متفائل بحكومة شرف لأنها حتي اللحظة مرتعشة ولم تتمكن من اتخاذ أي قرار ثوري لصالح البسطاء وتبدو معنية برجال الأعمال أكثر ، انا بس حبيت انقل المعلومتين اللي عندي يمكن يفيدوا حد ويساعدوا في فك بعض طلاسم المشهد .

وضاع الدوري يا ولدي كالعادة

2011-06-27T12:06:00.000+02:00

لما يبقي نادي بيعاني نفس المشكلة من عشرات السنين ، يبقي معلش المشكلة في النادي نفسه ، لا في الظروف ولا الحظ ولا اتحاد الكورة ولا في المنافس ، المشكلة في نادي الزمالك ، إدارة وجمهورا ، من يوم ما وعينا ع الدنيا ونفس المشكلة بتتكرر بحذافيرها ، يبقي نحاول نعالج الخلل .
اولا بس عايز اقول حاجة للناس اللي دافعت باستماتة عن حسام حسن باعتباره الفاتح الكروي اللي سيأتي بما لم يأت به الاقدمون ، هل اقتنعتم أخيرا انه مدرب ضايع ؟ يا جماعة المدرب الكبير ده مش حاجة بالساهل ، المدرب الكبير ،لازم له مواصفات خاصة ،مش معني أنه حقق عنصر منها انه كبير ، أبدا ، لازم العناصر كلها تكون موجودة ، رؤية وخيال وفكر وتصور ، حسام حسن الصفة الوحيدة الجيدة اللي فيه هي الروح القتالية ، وما عدا ذلك سلملي ع التروماي ، وعموما الحق مش عليه ، الحق ع اللي صدقوه وأقنعوه انه مدرب كبير
خلاصة الكلام من غير فلسفة ، لا أمل في نادي الزمالك إلا بإدارة محترمة تعمل من اجل مصلحة النادي فقط ، مش بيزنيس وشللية وفساد ومؤامرات ، ومدرب محترم من ابناء النادي اللي بجد والمخلصين له ، طارق يحيي أو طه بصري مثلا أو أي شخص شريف ،يمسك النادي تلات اربع سنين ، واكيد الموضوع هيجيب نتيجة ، والمهم أيضا انكم تشيلوا الأهلي من دماغكم خالص ، مالناش دعوة الأهلي بيعمل أيه ، ركزوا في ناديكم وبس وشكرا
وطبعا بأدن في مالطة

هوس

2011-05-19T05:19:00.002+02:00

تبحث عن فكرة غير تقليدية تبقي الباب مواربا ، إعترف لنفسك ، كان من الممكن ان تغلق الباب خلفك تماما ، لكنك أبيت ،أثناء غلقه ، تركت فسحة يمر منها بعض الضوء وبعض الرحيق وبعض الأمل ، تركتها لتلقي نظرة علي عالمك إن شاءت ، وإن شئت الدقة –تركت لها فسحة لتتلصص علي عالمك ، فسحة لم تسمح لها بالدخول ولم تسمح لك بالعبور إليها فاحتفظت بكرامتك وسمحت لك أن تنظر إلي المرآة كل يوم مؤكدا لنفسك انك رجلا أغلق الباب خلفه ولم ينظرإلي الوراء أبدا
تعرف انها تتلصص وتلعب معها هذه اللعبة الشيقة ، تترك لها في الغرفة اشياء وهمية لتري في عالمك ما تريدها انت أن تراه ، تراقبها من بعيد ، تعرف متي تأتي ومتي تذهب ، بعد أن تنتهي هي من تلصصها ، تلملم أشيائك وتضع مكانها سريعا اشياء وهمية أخري حتي تعود وتتلصص عليها لتجد عالما جديدا مختلفا يجبرها علي العودة للتلصص .
لكن أشيائك ستنفذ ، قد يأتي يوم لا تجد شيئا تضعه في غرفتك ،ستأتي للتلصص في يوم ما وتجد غرفتك خاوية ثم تعاود الكرة عدة مرات لتجدها مازالت خاوية وتيأس وتنصرف عنك إلي الأبد ، ما الذي يجب عليك فعله حتي تضمن عودتها للتلصص .
الضوء المتسلل يخيفك جدا ، ينبهك لظلام غرفتك وعتمتها لتصبح مجبرا علي التطلع إلي بصيص الضوء القادم ، لماذا لا تفتح الباب قليلا ليمرالضوء بكثافة أكبر وتستنشق بعض الرحيق ؟ الخوف طبعا ، إنتظر ، لا تكرر هذه الكلمة قد تسمعك وتنتهي اللعبة بأكلمها ، في أشيائك الوهمية تترك لها دوما مايؤكد انك رجل شجاع لا يعرف الخوف ، لماذا لا تسمح لنصف ضوء ان يمر ؟ لأن نصف ضوء لا يكفي ، نصف ضوء لا يشبع غرورك ويمحو كرامتك ويسحقها سحقا ، نصف ضوء أيضا سينهي لعبة التلصص ، ستري أشيائك بوضوح وتدرك انك كنت تمارس هوايتك الأثيرة في الخداع والمراوغة ، نصف الضوء سيقضي علي ساديتك في اللعبة ،سيقتل مازوخيتها التي تجبرها علي العودة ، نصف الضوء سينهي سر استمرار اللعبة –رجل مراوغ وفتاة مراوغة ، رجل واثق وسادي بالفطرة ، وفتاة مهووسة بذاتها أيضا ومازوخية بالضرورة .
حسنا لا مفر ، عليك الآن أن تغامر ، إما ان تغلق الباب أو تفتحه أو تسمح بمرور نصف ضوء ، أو تتركه مواربا هكذا ، مواربا ! هل انتبهت ان هذه هي المغامرة ذاتها ، مواربة الباب تعني ان تستمر إلي الأبد في اللعبة مضحيا بعمرك ومبعثرا أيامك في الترقب والتلصص والأمل، غلقه أيضا مغامرة كبري قد لاتستطيع فتحه مجددا وتفقد حتي الضوء الخافت الذي يصلك من خلف الباب ، حسنا تغامر بفتح الباب قليلا ليمر منه نصف العطر ؟نصف العطر يمر معه نصف الضوء وسيكشف حتماَ ألعابك واكاذيبك ، ضوء كامل ؟ سيغشي عينك وقد لا تقدر علي تحمله ، لا مفر من المغامرة ، أي اتجاه ستسير ، أنت تحب المغامرة عموما ، وتفكيرك هذا يؤكد ذلك ،ويؤكد ايضا انك كالعادة كاذب جدا ومراوغ إلي أبعد مدي ولا علاقة لك بالمغامرة لأن المغامر يغامر و لا يفكر

جمعة الغضب

2011-04-11T12:57:00.000+02:00

عدت للمنزل ، إتصالات مع الأصدقاء الذين يفترض ان نتحرك سويا في جمعة الغضب، لم احدد مكان اللقاء وقررت ترك ذلك لصباح الجمعة تحسبا لأي طاريء ، إنقطع الإنترنت تماما وتوقفت خدمة الرسائل الهاتفية والاتصالات أصبحت غاية في الصعوبة ، تتابع قناة الراي ، تشعر انك امام لغز ،القناة غريبة جدا ويتلقي المذيع اتصالات هاتفية من مواطنين من القري والنجوع والمحافظات يهاجمون نظام مبارك ويؤكدون مشاركتهم في جمعة الغضب ،المذيع يلقي توجيهات بكيفية مواجهة البلطجية والتعامل معهم !ويؤكد ان غدا هو يوم إسقاط النظام ،لم تجد تفسيرا لهذه القناة ولم تقتنع انها موجهه من الخارج ودارت شكوكك حول جهة أو ( جهاز ) مصري انه هو المسؤول بشكل بأخر عن هذه القناة ، الشكوك أصلا حول قيام جهة مصرية ما من قلب النظام نفسه بدعم الثورة كانت قد بدأت يوم الأربعاء26يناير بعد سقوط المواقع الإلكترونية لمجلس الوزراء ورئاسة الجمهورية ،وعبرت عن هذه الشكوك في حوار مع الإذاعة الألمانية حول ما حدث في 25يناير وتوقعات جمعة الغضب وقلت أن 25يناير كان مفاجأة للجميع لأن روافد النهر تجمعت كلها ونزل المصريون للشارع فعلا كما أن قرار البرادعي بالعودة فجأة مساء الخميس مسألة (مليئة بالدلالات ) ،قلت ان الجمعة لن يكون يوما عاديا ويبدو ان هناك من يدعم هذه الثورة في الداخل . تستيقظ صباح الجمعة علي اتصال هاتفي من والدتك في الإمارات تطلب منك عدم النزول من البيت ،كان ذلك آخر اتصال هاتفي ولا تعرف أصلا كيف تم في ظل انقطاع الاتصالات ، لم تتمكن من الاتصال بالأصدقاء الذين كان من المفترض ان تتحركوا سويا ، الثانية عشر ظهرا تتحرك إلي وسط المدينة بالمترو، محطة التحرير مغلقة والأوبرا أيضا ، تنزل في محطة الدقي ، أثناء خروجك تجد الموظفون يبدأون في إغلاق أبوابها ، تزيح الباب وتخرج ويغلقونه خلفك ، تخرج لتجد كردونا أمنيا يغلق شارع التحرير من امام سينما التحرير ليمنع المتظاهرين الذين لم يصلوا بعد من الوصول إلي كوبري الجلاء ، الساعة لم تصل بعد للواحدة ظهرا ، تقف بجوار الكردون الأمني وتسمع حوارا بين مجموعة مواطنين والظابط المسؤول ،يتحدث عن الظباط الذين ماتوا صباح اليوم أثناء إجلاء مصابين من احد العقارات المنهارة وأن الشرطة مظلومة في أحيان كثيرة ، تجلس علي الرصيف انتظارا لوصول المتظاهرين ، علي الجانبين كان فقط قرابة عشرين متظاهرا يقفون في مجموعات صغيرة ، بعدها بخمس دقائق يأتي محمد فرج ، ينضم إليك قائلا ( ياالله نهتف ) تطلب منه الانتظار قليلا لحين زيادة العدد ، ثم يصل أشرف يوسف ، بعدها بقيل تلوح في نهاية شارع التحرير طلائع المتظاهرين ، تقول لفرج ( وصلوا يا فرج ، يالله اهتف ) ، يبدأ محمد فرج في الهتاف ( يسقط مبارك ) وترد بمفردك خلفه وأنتم تتجهون صوب المتظاهرين ، العدد كبير جدا يفوق أي خيال ، قلت له لف تاني يا فرج ونخش ع الكردون ، إقتحمنا الكردون دون أي مقاومة من العساكر الذين انسحبوا تماما ، آلاف مؤلفة تهتف في شارع التحرير وتدعو المواطنين الذين وقفوافي الشرفات للنزول ، وصلنا إلي مشارف كوبري الجلاء ، امام قسم الدقي وقف الظباط والعساكر يتابعون المشهد دون تدخل ، صفق لهم المتظاهرون ، كنت في الصفوف الأولي تماما ،قبل الوصول للكوبري بدأ الضرب الكثيف بقنابل الغاز ، هربا من الدخان الذي نلت منه قسطا محترما تندفع يسارا إلي شارع النيل وتستلقي علي رصيف أحد الشوارع الجانبية ، تلتقط أنفاسك قليلا ، تتجمع مع بعض المتظاهرين في الشوارع الجانبية وتتحركون بالقرب من حزب الوفد ،من إحدي البلكونات يلقي إليكم الأهالي علب مناديل ورقية ، شباب حزب الوفد يوزعون كمامات ، نصائح الثورة التونسية كانت مفيدة فعلا بعد ان جربنا استعمال الكوكاكولا في الوقاية من تأثير الغازات ، الخل أيضا كان مفيدا ، عدنا مجددا لشارع التحرير ،اعداد المتظاهرين أصبحت أسطورية ، تلتقي علاء كمال ودينا حشمت ، تسألك دينا عن وجود بلطجية او لا وتخبرها انك حتي الآن لم تري بلطجية ، تتقدم للصفوف الأمامية مجددا ، إمرأة خمسينية نحيفة تشبه أمي كثيرا كانت تتقدم ايضا ، تطلب منها الرجوع للخلف والبقاء هناك ، تنضم لكتيبة قاذفي الحجارة ، معظمهم من شباب ما دون العشرين ،أبناء الأحياء الشعبية بولاق وامبابة وما شابه والاستثناء الوحيد تقريبا بينهم هو عمرو واكد ، العيال زي الوحوش ،قنبلة الدخان وهي طايرة في الهوا تلاقي العيل من دول مسكها ما تفهمش ازاي وحدفها ع الأمن تاني ،تردد في سرك ( الشعب هو القائد والمعلم والله وأي ادعاءات نخبوية بقيادة هذه الثورة ستكون أكاذيب ) ، العيال بيعملوا أشياء مذهلة فعلا (كان ناقص ينطقوا القنبلة علي صدرهم زي لعيبة الكورة ويشوطوها للأمن ) ، تشتعل إحدي عربات الأمن المركزي ويهرب الظباط والعساكر ، يصعد البعض فوق العربات رافعين اعلام مصر ونقتحم كوبري الجلاء حتي نصل إلي كوبري قصر النيل لتبدأ المعركة الكبري المرعبة ،ضرب هيستيري بقنابل الغاز والرصاص المطاطي ،لا عارف تجري يمين ولا شمال بسبب التدافع الرهيب ، تنحشر في وسط الكوبري لا تدري ماذا تفعل ،التقدم للأمام مستحيل بسبب جنون الأمن والتراجع للخلف مستحيل أيضا لأنك ستدهس أحد أويدهسك احد الإصابات والإغماءات تتوالي حولك بفعل الرصاص المطاطي والتدافع والدخان ، تتشبث بسور الكوبري بكل عزم ممكن ، هذا النوع من المواقف لا يعتمد صمودك فيه علي وجود خبرة من عدمها ، دي مواقف بتاعت ( انت ونصيبك ) ، بقاءك سليما هومجرد صدفة لا أكثر ،( لوهلة تفكر في القفز في النيل فعلا هربا من هذا الجحيم )،لحسن الحظ يومها أن الطبيعةتعاطفت معنا قليلا ، إتجاه الهواء كان في صالحنا ويجعل الدخان يرتد ثانية تجاه من أطلقوه ،تتشبث بسور كوبري قصر النيل بكل ما لديك من عزم وتتمكن أخيرا من الابتعاد عن مرمي النيران ، تستلقي علي الرصيف أمام الأوبرا غير مصدق انك نجوت ، سيارات الإسعاف تصل وتبدأ في نقل المصابين ، نجح الأمن في إجبارنا علي التراجع من الكوبري ولاحقنا بقنابل الغاز عند الأوبرا فتراجعنا مجددا متمركزين في الشارع المجاورللأوبرا الرابط بين كوبري الجلاء وكوبري قصر النيل ، كان هاجسك الأول في تلك اللحظة ألا تتم محاصرتنا من ناحية الجلاء ،ستكون كارثة إذا حدث ذلك ونصبح بين طرفي الكماشة ، تتحرك بين الصفوف ومعك احد شباب الإخوان تطلبون خلق مساحات بين الصفوف و الانتشار إلي ما بعد كوبري الجلاء حتي لا يتمكن أحد من حصارنا وحتي نجد مساحات للحركة دون تدافع كي لا يتكرر ما حدث فوق كوبري قصر النيل ، وان اهم شيء إذا حدث ضرب كثيف مجددا الناس ما تجريش بهيستريا ( تتحرك أو تمشي بخطوات سريعة لكن ما تجريش عشان ما ندوسش بعض ) ، كانت نصيحة في وقتها فعلا ،الضرب الهيستيري عاد مجددا وابتعادنا عنه كان منظما هذه المرة ولم يقع منا أي احد . تستلقي علي الرصيف بجوار محطة الأوبرا ،تلمح خالد الصاوي وعمروواكد يقومون بالتقاط الحجارة من الأرض ويتقدمون للصفوف الأمامية ، علي جدران سور الأوبرا كتابات بالاسبراي بسقوط مبارك ونظامه ( نال احمد عز تحديدا نصيا وافرا منها ) ، يلفت انتباهك عبارة ( كش ملك ) ! تعود ذاكرتك فجأة إلي ثلاث سنوات خلت وتتذكر الشخص الذي اتصل بك عقب تغطيتك لحريق مجلس الشوري وعلق علي ما كتبته للدستور يومها وقال لك ( التوريث مش هيتم علي فكرة والنظام هيقع وهيتعملهم (كش ملك )! تلمح ( الحاجة )مجددا ،تنفعل عليها هذه المرة وتقول لها (يا ستي أبوس ايدك ارجعي ورا روحي اقفي في ميدان الدقي ) ، تكرر لقائي بالحاجة عدت مرات في بقية أيام التحرير وأحببتها جدا وأتذكر لها كلمة قالتها تقريبا وهي بتعيط قالت ( أنا مش مصدقة ، انا لما نزلت يوم 25كنت فاكرة اني هبقي لوحدي ). تشعر بإجهاد وتذهب للدقي لشراء زجاجة مياه ، تهدأ هواجسك قليلا من فكرة (الكماشة ) العدد يستحيل محاصرته ، تلمح جيهان فاضل ( جيهان وعمروواكد كانوا أكتر اتنين من الفنانين بحس انهم مستقتلين فعلا ع الثورة ) ،حسيت ده أكتر في اليوم التالي لموقعة الجمل جيهان كان باين عليها الحزن والإجهاد والاستقتال ايضا ولسان حالها يقول (علي جثتنا ) ،المهم ،تذهب لشراء زجاجة مياه ،تعود وتقف علي مطلع كوبري الجلاء في الدقي ،لا توجد وسيلة تواصل تعرف منها ما يحدث في بقية الأماكن ، نلمح من بعيد أطياف مظاهرة ضخمة قادمة من ناحية الجيزة ، عددهم اسطوري لا يقل بأي حال عن ثمانين ألف متظاهر ، يصلون علي موجات متتابعة وتدرك بعد رؤيتهم أن دخول ميدان التحرير اصبح محسوما لصالحنا .

حدوتة عادية جدا

2011-03-30T13:22:00.002+02:00

مرة زمان ، كان في ولدوبنت بيحبوا بعض ، بس ما كانش ينفع للأسف ، الولد كان صريح جدا معاها وقالها انه بيحبها ، وهي رغم انها كانت بتحبه ، قالتله ما ينفعش ، فضلو عارفين بعض وكل ما يحاول معاها تقوله ما ينفعش ، بعدوا عن بعض وكل واحد راح لحاله ،لكنه فضل يحبها مع نفسه ،قفل باب الموضوع خالص لكنه برضوا بيحبها ، بعدوا عن بعض تماما وكل ما يحاول ينسي يلاقي انه لسه بيحبها ، المشكلة ان هي كمان كانت كده ، فضلت تحبه من بعيد بعيد ، لكنها ما تقدرش تقوله بحبك لأنه ما ينفعش ، مرت سنة واتنين وتلاتة وخمسة ،أصبح لكل منهم بيته وعالمه ودولته وبرضوا بيحبوا بعض بس ما ينفعش ، تمر الايام والسن يبتدي يسيب علاماته ويفضل الوضع زي ما هو بيحبوا بعض وما ينفعش ، في الوقت الضايع يكتشفوا ان حل القصة للأسف كان سهل جدا وللأسف كان ينفع

الجزء الثالث -إلي جمعة الغضب

2011-03-26T02:21:00.001+02:00

تصل المنزل وتتوالي الاتصالات الهاتفية ، نها حسن إتصلت اولا قالت ضاحكة أنها شاهدتك في التليفزيون حين بثوا مشاهد من المظاهرة التي شاركت فيها فوق كوبري اكتوبر ظهرا ، ثم العديد من المكالمات من داخل وخارج مصر تسعي للاطمئنان بعد هجوم الأمن وإخلاء ميدان التحرير ، كنت في منتهي الضيق والعصبية ( الناس بتطمن عليك بعد خناقة انت ما دخلتهاش أصلا )، إتصل أحمد خير واخبرته انني بخير وقلت له قول لكل الناس اني كويس وما تخليش حد يتصل ، ثم اتصلت زيزي وانفعلت عليها وأخبرتها اني قلت لاحمد يقول للناس اني كويس وما يخليش حد يتصل ، اتصلت بها بعدها واعتذرت عن عصبيتي .
تغلق هاتفك وتتابع الفضائيات والفيس بوك وظهور دعوة ( جمعة الغضب ) ، تفكر فيما حدث اليوم ، كان يفوق كل خيال ، قبل خمسة وعشرين يناير بأربعة أيام وفي تحقيق اجراه هاني درويش لموقع الإذاعة الألمانية قلت أن المشاركون سيتراوح عددهم بين (ألفين إلي خمسة آلاف في القاهرة ) وربما يحدث استثناء في المحلة فقط بسبب شروطها الخاصة ( لم ينشر التحقيق الجزء الخاص بالمحلة ) ، عموما كيف أسأت التقدير لهذا الحد ؟ لابد ان تعترف انك المسؤول عن ذلك ،دورانك في حلقة مفرغة من المشاكل الشخصية خلال العام الأخير أدي لانفصال ما عن الشارع وسوء في التقدير .
إتصال هاتفي في الثانية ليلا من صديقك ومديرك المذيع حسن فودة ، نتناقش في ماحدث ، حسن عمل لسنوات مراسلا من رئاسة الجمهورية وقريبا من الرئيس ،ختمت المكالمة قائلا ( المهم ان الرسالة تكون وصلتهم ) ، قال ( وصلت ! هي وصلت بعقل ؟ الدنيا مقلوبة ووالعة فوق !)
السادس والعشرين من يناير تستيقظ الثانية عشر ظهرا ، تتابع سريعا الفيس بوك والفضائيات ، التفاؤل والأغاني الوطنية ودعوات يوم الغضب تملأ الفضاء الإلكتروني ، أنباء عن مظاهرات متفرقة في شوارع القاهرة ،وسط البلد ، العباسية ، مدينة نصر ، تتاهب للذهاب للعمل ، مكالمة من حسن البربري يسأل إذا كان شيئ سيجري اليوم ، تخبره أن هناك مظاهرة بالفعل الآن قريبة من عبد المنعم رياض ،تقول له أنك للاسف ذاهب للعمل ولن تلحق بها ، إتصال من إسلام محسن حول نفس الموضوع ، تقول له أقرب مظاهرة ليك هي مظاهرة العباسية ، إستناهم يوصلوا باب الشعرية وضم عليهم
في العمل نقاشات حول ما حدث أمس ، الكل غير مصدق ، نتذكر قيام شبكات المحمول بقطع الخدمة عن ميدان التحرير أمس ، نبتدع فكرة دعوة لمقاطعة الشبكات الثلاث يوم الاحد 30يناير ترسل إيميل بهذه الدعوة لقرابة عشرين شخصا ،تشعربعد ذلك بسذاجة الفكرة ، ، إنقطع النت قليلا لكنه عاد بعد ساعة تقريبا ، تتابع أخبار المظاهرات في وسط البلد وبولاق ، يتصل بك محمد خير ويخبرك أنه في إحداها والأمن طاردهم ثم تجمعوا مجددا في شامبليون ويخوضون حرب شوارع معهم ، تحاول الاتصال به مجددا وتجدهاتفه مغلق يساورك القلق وتتأكد بعدها من يحيي وجدي واحمد خير انه ألقي القبض عليه
في العمل ، نكتشف قناة غريبة ( قناة الراي أوالرأي ) ،تبدو وكانها مخصصة فقط لما يحدث في مصر ، تنهمك في العمل وتتابع الأخبار التي تتوالي من السويس وشائعات نزول الجيش هناك ، إتصال من صديقك ومديرك ياسر رشدي ، يمازحك (خدتوا الميدان يا عمر ؟) ، كانت هذه العبارة هي كلمة السر بينكما ، بعد دخولنا ميدان التحرير يوم 25 تمكن ياسر من الاتصال بك رغم انقطاع الهواتف وأجبته بحماس ( خدنا الميدان يا ياسر ) ، يخبرك أن قناة تليفزيونية امريكية سألته إذا كان يعرف احدا من المشاركين في مظاهرات الامس لتجري معه مداخلة هاتفية ورشحني لهم ، لم امانع واتصلوا بعد قليل تحدثت معهم عن كراهية المصريين لنظام مبارك الذي تراجع بمصر علي كل المستويات إلخ ،سألوا عن إمكانية تكرار النموذج التونسي في مصر وقلت ان هذا كلام سابق لأوانه لكن الأكيد أن مظاهرات الأمس أجهضت مشروع التوريث تماما .، تطمئن علي محمد خير بعد إطلاق سراحه ، تنهي عملك في الثانية عشر ليلا وترحل .

الخميس 27يناير ظهرا ، ترسل رسائل لمعظم من تعرفهم من أصدقاء ومعارف للمشاركة في جمعة الغضب ، قبيل العصر يصدر أول رد فعل من النظام علي الأحداث ، يخرج صفوت الشريف في مؤتمر صحفي قصير ليلقي كلمته التاريخية باسلوبه المميز ( مطالب الشعب فوق رؤوسنا ) ، يتلعثم في إحدي الكلمات ، حسنا الارتباك واضح ،وتأخر رد الفعل يؤكد انهم في مأزق حقيقي ، تذهب لتناول الغداء مع الأولاد في الحدائق ومنها إلي وسط البلد للقاء ماريان ،في الإسعاف تري مظاهرة تعبر الشارع إلي بولاق ابو العلا ،شباب صغار السن في العشرينات وما دونها يهتفون ( عللي وعللي كمان الصوت ، إللي هيهتف مش هيموت) ، تنضم إليهم وتتصل بهاني درويش لينشر الخبر ،يسألك عن مدي تاكدك من صحة الخبر ، تقول له انك تسير معهم فعلا ولم تنقل الخبر عن مصدر وسيط ، إتصال من هشام طليب بعدها بدقائق يخبرك بمظاهرات ومعارك بين الأمن والمتظاهرين في الطالبية بالهرم وانه هناك والأمن يضرب قنابل دخان بغزارة حتي داخل البيوت ، تحاول الاتصال بهاني لإبلاغه لنشر الخبر ايضا وتفشل ، إنقطعت الاتصالات تقريبا او كادت
تلتقي بماريان في الجوريون ، بالقرب منكما تلمح محمد نعيم وآخرون ، تسلم علي نعيم بحرارة ، لا صوت في المكان يعلو فوق صوت المعركة ، تقول ماريان انها متشوقة تماما لمعرفة ما سيجري غدا تسألك عن توقعك ومشاعرك تقول لها انه لن يمر علي خير ،ولاوصف دقيق لما أشعر به إنت نازل مشوار مش عارف اول من آخره ومفتوح علي كل الاحتمالات ،لا انت عارف هتروح سليم ولا تاخدلك رصاصة طايشة ولا يتقبض عليك ، كل الاحتمالات قائمة وما فيش رجوع

الجزء الثاني

2011-03-12T04:03:00.000+02:00

كنا نهتف قليلا ثم نجلس للنقاش أو نتحرك في الميدان بحثا عن الأصدقاء ،إنقطعت الاتصالات اوكادت مع ميدان التحرير ، كان المشهد بديعا حقا ،ذوبان كامل بين كافة الفصائل السياسية الفصائل كلها اندمجت لهدف واحد (إسقاط النظام ) ،شيوعيين بوفديين بناصريين ،حتي الإخوان هذا الفصيل المتحفظ الذين أعرفهم جيدا باعتبارات التاريخ القديم تخلوا عن تحفظهم واندمجوا وجالوا معنا في الميدان يدا واحدة ونحن نغني ( الجدع جدع والجبان جبان ) وغيرها ،أينما تولي وجهك تجد رمزامن رموز مصر الحقيقية نخبة الوطن بالكامل هنا
أثناء وقوفك مع الأصدقاء أتي صديق لا أذكر الآن من هو وهمس في اذنك ( سنلتقي بعد نصف ساعة لصياغة بيان بمطالب الانتفاضة في مقهي كذا، إحضر ) ، لكني لم أذهب حقيقة ، لماذا ؟ لأن الحقيقة الغريبة أنني زاهد في العمل السياسي إلي أبعد مدي ، أنا لا احب السياسة ، فقط اكره الظلم واكره حسني مبارك ونظامه بكل ما يمثله من انحطاط واحلم بعالم عادل وحياة كريمة ، لكني لا احب السياسة أبدا ولا أتخيلني قائدا جماهيريا أونائبا برلمانيا يهتف الناس باسمه قائلين (عاش موحد الأديان ) ، أحلم فقط أن اتفرغ للموسيقي والقراءة والكتابة وشكرا .
تلتقي أخيرا بصديقك تامر ابراهيم الذي كان من المفترض ان تلتقيه ظهرا ، تتجولان في الميدان وتعرفه علي الاصدقاء ، تلتقي أيضا بصديقك الوفدي محمد زارع الذي التقط لك صورة اعتقالك عام 2005 ، تمازحه قائلا ( هي كده كملت ، حسن البربري الضهر وانت بالليل يبقي هتقفش النهاردة )
تتجول مع تامر في كل أرجاء الميدان لتأمين المخارج في حال حدوث هجمة امنية ، تتفقدا مخارج ومداخل المترو ،أعتبر المترو دوما منفذا مهما في مثل هذه المواقف وهومقصدي الأول في تفادي الضربات الأمنية ،يتميز بأنه يتيح لك الاختفاء السريع من امام الأمن ،لكنه في الواقع سلاح ذو حدين ، قد تسهل محاصرتك داخله أيضا ، لم نجد سوي مخرج واحد فقط مفتوح المجاور لجامعة الدول العربية ،أثناء عبورك لتفقد المخرج الموازي له علي الرصيف الآخر تشعر انك مراقب ، تنظر خلفك إلي المدخل الذي تفقدته حالا لتجد رجل أمن في زي مدني يتفقد ما كنت تتفقده ، ينظر إليك خلسة وندرك أننا التقطنا بعضنا البعض ، تشعر ببعض التوتر وتكمل جولة الميدان ، يصعد أيمن نور وعمار علي حسن وعبد الجليل مصطفي لإلقاء بيان الجمعية الوطنية للتغيير ،يبدأون في قراءة المطالب وتبدأ كالعادة هتافات المقاطعة من البعض ، يستفزك أعلاهم صوتا في المقاطعة ،تشعر انك موعود دوما بالمخربين ، كان يردد باستفزاز ( يا زملا –ما تديهومش فرصة يسرقوا ثورتنا )، كان يقف أمامي مباشرة ، ولا أستطيع سماع شيئا بسببه ، إنفعلت عليه قائلا ، يا سيدي تبقي تكمل الثورة الأول وبعدين نشوف ، ولومش عاجبك كلامهم ما تقفش تسمعهم .
إنتهوا من قراءة البيان ، ذهب تامر لشراء أكل وسجائر وجلست في انتظاره ، اقتربت الساعة من الحادية عشر ليلا ومع ذلك وصلت دفعة جديدة من المتظاهرين بالمئات ، شباب بولاق أبو العلا وصلوا يا رجالة ، ما تفهمش دول أيه اللي اخرهم ، أكيد خناقتهم مع الأمن هناك كانت تليق بمستوي بولاق ،عاد تامر بالأكل لكنه لم يشتري سجائر ، للأسف لا يدرك غير المدخنين قيمة السجائر في مثل هذه الأوقات ، تجلسان قليلا ثم ينصرف تامر ، في حوالي الحادية عشر والنصف تضطر لترك الميدان قليلا وتذهب للبحث عن علبة سجائر ، بعد خروجك وأثناء توجهك لباب اللوق تلمح التحركات الامنية بالخارج استعدادا للهجوم ، تفكر في العودة للميدان وتتردد في ذلك ،الهواتف مقطوعة تقريبا ولاتستطيع الاتصال بأصدقائك في داخل الميدان تفكر في الخطوة التي يجب ان تتخذ الآن ، وتنفذها فورا ، لم تكن خطوة واحدة ، بل خطوات سريعةجدا إلي محطة مترو محمد نجيب .

اكتب عنها كما عشتها مثلما تعلمت في قسم التاريخ الجزء الأول

2011-03-05T00:23:00.002+02:00

الرابع والعشرون من يناير عصرا ،مقابلة علي الفيس بوك مع صديق ظابط شرطة ،نعرف بعضنا البعض منذ ست سنوات ، شخص طيب جدا ولا تفهم لماذا التحق بالداخلية رغم انه طبيب بيطري أصلا ، يدور بيننا حوار ضاحك حول مظاهرة الغد ، تتبادلان الضحك كثيرا ، يقول لك معلش في ساحة المعركة ما فيش صحوبية ،ياريت بس ما تحدفوش دبش او زلط ،إحدفوا طوب صغير عشان نرجع سلام ، واحنا من ناحيتنا برضو مش هنتقل أيدينا ، ينهي المحادثة بعبارة نفسي اعرف مين اللي وراها ، شاكك ان امن الدولة اللي مرتب لها !

الرابع والعشرون من يناير ليلا ، مكالمة هاتفية مع محمد خير ، اخبرته أني في المنزل ولن أخرج الليلة ، نتبادل المزاح حول تظاهرات الغد ،ونضحك كثيرا حول فكرة الذهاب للسينما كما فعل السادات ليلة ثورة يوليو ، إتصال من ماريان ،يساورها القلق وتشعر أن شيئا غريبا يحدث وانها لن تكون مظاهرة عادية ، تقول أنها شاهدت العاشرة مساء وأن مني الشاذلي تحدثت عن مظاهرات الغد وخطب الرؤساء الأخيرة ! تعتبر ماريان دوما أن إشارات مني الشاذلي غير بريئة ، تطلب منك توخي الحذر ،تنهي المكالة قائلا (خليها علي الله يا ماريان لا هي اول مظاهرة ولا آخر مظاهرة ) .
علي أحد المواقع تجد تصريحا لعصام العريان حول المظاهرات يقول ( الإخوان سيشاركون بشكل فردي ،من يريد المشاركة من شباب الإخوان سيشارك كأي مواطن عادي ولانستطيع ان نمنعه ) . هذا تصريح مثير للريبة ، انا أحترم عصام العريان ،لكن تصريحاته أحيانا يكون خلفها شيء ما ، تنهي اليوم باتصال مع صديق قديم يشارك لأول مرة يسألك أين نلتقي ومتي ، تتفقان علي المكان ، قبل أن تذهب للنوم تكتب علي الفيس بوك ( كرة التلج بتكبر يا مسهل ) ، تفشل في النوم حتي الثالثة فجرا رغم أن عملك سيبدأ في السادسة صباحا .
تستقظ في الخامسة والنصف ، تتناول الإفطار علي عربة فول قرب محطة المترو ،اليوم عطلة رسمية بمناسبة عيد الشرطة ، أحد الزبائن يقول للبائع ( الحكومة ادت الناس اجازة النهاردة عشان في مظاهرات ) ، تفكر في تصحيح المعلومة له وإخباره أن عيد الشرطة أجازة رسمية منذ العام الماضي لكنك تتراجع ،شعورك بالريبة يزداد ، مصر بالكامل تعلم أن مظاهرات ستجري اليوم ، حتي الأوبرا ألغت حفلاتها اليوم !
في الطريق إلي العمل أمام كوبري الجلاء وشيراتون القاهرة تقف عربة مصفحة تابعة للأمن المركزي ، يلفت انتباهك هذا التواجد المبكر الساعة لم تتجاوز السابعة صباحا بعد !
تنهمك في العمل ، الحادية عشر ظهرا تبدأ الاتصالات من بعض الاصدقاء أين نذهب وكيف نتحرك ، تشعر أنك تحت ضغط المسؤولية ، بعضهم يشارك لأول مرة وتخشي ان يحدث لهم أي شيئ ، سيكون ذلك علي مسؤوليتك ، تفقد تركيزك في العمل وتخطيئ في كتابة إيميل ثلاثة مرات متتالية ، ينتبه رؤسائك لذلك ، تتابع الاخبار التي تتوالي تدريجيا ،خروج مظاهرة من دار السلام ، مظاهرة في مصر القديمة والمشاركون حوالي عشرين ألف ! تقول لحسن فودة أنك غير مصدق ،يبدو ان شيئا مختلفا يحدث فعلا ، تطلب الاستئذان والانصراف مبكرا ، يرفض رئيسك في العمل ذلك ويطلب منك البقاء وعدم المشاركة في المظاهرات ، ترد ما اقدرش طبعا يعني أيه ؟ ، أقعد ادعو الناس ع الفيس بوك وانا ما انزلش ؟
قبل أن تنزل تحاول الاتصال بصديقك القديم تامر ابراهيم والذي يشارك لأول مرة من اجل تغيير مكان اللقاء، كان الاتفاق ان نلتقي بجوار محطة محمد نجيب ، تحاول الاتصال لتبليغه بتغيير المكان والتقاء في محطة الأوبرا ( تغيير المكان كان كسلا مني لا أكثر وليس بهدف التمويه ) ، تفشل في الاتصال به وتبعث إليه برساله تخبره بتغيير المكان والالتقاء في الأوبرا ، يقرأها بعد ان يكون قد وصل محمدنجيب فعلا ،يعود أدراجه إلي المترو ليركبه في اتجاه الأوبرا ، كنت قد وصلت إلي كوبري الجلاء ووجدت المئات يحاولون عبور الكوبري تجاه ميدان التحرير لكن كردونات الأمن تعوقنا ،إتصل بي تامر من محطة المترو ، قلت له إصعد من المحطة ستجد مظاهرة أمامك انضم إليها ، يصعد ليجد نفسه في قلب الحشود المحتشدة ،يتصل بك ويخبرك بذلك وهو سعيد ويقول انهم يشتبكون مع الامن وعددهم كبير ويقتربون من دخول الميدان ، تضحك في سرك ( لابد انه يعتقد الآن أنك القائد المعلم ) والحقيقة أن الموضوع تم فقط بالصدفة ربما أو بالخبرة المعقولة في التظاهر عبر سنوات والتي جعلتك تعتقد ان كوبري الجلاء وقصر النيل سيكون احد المعابر التي سيقصدها عدد كبير من المتظاهرين ، إضافة طبعا إلي معلومة عرفتها قبل مغادرتك المكتب حول مظاهرة تحركت من بولاق والطبيعي أن تتجه إلي التحرير من ناحية كوبري قصر النيل .
علي كوبري الجلاء الذي نفشل في العبور من خلاله تلمح رشا عزب وحسن ، هم فقط من تعرفهم من المتظاهرين ، رشا عزب تقود الهتاف ، تلقي إليها بالتحية من بعيد وتردها، تنضم لها وحسن ، تتلقي اتصالا من يحيي وجدي يخبرك انه علي كوبري الجلاء وتخبره انك هناك أيضا ، تلتقيان قليلا قبل ان تتفرقا بفعل الزحام
كان اللافت بقوة ان نسبة كبيرة من المتظاهرين هم شباب صغار السن أولادوبنات في حدود من الثامنة عشر إلي الخامسة والعشرين ، من هؤلاء ؟ هؤلاء غير مسيسين بالمرة ومكانهم الطبيعي كافيهات وسط البلد وحدائق العشاق ، إنها مصر المدهشة الولادة دائما ، معنا أيضا شباب الإخوان ، في الزحام وأثناء محاولات اختراق الكردون يشتبك بعض الشباب الصغير مع عساكر الأمن ويشتمونهم ، تتدخل للتهدئة وتقول للشباب ان هؤلاء العساكر لا ذنب لهم وهم بالتأكيد متعاطفين معنا ويعانون اكثر منا ، تعتذر للعساكر ، يشعر الشباب أنه لا جدوي من محاولات اقتحام الجلاء ونتحرك فجأة باتجاه شارع النيل متجهين إلي كوبري اكتوبر ، تلمح بعض وجوه شباب الأحزاب الأخري الوفد والجبهة وعلي رأسهم أسامة الغزالي ،تتصل بمحمد خير الذي يخبرك انهم يخوضون معارك طاحنة في القصر العيني ،نسير هاتفين بسقوط النظام ونوجه هتافنا للاهالي في المنازل الذين احتشدوا لمتابعتنا ( إنزل – إنزل ) ، نصل إلي كوبري أكتوبر من ناحية العجوزه ، نتمكن من مغافلة الأمن واقتحامه لأن عددنا أكبر منهم بمراحل وتوجد خمسة محاور للكوبري ،تنتبه انك وحسن في مقدمة الصفوف وبدون تفكير تقتحمان كردون الأمن المركزي في ظل تشتت الظباط والعساكر الذين فوجئوا بهجوم المتظاهرين من محاورالكوبري المتعددة ، ننجح في الاقتحام وينسحب الأمن تماما ، كنا قد أصبحنا قرابة ثلاثة آلاف متظاهر ووجودنا فوق الكوبري تسبب في تضاعف عددنا حتي وصلنا قرابة الخمسة آلاف تقريبا ، كنا نهتف حين يمر أي أوتوبيس بجوارنا ( إنزل إنزل ) ولأول مرة في التاريخ كان العشرات ينزلون فعلا وبحماس .
كان حسن ورشا وآخرون يقودون الهتافات بالتناوب ، توقف حسن قليلا لالتقاط الأنفاس وتدخين سيجارة ، مزحت معه قائلا ( وجودك طمانني أننا سنقضي الليلة في زنزانة ) ،لنا سابقة مشتركة عام 2005 بعد أن أعلن مبارك ترشحه للانتخابات الرئاسية وخرجت مظاهرة 31يوليو الشهيرة ، ألقي القبض عليه بعد أن أعطيته لافته كنت قد التقطتها من كريم الشاعر وهو محاصر في الكردون الذي ضربه الأمن عليهم امام الحزب الناصري ، ثم ألقيت اللافته ذاتها لحسن والتي كان مكتوبا عليها (لا لمبارك ) بعد أن حاصرني الأمن أيضا في شارع طلعت حرب ، وبعد إلقاء القبض علي حسن ، لحقت به بعدها بخمس دقائق إلي نفس عربة الترحيلات ومنها إلي معسكر الدراسة
تضحكان قليلا علي هذه الذكريات وتكملان المسير والهتاف ، كنا علي مشارف الوصول للمقرالرئيسي للحزب الوطني بالكورنيش ، دب الحماس مجددا بعد رؤية مقر عدونا الأول بلافتاته الكريهة ( من أجلك انت ) ، توقفنا قرابة عشر دقائق مرددين الهتافات المطالبة بسقوطه وسقوط حسني مبارك وولده واحمد عز ، الجماهير علي الأرصفة وفي السيارات وفي الشارع الذي توقف تماما تراقب ما يحدث والبعض ينضم إلينا ثم تقدمنا تجاه الميدان ، أمام الحزب بدأنا نشم رائحة الغاز المسيل والسائل الغريب الذي يرشونه الذي يجعل العين تدمع (يا اهلا بالمعارك يا بخت من يشارك ) ، لكننا لم نخض أي معركة ،وجدنا الميدان مفتوحا والآلاف من المتظاهرين يحتلونه ، إستقبلونا بالهتاف المدوي ، تقدمنا إلي قلب الميدان لنجد عشرات الآلاف من المتظاهرين ، لم أر هذا المشهد منذ مظاهرة احتلال العراق قبل ثمان سنوات ، بدأت البحث عن الأصدقاء وجدت احمدخير ومحمد خير واحمد ناجي وياسر نعيم ونيرمين خفاجي وحاتم تليمة، تجلس مع محمد خير قليلا لالتقاط الأنفاس ، يحكي لك محمد تفاصيل المعارك الطاحنة التي خاضوها حتي أجبرواالأمن علي الهرب واقتحمواالميدان ، يقول مين كان يصدق المشهد اللي احنا فيه ده ، تقفان لالتقاط صورة ثم تنضمان إلي الجموع المحتشدة ،يلمحكما أحمد ناجي ويسلم عليكما قائلا : معجب بإصراركم علي الصداقة حتي في النضال ،كانت الساعة قد وصلت إلي الخامسة تقريبا ،تسمع صوت هتاف جديد يتسلل إلي أذنك ،ترُكز لالتقاطه،ترتعش كل خلايا جسدك بعد أن التقطته ورددته معهم لأول مرة (الشعب –يريد –إسقاط النظام ) ، يرتج الميدان من قوة الحناجر التي تردده ، تقريبا لم أعش من قبل لحظة ساحرة مثل هذه اللحظة، تلمح بين الصفوف المخرج والصديق تامر السعيد وهويتحرك محمسا المتظاهرين علي ترديد الهتاف الساحر المعبر تماما عما نريده ،تلتفت يمينا إلي محمد خير لتجد علي وجهه نفس الحماس والقوة والحسم وهو يردد الهتاف الذي كان له مفعول السحر فيما حدث بعد ذلك .

عن الدستور سألوني

2010-10-06T02:25:00.001+02:00

بلادي وإن جارت علي عزيزة

وأهلي وإن بخلوا علي كرام

ثلاث قصص مناسبة جدا لماحدث اليوم ومناسبة أيضا لإنهاء تجربةالتدوين مؤقتا

2010-09-28T03:49:00.004+03:00

كنا في الدستور من حوالي ثلاث سنين، طلع سيد تركي كتاب ( عشرة أيام هزت العالم ) من شنطته ، بصيت ع النسخة وقلتله : جبتها منين يا سيد ؟ قال من سور الأزبكية ، قلتله سيد ، النسخة دي أصلا حد اشتراها من عندي في المكتبة وبعدين وصلت الازبكية وانت اشتريتها ، والدليل افتح صفحة كذا هتلاقي في كلمة ممسوحة ، فتح سيد الصفحة لقي اللي انا قلت عليه بالظبط كلمة ممسوحة ، بص لي وقال لي جملة تذكرتها اليوم فقط :أمطري حيث شئت فسوف يأتيني خراجك .

قبل سنوات ،أثارت صورة القبض علي العبد لله عشرات التعليقات طبعا ، أكثر ماأعتز به في هذه التعليقات هو تعليق محمد خير ( شوفوا الشموخ القناوي حتي في الزنازين ) ، من فرط سعادتي بهذا التعليق لم اعلق عليه أصلا ، اليوم فقط يمكنني أن أشكره وأؤكد ان الشموخ المذكور أكبر من أي زنازين

كنا نشاهد مباراة في كرة القدم ،قلت له فجأة : سيفعلها ،ورددتها أكثرمن مرة حتي فعلها فعلا وأحرز الهدف من حيث لم نحتسب
سيفعلها يا صديق

قوللي يا صاحب السعادة

2010-09-24T03:21:00.001+03:00

اليوم تأكدت أنني سأتوقف قريبا عن الكتابة والتدوين ،أنت تخاطب الفراغ ولا معني للموضوع بأكمله واللعبة لم تعد شيقة كما كانت ،ربما لم يعد هناك ما تقوله ، ربما مللت حديثك عن نفسك ، وبعيدا عن ذاتك ، ما الذي يمكن ان تقوله ؟ تتورط في القضايا السخيفة ،أسلم هذا وتنصرت تلك؟ إشتباكات الألتراس ؟ التوريث والتهجيص ؟ تكلمت في هذه الأمور قبل سنوات وقلت أن الفوضي تزحف ببطء وها هي قد زحفت .
إنتظر كل هذه مبررات غير حقيقية ، دافعك الحقيقي هو اليأس ،أنت استسلمت ،نعم هذه الحقيقة المرة ،الاستسلام ، تيقنت اليوم أن المعادلة لن تكتمل أبدا ،سعادتك علي حساب آخرين ، وسعادة الآخرين علي حسابك ،ولن تتحقق معادلة سعادتنا جميعا دون أن يخسر أي طرف شيئ ،أمورك معقدة نوعا ما ، صحيح أنها ليست الأعقد لكنها معقدة، وربما يكون كل ذلك بفعل الإجهاد ،إحتمال ،أنت لم تلتقط أنفاسك طوال عامين ، هذا العام تحديدا كان ثقيل الظل ، تنتهي من ازمة لتبدأ في أخري بفاصل زمني يقترب من الفمتوثانية بين الأزمة وشقيقتها ،أظن أن مخزون قريتنا من القلل سينفد في حفل وداع هذا العام ،هل هناك أمل أن تختلس سعادة حقيقية ؟ لا تعلم ، تحتاج إلي من يطمأنك ان ذلك سيحدث ولا تجد من يفعل ذلك ،تشعر أنك طفل يحتاج إلي طبطبة وكلمة حانية وأن ضوءا في نهاية النفق وليس نفقا آخر .،تحتاج إلي من يطمأنك علي الأقل ان مفاتيح السعادة مازالت في مكان ما وأن أبوابها قد تفتح في وقت ما .
تحتاج إلي ذلك فقط .

حين سألوا

2010-09-22T02:19:00.002+03:00

حين سألوا عنك
لم تجد شيئا تقوله
تمزقت صفحاتك فجاة
و اكتفيت بقول جملة واحدة
لي إسم موسيقي

إذا الأرض مدورة

2010-09-18T04:42:00.000+03:00

قلت لصديقتي العزيزة يبدو أن قوانين الزمن لا تسري بنفس القوة علي الجميع ، يظل البعض أطفالا مهما كبروا ، أيضا يشيخ الكثيرون مبكرا أليس كذلك ؟ وأعرف أشخاصا يكبرون ويصغرون في العام الواحد عدة مرات ، قالت فعلا ألحظ ذلك علي البعض ، سميرة سعيد تصغر كل عام عن الذي سبقه ، أري صورها واغنياتها القديمة وأقارنها بصورتها الآن وأتفهم ما تقوله .
لم أرد واكتفيت بنظرة مستخفة أدركت منها مدي إعجابي بتعليقها فاستدركت مؤكدة أنها كانت مزحة لا اكثر ، قلت هل تعرفين لماذا الأرض ( مستديرة ) وليست (مربعة )أو ( مستطيلة ) مثلا ؟ قالت لا أعرف ،هل تعرف أنت ؟قلت أبدا ولم أحاول يوما القراءة في هذا الموضوع ، لكنني أضحك بشدة كلما تخيلت أنها شيئ غير ذلك ، تخيلي مثلا أنها مثلثة ، ستجدين ذلك شيئا كوميديا جدا .، وأضحك أيضا علي تفسير قدمه أحد أصدقائنا المتفائلين حول سبب كروية الأرض حين قال (حتي نعود دوما إلي نفس النقطة – نقطة الصفر ).
قلت لها ، هل تعرفين لماذا نحلق في السماء حين نسمع اغنيات فيروز بعد غيبة ؟لأنها أقرب لطفولتنا ، ساحرة بلا تفسير ، لا يحدث لنا ذلك أبدا مع الموسيقي الأخري التي نعشقها أيضا ،أشعر أحيانا اننا كلما كبرنا نقترب أكثر من طفولتنا ،في الأشهر الأخيرة ألتقي كثيرا بأصدقاء الطفولة الذين يعملون حيث يعملون ،لا نتكلم في أي قضية جادة ،نعود اطفالا وفقط ولا أظن ان ذلك كان يمكن ان يحدث لولا أن الارض مدورة .

كان قاعد سارح بيفكر

2010-09-12T23:36:00.003+03:00

اليوم تمنيت فوزالأهلي فعلا ،هذا شيئ جديد طبعا ،لكن طبيعي جدا الواحد يشوف بعض الحاجات بشكل تاني ، الأهلي يظل صانع البهجة الوحيد تقريبا في هذا البلد ، والأهم انه مؤسسة تحترم نفسها تحت أي ظرف ،ولن تجد علي قمتها أبدا نماذج وضيعة مثل الموجوده بالمخروب التاني ،واحترام الأهلي لنفسه هو اللي خلاه أهلي طول الوقت وكفايه أوهام بقي ، ما فيش علاقة أبدا بين الزمالك اللي حبيناه وشجعناه طوال سنين ، وبين زمالك دلوقتي ، زما ن كان بيلعب ومش مهم يكسب ، النهاردة لا لعب ولا أخلاق ولا قيم ولا أي حاجة خالص ، هذا النادي عليه أن يراجع نفسه ( ابقوا قابلوني طبعا ) لأن ما فيش حد بيراجع نفسه في البلد دي ،المؤسسه دي تحتاج إلي قائد كبير و معلم حقيقي يدرك معني كلمة ( قيم ) ومباديء ومعني احترام الذات ..

عملت فنجان قهوة وقعدت اشربه في البلكونة بهدوء واستمتاع ، تعد الأيام والساعات حتي يأتي موعد الجلسة وتنتهي من هذه القضية التي أتتك من حيث لا تحتسب ، هل سينتهي هذا الكابوس بسلام ونغني ( كسبنا القضية ) ؟ أم تدخل في متاهة من متاهاتك العجيبة ؟ تضحك فجأة رغم القلق ، تأبي الحياة دوما معك إلا أن تجعل من الأمور العادية قصة تجذب السامعين وعازفي الربابة ، وقصصك التي لا يعلمها أحد تقريبا لا تنتهي ، هل تنسي ساعاتك الأخيرة في بون وكيف انقلب الحلم فجأة إلي كابوس ؟ الآن تتذكر تلك الأيام وتضحك لأنك أدركت أنه ربما كانت هناك حكمة إلهية فيما حدث ، تصر الحياة دوما ألا تمنحك نصرا أبدا في وقت المباراة الأصلي ،ويبدو أن السماء تحب مشاهدة مبارياتك فتجعلك تخوض مباراة فاصلة أخري أو وقتا إضافيا مثير جدا .

وحقيقة الأمرأنه كلما كانت التجارب صعبة ، كان ذلك أفضل جدا لك ،التجارب تقتل الخوف او علي الأقل تضعه في حجمه الطبيعي ، لا تنسي ان تجاربك الأخيرة رغم قسوتها أعادت إليك شجنا كنت قد افتقدته طويلا ،والضربة التي لا تقتلك تزيدك صلابة يا فتي

بيت جميل في آخر الطريق

2010-09-10T20:48:00.000+03:00

لو كنتُ غيري لانتميت إلى الطريق ، فلن أعود ولن تعودي . أيقظي الجيتار كي نتحسَّسَ المجهول والجهة التي تُغْوي المسافر باختبار الجاذبية . ما أنا إلا خُطاي ، وأنتِ بوصلتي وهاويتي معاً . لو كنتُ غيري في الطريق لكنتُ أخفيتُ العواطفَ في الحقيبة , كي تكون قصيدتي مائيةً ، شفافةً ، بيضاءَ,...تجريديةً ، وخفيفةً ... أقوى من الذكرى... ، ...وأضعف من حبيبات الندى ، ولقلتُ : إنّ هويتي هذا المدى!

يا قصص

2010-09-04T04:01:00.001+02:00

بابتسامة مستسلمة تقابل ما تأتي به الأيام وانتهينا ، هل لديك بديل آخر ؟ البديل الآخر أن تقفز من المركب وتنجو بنفسك يا صديق ،وأنت لم تكن ذلك يوما أو أبدا ،إبتسم وخلاص ،إبتسم وفقط وليحدث ما يحدث .
نحكي الحكاية من الأول ،انا كنت ماشي في أمان الله في الجامعة لا بيا ولا عليا ،الجامعة كانت شبه فاضية لأن الساعة كانت سته المغرب ،ببص علي مصطبة من اللي بنقعد عليهم لقيت ظرف فيه صور ،استنيت صاحبه ييجي ما جاش ، خدت الظرف وروحت علي اعتبار ان تاني يوم أدور علي صاحب الصور ، لقيته فعلا تاني يوم واتعرفنا وبقينا صحاب ،لقي اني مثقف ،وقالي انه بيفتح مكتبة في وسط البلد وعايزني اشتغل فيها ،شفتو القصة غريبة ازاي .
كانت الساعة وصلت تمانية بالليل وفرحو في اسكندرية ،إتصلت اعتذر لأن الوقت تأخر ومش هلحق ، قالوا لي بس حاول ، لحقت قطر ووصلت حداشر ونص وحصلت الفرح بمعجزة ،كنت سعيد قوي اني ما خذلتوش ،ومبسوط أكتر اني حضرت فرحه ومبسوط أكتر واكتر انه كان فرحان قوي ومبسوط بعروسته ،ومااعرفش ليه كنت عايز اغني كان فاضل بس يا دوب .
رحلة جامعية إلي العين السخنة ،إختفي الأصدقاء جميعا هناك مع فتياتهم وظل وحيدا ،في رحلةالعودة ،لمح القبلات المسروقة في الظلام ،ورأي أجمل فتاة تسرق قبلة من صديق ،لم يعرف سببا لشعوره بالقهر والخيانة ،في الشهر التالي قام برحلة أيضا مع الإخوة في الجماعة إلي مدينة قريبة ،وكان وحيدا أيضا ،في رحلة العودة امسك الأخ الأكبر بالميكروفون وقال نريد كلمة منك ياأخانا الصامت .
في طائرة العوده تعارفنا مصادفة ، جلست بجوارها بالخطأ بعد أن احتل أحدهم مقعدي قبل الإقلاع ،عرفتني بنفسها وقلت لها أنني أعرف اسمها طبعا وأعرف زوجها شخصيا ، تحدثنا طويلا عن الأصدقاء المشتركين وقصص عالمنا المشترك وتعمدت الاسترسال والحكي بعد أن صارحتني بخوفها من الطيران ،غفت قليلا وأسعدني ذلك جدا (الأمان يا صديق ) ،أكملنا الحكي بعد ذلك ،قبل الهبوط شكرتك وقالت (حسيت انك راجل لطيف أول ما قعدت وقبل ما نتكلم مع بعض ) ،بعد الهبوط سبقتك في الخروج وانتظرتك طويلا بالخارج بسبب تأخر وصول حقائبك ،لم أكن اعلم انها تنتظرني ،وأدركت ان شعور الصداقة لا يعني بالمرة زمنا طويلا من المعرفة

الموضوع داخل في الجد

2010-09-02T20:25:00.002+02:00

البوسترات اللي ملت بعض الشوارع لدعم عمر سليمان معناها الوحيد بالنسبالي ان القصة رايحة في حتة تاني خالص
أيه اللي بيحصل بالظبط مش فاهم
بس لا أعتقد أبدا ن حاجة زي دي وراها شباب متحمس وخلاص
لا أعتقد ذلك أبدا
وأظن ان الساعات والأيام القليلة الجاية هتبين حاجات كتير قوي

خيال المآتة

2010-08-24T15:45:00.001+02:00

ما يحدث في كارثة سرقة لوحة فان جوخ الشهيرة (زهرة الخشخاش ) هو قمة الكوميديا المصرية التي ستستمر إلي ما لانهاية .
هحاول انظم دماغي واكتب ثاينة واحدة .
بالنسبة لي شخصيا هذا خبر حزين جدا أن تفقد مصر لوحة بهذه القيمة شيئ محزن ومؤسف خاصة انه غالبا مش هتتلاقي تاني يعني سلمولي عالتروماي .
نيجي بقي للجد ،ايه معني اللي حصل ، وازاي حصل بالسهولة دي ،وهل ستحدث أشياء من هذا النوع مستقبلا .
أولا اللي حصل معانيه كتير جدا معناه الأول أننا في بلد ( خيال المآتة ) واللي بيحب يعمل حاجة بيعملها .
وزير ثقافة (وانا بحبه علي فكرة ومتعاطف معاه جدا ) بس للأسف أغلب من الغلب لكنه سوري خيال مآتة
عارف ان أجهزة الإنذار معطلة وما اتصرفش أو نفض أو كبر او تباطأ ده معناه كلمةواحده إنه خيال مآتة
ناس تقولك الموضوع مسؤولية شعلان ،ماشي يبقي شعلان خيال مآتة لأنه برضوا عارف ان الأجهزة عطلانه والدنيا بايظة وما اتصرفش وكان مستني موافقة الوزير علي تغيير أجهزة الإنذار ! موافقة ايه اللي مستنيها يا شعلان ،هو انت موظف صغير يعني ؟ للأسف أيوه العالم دي مهما تولت مناصب قيادية بيفضلوا يفكروا بطريقة الموظف الصغير التنفيذي لأنه باختصار مش حاسس من جواه أنه مسؤول بجد هو عارف انه خيال مآتة .
نيجي بقي لحبايبنا الحلوين ( الأمن ووزارة الداخلية) اللي بيطلعوا سلسفيل اللي جابونا واحنا داخلين المتاحف خاصة لومعانا أجانب ، ممكن نفهم بقي إنتم مهمتكم ايه بالظبط ؟ هل المهمة المكلف بها رجال الأمن في هذه الأماكن هي (بطاقتك يا كابتن ، والبت اللي معاك دي تعرفها منين ؟) للأسف واضح انه أيوه هذه هي المهمة الوحيدة التي يعرفها رجال الأمن في مصر ،لان حضرتوا برضوا مش فاهم ابعاد دورو كويس ، أو مش فاهمها أصلا ،للأسف يا حضرات الظباط مهمتكم حاجة تاني خالص غير اللي اتعلمتوه في الداخلية ، ده إذا كنتم اتعلمتوا حاجة أصلا ، تأمين المكان مش معناه أبدا انك تشوف بطاقة اللي داخل وشكرا ، ولا معناه انك تسأله السؤال العبقري اللي انتو عارفينو كويس (انت جاي المتحف ليه )، تأمين متحف أو بنك اوخلافه مسألة غير اللي بتعملوه خالص ، أنا راضي ذمتكم ،بعيدا عن المتحف المصري (واللي انا واثق انه لو اتعمل فيه جرد حقيقي وكامل هيطلع منهوب منه عشرات القطع الأثرية خاصة من المخازن ) بعيدا عن التأمين الكبير للمتحف المصري ، هل في متحف تاني متأمن ؟ الإجابة لأ وخصوصا المتاحف الغير مطروقة جماهيريا زي متحف محمود خليل اللي اتسرقت منه اللوحة ،انا كل ما راوح متحف من دول والله العظيم بضحك علي شكل العساكر اللي واقفين يأمنوه ،يأمنوا مين يا حاج ده العسكري نفسه عايز اللي يأمنوا وبحس انه ناقص يقولك أي خدمة يا باشا عشان تديله انين جنيه زي ما بيعمل الأمن بتوع البنوك لما يشوفوك خارج وتقعد تضحك في سرك بعد ما تديله الاتنين جنيه ،انت واقف بتعمل ايه بالظبط ، لو عصابة مكونة من عشر أفراد عندهم بس خمسين في المية جرأة هتعمل معاهم أيه ؟ ولا حاجة لأن حضرتك خيال مآتة
وكي لا نطيل أكثر من ذلك اودالقول باختصار وللأسف أن ما حدث سوف يتكرر مرار وبصيغ مختلفة ، مش بالضرورة تتسرق لوحة فنية تاني ، لأ ولكن أشياء في معناها العام تحمل نفس المضمون لوجود نفس الأسباب المتمثلة في تردي واهتراء الوضع العام بسبب السياسات البليدة التي تبناها هذا البلد طوال ثلاثون عاما وفرغت كل شيئ من مضمونه ،لا الوزير وزير ،ولا الغفير غفير ولا السفير سفير ولا الظابط ظابط ولا المستشفي مستشفي ولا الصحافة صحافة- يعني بذمتكم في جرنان جاب سيرة ان الداخلية هي المسؤول الأول عن مهزلة لوحة فان جوخ ؟ ولا حاجة في أي حاجة ،و هتفضل البلد تدور في نفس الدايرة لأن الجذور ما اتعالجتش ، بالظبط شبه الكباري التي يفتتحها الرئيس محمد حسني مبارك ،وهي أصلا قضية تحمل عشرات الدلالات ،يعني أصلا لما راح يفتتح محور (صفط اللبن ) من أسبوعين انا قعدت اضرب كف بكف ، رئيس جمهورية مصر العربية ،أكبر دول المنطقة ، وواحدة من اكبر خمستاشر دولة في العالم من حيث عدد السكان ، هذه الدولة ذات التاريخ الكبير والدور العظيم في الحضارة الإنسانية ، يختزل رئيس جمهوريتها دوره في افتتاح الكباري طوال تلاتين سنة وياريتها جابت نتيجة ، يعني بالذمة هل افتتاح كبري يستدعي أن يتحرك رئيس الجمهورية لحاجة زي دي ، ما يبعت المحافظ وخلاص ،وأظن أن هذا هو لب الموضوع -الضحالة التي يفكر بها هذا النظام والي تتجسد كمثال واضح في إيمانهم ان حل أزمات مصر يبدأ من افتتاح الكباري ،وتكون النتيجة ان يتم افتتاح سبعمية كوبري ومحور وتفضل الأزمة مستمرة ، ليه ؟ لأنها بلد خيال مآتة

فضفضة

2010-08-23T04:41:00.000+02:00

ساعات بسألني ،كنت هتعمل ايه في القترة الأخيرة من غير مدونتك ؟ بحس في أحيان كتير ان لولا وجود هذه المدونة المتواضعة انا كنت ضربت أو كان جرالي حاجة ،إكتشفت من خلالها قد أيه الفضفضة شيء مهم للبني آدم (الفضفضة كالماء والهواء )، من غيرها يتخنق ويموت ، وحيث أن الأمر كذلك تعالوا نفضفض شوية
زي ما انتم عارفين انا بحب فيلمCatch Me if You can ،في المشهد الختامي لما بيتقبض علي دي كابريو بيقول جملة ما بنسهاش أبدا (هل تقول الحقيقة ؟) وبيستسلم ، البطل من كتر ما كدب ونصب ما بقاش عارف يشوف أي حقيقة قصاده ،وانا ما بنساش القصة دي ، مش لأني بكدب او بنصب لا سمح الله ،لأ لأن مجتمعنا في أحيان كتير ما تبقاش عارف راسك من رجليك فيه ،الناس تقولك يا باشا مثلا وانت في نظرهم لا باشا ولا نيلة وكل قضيتهم الجنيه اللي في جيبك ، معظم الشباب اللي بتيجي تتدرب عندنا أول حاجة يعملوها هي تملق الرؤساء بما فيهم العبد لله ،طبعا سيادتهم فاهمين الدنيا غلط ،أو حظهم العكر جابهم في الحتة الغلط ،أول ما واحد من دول يعمل الحركتين بتوع أوامرك يا باشا ويا قائد بمشيه فورا حتي لو كان أكفأ شاب في البلد ،لكن المشكلة ان الكلام ده كله بيسببلك إرباك في حياتك وما تبقاش عارف الحقيقة ،من تلات أسابيع إتدخلت بالتليفون لحل مشكلة عويصة لصديقة جدها يبقي أحد من حكموا هذه البلد في إحدي الفترات والدماء الملكية تجري في عروقها فعلا ،بعد ما خلصت المهمة قلتلها لو مكالمتي جابت نتيجة إبقي قوليلي ، المهم جات بعد شوية تقولي الموضوع مشي ، ضحكت وقولتلها ،صوتي بيجيب نتيجة في التليفونات لأن الناس بتفتكرني يا ما هنا يا ما هناك ، ضحكت وقالت إنت يا ما هنا يا ما هناك فعلا وما فهمتش برضوا (فين الحقيقة يا خال ).
علي ذكر المدونة والتدوين ،من أكتر المرات اللي كنت عايز اشكر فيها الناس أو جمهور هذه المدونة هو يوم ما كتبت التدوينة بتاعت (بيقللك هو مظلوم ) ،لأن الناس صدقتها وحستها ، أنا كتبتها وانا متفعل جدا ومتضايق من عيشتي ، وما كتش حاببها لأن يعني أي واحد هيبص هيقولك (أيه ده اللي عاملنا نفسه مظلوم وبيقف جنب الناس وما حدش بيقف جنبه وبتاع ) بس حقيقي كان من أجمل الحاجات اللي حصلت لي السنة دي إن الناس صدقتها أو علي حد تعبير أحد الأصدقاء المقربين ( جايباك جدا ) ، رد فعلهم خفف عليا حجم الإحساس بالأزمة اللي بعيشها ، الواحد اصلا كان مستني من ناس تانية يرفعوا سماعة التليفون أو يسألوا (هو عامل ايه دلوقت ) بس ما حصلش وعادي .
علي ذكر التدوين أيضا أتذكر بدايات الموضوع وتلك الأيام وأفتقد لقاءاتنا وندواتنا في الإمبراطورية ، تبدو تلك الأيام كأنها أشياء أسطورية لم تحدث ،أفتقد مينا وعشتار وشادي وتوتا وأردد أحيانا (قد يجمع الله المشتتون )أو الشتيتين ،وأرجو ألا تكون قد أزعجتكم هذه الفضفضة .

حكايات

2010-08-20T03:34:00.003+02:00

أثناء جلوسه أتي أحد الغرباء ،لم يبدو عليه في البداية أنه منهم -،بعد دقيقتين فقط كان الغريب قد بدأ يبوح بحكمه ،أنصت إليه باهتمام وقال هذه أول مرة منذ سنوات يأتيني أحد بجديد ،قال الغريب أنت أيضا أتيت بجديد بصمتك ،وعليك أن تعلم أن السامع من المتكلم رأيتك من السامعين فكلمتك ولو كنت من المتكلمين لسمعتك - الأرض تعرف أصحابها وتناديهم ،ولا تذهب قدم إلي أرض لامكان لها فيها ولن يأتيك إلامن يقصدك حتي دون أن يقصدك ،ألح عليه أن يسأل الغريب بعد أن اطمأن له كثيرا ،حكي له داءه،صمت الغريب طويلا بعدها ثم قال ،لا دواء لك عندي في هذا ، هذا قدرك واختبارك وتحمله حتي النهاية ،قالها ورحل وتركه حائرا نادما علي شكواه والبوح بما لم يخبر به أحدا ،في اليوم التالي زاره الغريب ،سلم ونظر في وجهه -صمت دقيقة وقال لا تبدو اليوم من السامعين ،هز رأسه بالإيجاب وتركه يرحل في صمت ،لكنه لم يعد نادما علي شكواه ولا ناقما علي قدره .

في الظلام الدامس استدرجه صديق إلي هناك ، نادي عليهم ،ظهر الخمسة فجأة والتفوا حوله ،قال لهم أدبوا هذا واختفي بهدوء ،نظروا إلي ضحيتهم ونظر إليهم ،قبل أن يبدأو الهجوم قال لهم ،قولوا له أنك لست رجلا ،اعطاهم ظهره ورحل -قطع طريق العودة المخيف سيرا علي الأقدام لا يفكر في شيئ سوي حزن أمه إذا لم يعد ،لكنه عاد ولم ينسي هذا الموقف طوال حياته ولم يفشل أبدا من ساعتها في اكتشاف أي خائن بنظرة واحدة .

كانت أجمل من في المكان ويطاردها الجميع في تلك المنطقة وحين فشلوا جميعا أطلقوا الشائعات حولها وصديقتها من كل جانب ،ولم يكن يعلم أنها تسعي إليه ،حتي بدأ ينتبه ويزداد تمنعا رغم رغبته ،تمر من أمامه يوميا وترميه بورودها ولا يرد بمثلها ،في المرة الأخيرة عبرت مع صديقتها التي باغتته فجأة (أحمق) ، غابت ثلاث سنوات ومرت ليوم واحد ،رمت إليه بوردة ونظرة حزينة متسائلة وذهبت .

كان صغيرا ويقولون له دوما عليك أن تسمع لهؤلاء الكبار ولم يكن يراهم كبارا ،كما لم ينسي أبدا أن أحدهم خدعه والكبار لا يخدعون الصغار علي الأقل ،بعدها بخمسة وعشرين عاما أعطاهم درسا في الثأر حين تجاهلهم .

في يوم هادي

2010-08-15T01:46:00.001+02:00

تفطر وتنزل سريعا ،تسير بلا هدف ولكن بارتياح نفسي معقول يذكرك بأيام الصبا ،تقرر أن تركب المترو من المحطة التالية الهادئة ، تحب هذه المواصلة المباشرة المناسبة جدا لعصبي مثلك غير قادر رغم كل هذه السنوات علي التكيف مع زحام القاهرة القاتل ،تتذكر محاولتك الفاشلة للذهاب للمهندسين يوم الإثنين الماضي ساعتان كاملتان تحاول ان تجد أي مواصلة وتفشل تماما سائقوا التاكسي أغبياء ولست مضطرا لدفع المبالغ الفلكية التي يطلبونها ،ينتهي الأمر بأن تعتذر عن الموعد وتغلق هاتفك وتعود لبيتك مؤكدا لنفسك أنك بالفعل نفدت من فخ السكن في الأماكن التي لا يذهب المترو إليها .
تركب المترو ،تجلس بعد محطة واحدة بجوار الشباك ،إعلانات المسلسلات الرمضانية تعلو الكباري الصاخبة ، تلمح أكثر من إعلان لمملكة الجبل -أصبحت نجما يا عمرو - تتذكر تلك الأيام وبداية تعارفكما -أربعة عشر عاما - ثلاثة اعوام قضيتموها كمعارف عابرين ،وعشرةأعوام من الصداقة الحقيقية ،لا يعرف أحد أبدا لحظة بدء الصداقة الممتدة وتتذكرها جيدا حين دخلت المكان فوجدته ينتظرك وكان ذلك مفاجئا ،لم يكن من رواد المكان ، حكي لك يومها تفاصيل ذلك اليوم التي دفعته للمجيئ وقال أنه أتي من النقابة ،كان هناك لتسجيل واختيار اسمه الفني ،وحين ذكر لهم اسمه الرباعي بالكامل اختاروا له اسما فنيا رفضه تماما- - .تسرح قليلا وأنت تتذكر هذه التفاصيل ولا تعلم هل يحق لك ذكرها ام لا ، تتذكر أيضا أنه تحدث عنك كثيرا -لن يحدث شيئ إذا تحدثت عنه قليلا ،تنتبه أن محطتك قد أتت وتنزل .
لم يصل الزحام إلي مداه بعد وتستطيع السير بهدوء قليلا في طلعت حرب مستمتعا بالتدخين بحرية والتطلع إلي بعض الفتارين ،تلمح محلا جديدا (يحيي ميجا ستورز ) !لماذا هذه المبالغة ؟ لماذا لم يسم نفسه (يحيي ستورز ) وخلاص !أصبحت المبالغة ظاهرة في هذا البلد ،هناك شيئ ما في نفوس المصريين يدفعهم لذلك ،ألحظ هذا يوميا في تفاصيل عديدة ،كثير من سكان سراي القبة والزيتون يقولون أنهم من سكان مصر الجديدة ،من يسكنون مدينةالسلام يقولون في (النزهة ) ،في محلات الكشري يضع أصحاب المحلات صورا لهم تشعرك أنك أمام مانديلا ،لعن الله عصر الانفتاح .
تعرج يسارا إلي البورصة ،تفتح المكان وتأتي لك قهوتك سريعا - خمسة عشر عاما كفيلة بأن يعرف عمال المقهي موعد وصولك الفنجان الذي تفضل أن تحتسيها به ، لا تحمل عودك اليوم ولا مواعيد لديك وتجلس لتشربها في الخارج بهدوء - تشعر ببعض السكينة- تمر فتاة عابرة لا تلمح وجهها لكنها تبدو الفتاة التي كنت تحبها قديما قبل عشر سنوات ، تفكر أن تلحقها للتأكد إن كانت هي أم لا وتتراجع عن ذلك مكتفيا بنشوة أنها قد تكون مرت من هنا كي تراك ، تصطدم عينك بصفحة أخبار الأدب التي تضعها علي الزجاج -تقرأ الموضوع كاملا رغم انه أمامك طوال سنوات ، تنظر إلي العنوان الذي اختاروه يومها (السير عكس السائد ) -تبتسم ،هل كانوا يقصدونك بهذا العنوان أم يقصدون المكان ، تبتسم وتتمتم (حدوتة حتتنا ) ، تسرح طويلا مع ذكريات هذه البقعة الجغرافية المدهشة ، من مروا ومن عبروا ومن استمروا ، من أثر ومن تأثر ، أين كانت ستسير بك الأمور لو لم تلتقي فريق الأحلام المدهش (أسامة وخير ودرويش وعمرو وعلام )تعرف أن هؤلاء هم أصحاب البصمة الأكبر - تضحك ربما لولا لقائك بهم لسارت الأمور في اتجاه آخر وأصبحت من الذين تطلق الدولة سراحهم هذه الأيام في مبادرة وقف العنف ،يستمر جلوسك بالخارج قرابة ساعة ، تمني النفس بمرور من تعتقد أنها حبك القديم مجددا، تشعر بكثير من الراحة لتذكرها وتفكر أنه سيكون هناك الكثير من الحكايات التي ستحكونها إذا التقيتم وستقضون ساعات طويلة مع بعضكما البعض متجاهلين الزمان والمكان وأنكما كالعادة ستشعرون أنكما تلتقيان لأول مرة وتولدون من جديد ، كم مرة حدث ذلك بينكما ؟ مرة ، مرتان ،ثلاثة ؟ لا تذكر علي وجه التحديد،لكن ما تذكره جيدا أنكما تسامحان بعضكما البعض دوما، تتذكر ما قالته لك في اللقاء الأخير ، كانت في الجولة الأولي بينكما تقول عنك شخصية روائية ، في جولتكما الثالثة سألتها عما إذا كانت ما زالت تري ذلك وأجابتك ( بالتأكيد .) ، تسحبك الذكريات بعيدا وتتذكر ذهابك للاستاد يوم ريال مدريد ،ولعنة الفراعنه التي تصيب من تشجعهم وتجعل الأهلي يفوز دوما وتتذكر المواطن الذي كاد أن يسبب لك سكته قلبية من فرط الاستفزاز وهو يردد بكل ثقة بعد انتهاء المباراة أن ريال مدريد كان جاي مصر وعامل ( ميت حساب للاهلي )،وتحمد الله أنهم لم يتوصلوا بعد للاختراع الذي يقرأ ما في العقول وإلا كان مصيرك يومها السجن بسبب كم الألفاظ النابية التي رددها عقلك لهذا الشخص المستفز ، تشعر بكثير من الراحة حين تفكر انه يمكنكما اللقاء ثانية ولوكأصدقاء -تفكر في تصديق البيت القائل (نقل فؤادك )، وتبذل مجهودا في تذكر شطره الثاني ثم تضحك حين تظن أن شطره الثاني قد يكون (تأتي الرياح) ، تكتفي بهذا القدرمن الراحة اليوم وتخشي أن يأتي من يفسدها وتنسحب بهدوء .

بس البلد كافر

2010-08-14T00:54:00.001+02:00

تتكلم مع مين وفي أيه ، دي بلد ضربت من كل ناحية .من خمس ايام واحد من صحابي القريبين قاللي إقرا اللي كاتبه منتصر الزيات عن الظابط اللي مات بتاع أمن الدولة واللي بيقولوا عنه انه مهندس اتفاقية وقف العنف بين الجماعات والدولة ،إقرا وانت تشوف الاشتغالة اللي العالم دي بتشتغلهالنا ، دخلت ع الموقع وقريت وضربت خمسين كف بكف ،إذا كان العالم دي حبايب وصحاب للدرجة دي ـ تبقي الخناقة كانت فين بقي بالصلاة ع النبي ولا بين مين ومين ؟والواحد يصدق مين بعد كده إذا كان كل شوية واحد يطلع يقولك أصدقائي في الجهاز وصحابي في أمن الدولة قالولي وعادولي !إللي استفزني أكتر انه اتكلم علي إن بداية علاقته مع الراجل الله يرحمه كانت أثناء أزمة استشهاد المحامي (عبد الحارث مدني ) سنه 1994اللي مات من التعذيب في أمن الدولة وانه اتقبض عليه يومها بتهمة التحريض علي التظاهر إلخ ، طاب ياسيدي طالما حضرتك عندك معلومات عن أسباب قتل عبد الحارث مدني قولها خاصة ان في عبط كتير من اللي استجابوا (لتحريض ) حضرتك بالتظاهر يومها ونزلوا واتضربوا واتعجنوا في شارع عبدالخالق ثروت يهمهم يعرفوا حقيقة اللي حصل من ضمنهم العبد لله كاتب هذه السطور .
من الواضح ان البلد تحولت لنكتة كبيرة علي رأي صديقتنا صاحبة مدونة القهوة العالية ، لاشيئ يصدق فيها أو يعقل ، تفتح التليفزيون تتفرج علي برامج الحوارات تلاقيها هجص في هجص ،أخونا عمرو أديب اللي ولعوا في عربيته من كام سنة طالع يؤكد ان ما فيش صحفي اتقصفله قلم ،خالد يوسف طالع يقدم نفسه باعتباره وعلي لسانه هو نفسه ( مفكر سينمائي وليس مخرج !) خالد يوسف اللي أفلامه ما تساويش تلاتة شلن شايف نفسه مفكر سينمائي ، حاول كده تتكلم مع الناس في أي موضوع أو خد رأيهم في قضية ، هتسمع العجب العجاب والله ،مثلا أدي احنا اهو في شهر مفترج ، وبمجرد ظهور الرؤية مجموعة من الزميلات لبسوا الحجاب واهتدوا وبيصلوا بانتظام ماشاء الله ، تسأل الواحدة فيهم ناوية تكملي محجبة علي طول بعد كده والا أيه الدنيا ؟تقولك لأ يعني لسه ما جاش الأوان ! إنتوا عايزين تجنوني شكلكم . طيب خدوا دي صديق اعرفه متزوج ويعول ، قال لي انه عايز ينفصل أو انه هينفصل ، وانه كل ما يكلم حد من عيلته أو صحابه أو غيروا يقولوا له ليه بس كده ، مش لازم تنفصل ، ظبط ، (عط من وراها ) ، ( رافق ) ، (دلع نفسك ) بس مش لازم خراب البيوت ! يا سيدي ع المجتمع .
للأسف الشديد المجتمع (دماغه باظت ) إتجنن بمعني أصح ، ما تحسش ان في منطق في أي حاجة ،وللأسف أوضاع زي دي معناها الوحيد ان الازمة مطولة وهتتفاقم - ده بلد مش رايح لحتة سوي جحيم صامت.

واشرب كوكا كولا

2010-08-11T23:34:00.004+02:00

ترماي بسنجة في روض الفرج

2010-08-06T03:14:00.003+03:00

كان سيد دياب ممن لم يسقطوا من الذاكرة ، تعارفنا في الثانوية العامة ، ماكانش معانا في النقراشي كان في مدرسة تانية مش فاكر هي أيه ، بس جمعتنا الظروف لما انا واتنين صحابي في الفصل كنا بندور علي واحد رابع معانا ناخد درس انجليزي ،ما كنتش اصلا باخد دروس يعني ، هي مرة في أولي ثانوي خدت درس كيميا لمدة شهر ، ومرة تاني خدت درس ألماني لمدة شهر برضو، وبس علي كده ، المهم اكتمل عقد درس الانجليزي لما أيمن صاحبي قال انه لقي رابع ،واحد جارهم في الأميرية اسمه سيد دياب وكده نقدر نبتدي والدرس هيكون عند سيد في البيت .
وهكذا أخدت العنوان وانطلقت مساء يوم سبت من منزلنا في المسلة إلي ميدان المطرية في انتظار ميكروباص أو أي وسيلة مواصلات تذهب بي إلي شارع الكابلات حيث يسكن سيد ، أظن أنني اخترت التعبير الصحيح حين قلت (أي وسيلة مواصلات ) ، فقد انتظرت طويلا ولم أجد مفرا من ركوب ( عربية كارو ) تبرع صاحبها مشكورا بتوصيلي في طريقه ، وكان ذلك ممتعا جدا ، العيب الوحيد والشيئ الذي لم يكن في الحسبان ،أنني وجدتهم في انتظاري في الشارع ،وكان مشهدا مشرفا وبداية طيبة للتعارف حين وجدوا الشخص الذي ينتظرونه ولم يروه من قبل يقفز إليهم من عربة كارو معتذرا عن التأخير ثم يلتفت إلي سائق الكارو شاكرا إياه علي خدماته وعلي أمل اللقاء الأسبوع القادم .
عرفهم أيمن علي العبد لله وقدمهم ليا ،سيد دياب وسعيد ، وطلعنا استنينا المدرس وابتدت علاقتنا التي استمرت سنوات بعدها وحملت اسم ( مرحلة الأميرية ) وهي مرحلة أدين لها بالكثير من الفضل .
إبتدينا الدروس وابتدينا نبقي صحاب تدريجيا وابتديت احب المنطقة وناسها قوي ، كانت الأميرية في ذلك الوقت هي التي حملت مشعل الحضارة والتنوير بعد انهيار الباطنية ،وكان سكان بلوكات الأميرية حيث كنا نلتقي ،يتفاخرون بعنوان تصدرت به أخبار الحوادث صفحاتها يقول ( الباطنية نامت والأميرية قامت ) ، ولا أعلم هل فعلت أخبار الحوادث ذلك أم لا ، لكن أصدقائي كانوا دائما ما يرددون ذلك ، وكنت أشعر فعلا أنني في وكر للإجرام ، في مرة كنت عند سيد في البيت وسمعنا صوت خناقة ،فتحنا الشباك لنجد اشتباكا مسلحا بالمطاوي والسنج والسيوف ! شاب ماسك سيف حقيقي وقاعد يهوش بيه ، وكان من سيد إلا أن أطلق صيحة عالية النبرة ، بتضربوا..... صاحبي يا ولاد ال.... ، وراح قايم ساحب سيفه وجاري ع الشارع ( قال وانا اللي كنت فاكر نفسي صايع )، المهم نزل واتخانق واتلم الموضوع كالعادة دون أي دماء أو استخدام للأسلحة ( طيبة المصريين تفرض نفسها دوما في النهاية ) وحقك عليا يا نجم ، وماتزعلش يا شقيق ، وخدلك سيجارة بوكس من معايا ،لا والله ده واجب عليا وشكرا .
أما الدرس نفسه فحدث ولا حرج ، لم يكن لسيد أي علاقة باللغة الإنجليزية فعلا وكنت أبدو مقارنة به كأني شيكسبير ، ليس لأنني فقيه في اللغة لا سمح الله ،أبدا كنت طالب متوسط ، لكنه كان لا يعرف شيئا فعلا ، لدرجة ان المدرس نفسه قال مازحا في مرة (ما تنفعش غير طبال ) والمدهش ان سعيد رد بعفوية ( ماهو طبال يا بيه ) وراح ساحب طبلة سيد من تحت السرير وابتدي سيد يطبل فعلا وسط ذهول المدرس وضحك العبد لله ،ويطبل وهو بيورينا طبلة الزفة عاملة ازاي ، والفرقة بتتحرك ازاي في دخلة العريس والعروسة مثلا إلخ ههههه .
انتهت السنة ونجحت واضطر سيد يعيد السنة بسبب الانجليزي ، تلات مرات يعيد ثانوية عامه بسببها ، كنا قد أصبحنا أصدقاء فعلا وكنت احب اروح له هو وسعيد واسهر معاهم خاصة ان المنطقة بالكامل تقريبا كانت عارفاني لأن معظمنا كنا في النقراشي والدنيا كلها منفدة علي بعضه زي مانتوا عارفين ،العيال دي كانت نموذج للجدعنة وولاد البلد اللي بجد بقي ، كلمتهم كلمة ،اللي يحبوه يحبوه واللي يكرهوه يكرهوه ومالهمش غير وش واحد ،اللي في جيبه في جيبك ،لكن ما يبصش ع اللي في جيبك ، كتير من الصفات النادرة كانت مغروسة جواهم ، سعيد مثلا بعد ما اتخرج دخل الجيش ، وهو في الجيش ظابط شتمو بالأب ،سعيد قاله انا ماحدش يشتمني ،وأخد فيها اربعين يوم سجن انفرادي !
راحت الايام وجات ونجح سيد في الثانوية وكان يوما مشهودا ،أقيمت الأفراح والليالي الملاح وعلقت الزينات من الجيران والأقارب سيد كان والده متوفي وهو الولد الوحيد لأمه وكانت الناس مبسوطة قوي للست اللي شايلة الهم ده لوحدها ، ابتعدت انا شوية كتير عنهم لكن كانت السلامات والتحيات المتبادلة تصلهم من خلال أيمن اللي كان معايا في نفس الكلية ،وفي يوم من الأيام أيام الجامعة والسياسة وكان أيمن دايما بيشوفني في المظاهرات وبتاع ،إتقبض علي مجموعه من زمايلنا،وراح أيمن قال لسيد ما تفهمش ليه ان قناوي مطلوب وهربان من الحكومة ههههههه ، بس يا سيدي ولقيتلك سيد بيدور عليا وجالي البيت فعلا وراسه وألف سيف استخبي عنده وان هناك أمان والحكومة مش هترعف توصلي وكده ،وانا بقوله يا سيد يا سيد ما تكبرش المواضيع ولا فيها حكومة ولا بتاع دول حياله مظاهرتين وقبضوا علي العيال واللي روح روح وخلاص ،وده يقولي أبدا هتيجي يعني هتيجي ، ورحت بيت عنده ليلتين فعلا ،واتفرج بقي ع الجو اللي عامله ،في ربع ساعة كان كل صحابنا القدام عنده في البيت جايين يشوفوا اخوكم وسيد فرحان قوي اني بايت عنده ،وكانوا يومين حلوين فعلا ، العيال دي ما تعرفش الهزار ، لأن خناقاتهم مع الحكومة بتكون خناقات فعلا ،بيبقوا فاكرين الدنيا كلها كده ،هما والحكومة بيشوفوا بعض من حتة غير اللي احنا والحكومة بنبص فيها علي بعض خالص .

الغريب من أقوال مولانا أبوحيان التوحيدي

2010-08-03T02:36:00.000+03:00

وقد قيل : الغريب مَنْ جَفاه الحبيب. وأنا أقول : بل الغريب من واصله الحبيب، بل الغريب من تغافل عنه الرقيب، بل الغريب من حاباه الشريب، بل الغريب مَنْ نُودِي مِنْ قريب، بل الغريب من هو في غربته غريب، بل الغريب من ليس لـه نسيب، بل الغريب من ليس لـه من الحق نصيب. فإن كان هذا صحيحاً، فتعال حتى نبكي على حال أحدثت هذه الغفْوة، وأورثت هذه الجَفْوة :‏لعَّل انحدارَ الدَّمْعِ يُعْقِبُ راحةً * * * من الوَجْد أوْ يَشْفِي نَجِيَّ البلابليا هذا! الغريب من غَرُبَتْ شمس جماله، واغترب عن حبيبه وعُذّاله، وأَعْرَبَ في أقواله وأفعاله، وعَرَّب في إدباره وإقباله، واستغرب في طِمْره وسِرْباله.يا هذا! الغريب من نطق وصفه بالمحنة بعد المحنة، ودلَّ عنوانه على الفتنة عُقَيْب الفتنة، وبانت حقيقته فيه الفينة حدّ الفينة. الغريب من إن رأيتَه لم تعرفه، وإن لم تره لم تستعرفه. الغريب من إن حضر كان غائباً، وإن غاب كان حاضراً. أما سمعت القائل حين قال :‏بِمَ التعلُّل؟ لا أهل ولا وطن * * * ولا نديم ولا كأسٌ ولا سَكَنُ‏هذا وصف رجل لحقته الغربة، فتمنى أهلاً يأنس بهم، ووطناً يأوي إليه، ونديماً يحلّ عُقَدَ سِرّهِ معَهُ، وكأساً ينتشي منها، وسَكَناً يتوادعُ عنده. فأمّا وصفُ الغريب الذي اكتنفته الأحزان من كل جانب، واشتملت عليه الأشجان من كل حاضر وغائب، وتحكّمت فيه الأيام من كلِّ جاءٍ وذاهب، واستغرقته الحسرات على كل فائت وآئب، وشَتّتَهُ الزمان والمكان بين كل ثقة ورائب، وفي الجملة، أتت عليه أحكام المصائب والنوائب، وحطتّه بأيدي العواتب عن المراتب، فوصفٌ يحفى دونه القلم، ويفنى من ورائه القرطاس، ويَشِلُ عن بَجْسِه اللفظ، لأنه وصف الغريب الذي لا اسم لـه فيُذْكَر، ولا رسم لـه فيُشْهَر، ولا طيَّ لـه فيُنْشَر، ولا عُذْر لـه فيُعْذَر، ولا ذنب لـه فيُغْفَر، ولا عيب عنده فَيُستَر.هذا غريب لم يتزحزح عن مَسقِط رأسه، ولم يتزعزع عن مَهَبِّ أنفاسه. وأغرب الغرباء من صار غريباً في وطنه، وأبعد البعداء من كان بعيداً في محل قُرْبه، لأنّ غاية المجهود أنْ يسلو عن الموجود، ويُغْمِضَ عن المشهود، ويُقْصَى عن المعهود، لِيَجِدَ مَنْ يُغنيه عن هذا كلَّه بعطاءٍ ممدود، ورِفْدٍ مرفود، ورُكنٍ موطود، وحَدٍّ غير محدود.‏..‏

بيفوزوا بطريقة تطلع الواحد من هدومه

2010-08-02T02:20:00.002+03:00

يعني ما بقيتش فاهم ، طالما الموضوع هيفضل كده علي طول ما الناس كلها تروح تشجع الأهلي وتخلص ، بجد اللي حصل النهاردة كله علي بعضه يسد النفس ويكره الواحد في الكورة .
مش فاهم يعني أيه اتحاد الكرة ياخد قرار العقوبة ضد جدو (بالتصويت ) ! يعني أيه تصويت في موضوع زي ده ؟ اللي افهمه ان في حاجة اسمها لوايح بتحكم الأمور ، وأكيد اللوايح دي فيها نص يتعلق بنوع العقوبة التي توقع علي لاعب قام بالتوقيع لأكثر من نادي صح ؟ يبقي أيه بقي معني ان الاتحاد الموقر يصوت علي نوع وشكل العقوبة ؟ والا هوجع دماغي ليه ما كلها سبانخ في سبانخ !
طاب سيبكوا من دي، حضرته بما إنه موقوف محليا لقيامه بالتوقيع لأكثر من نادي ، إزاي ما يتوقفش أفريقيا ،وإذا كان الإيقاف عن اللعب عقوبة ،أيهما هو الإجراء الأكثر عقابية علي اللاعب إيقافه محليا أم أفريقيا يا بتوع العقوبات ؟ عامل بالظبط زي ان يطلع قرار بمنعك من السفر لبنها أو دمياط ويسمح لك بالسفر لباقي أنحاء العالم الخارجي !
حاجه أخيرة ، هل في تفسير للطريقة اللي فاز بها الأهلي النهاردة سوي ان السما نفسها بتشجع الأهلي ؟ ما فيش تفسير غيرده وقلتلكم في أول الكلام نروح كلنا نشجع الأهلي ونخلص .
يسأله البعض أحيانا أين أنت مما يحدث ،يتعلل بظروفه الخاصة لكن حقيقة الأمر غير ذلك ويتذكر مقولة سعد ابن أبي وقاص في الفتنة الكبري (لا أقاتل حتي تأتوني بسيف يعقل ويبصر وينطق فيقول أصاب هذا وأخطأ ذاك ) .
بحب فيلم ( فيلم هندي ) جدا ، وبعتبرو من أجمل أفلام الأستاذ احمد آدم ، وحبيت شخصية ( الشاب سيد ) اللي مقدمها في الفيلم لأسباب كتير من ضمنها طبعا أنه بيحب موسيقي الراي زي العبد لله ، كمان أغاني الفيلم حلوة بما فيها الأغنية اللي فوق دي وهي أغنية غريبة جدا لأن علي قد ما فيها بهجة علي قد ما فيها شجن .

ع الطاير

2010-07-29T09:28:00.001+03:00

يعتقد الكثيرون بالخطأ أنه حذفهم من قائمة الأصدقاء ، والحقيقة أنه لأسباب خاصة أغلق حسابه بالكامل بلا رجعة أو حتي إشعار آخر لا يظنه قريبا ، وكان هذا القرار من أفضل القرارات التي اتخذها وبشكل أو آخر قام بدور لا بأس به في الخروج من الأزمة التي لم تنتهي بعد لكنها تنسحب تدريجيا .
قال أنه سيكمل ما تبقي من عمره هكذا (بلا ولا شي) وحيدا شريدا مالم تحدث معجزة
يفكر كثيرا في الحفل الذي اقترب موعده ، هل سيحدث ذلك فعلا ، يصعد علي خشبة المسرح الكبير عازفا مع العازفين ؟كيف سيقضي الليلة التي تسبق الحدث، وكيف ستمر ساعات نهار يوم الحفل وكيف سيكون الحفل نفسه ،كيف تتجنب التوتر المؤكد ،وهل ستكون بعد الحفل نفس الشخص الذي كان قبلها أم أن شيئا جديدا سيولد ؟

صورة

2010-07-25T00:53:00.002+03:00

صورة رائعة لاسماعيل ياسين،تقريبا أكتر صورة حبيتهاله

الصورة فيها حالة عملاقة ، حتي الميكروفون نفسه تحسه عملاق ، وما تفهمش الحالة(العملاقة) دي جاية منين

هل لأن اللي ع المسرح اسماعيل يس

ولا لأن اللي قاعد تحت عبد الناصر

حوار قصير مع زميلة تشعر بالندم لأنها طلبت مشورته

2010-07-21T02:31:00.001+03:00

جلس علي المقهي مع زميلة طلبت منه ذلك لأخذ رأيه في موضوع يؤرقها ، قالت مازلت أحبه رغم انه تزوج من اخري يقول أنه يحبها ،لا أصدق أنه يحبها ومازلت أحبه وأفكر به يوميا ولا أعرف ماذا أفعل ، أحيانا كثيرة أكون علي وشك الاتصال به و أتراجع في اللحظة الأخيرة .
صمت قليلا ، تمتم ساخرا ( الآن أصبحنا دولة ) ، إستمعت إلي العبارة وسألته ، ماذا قلت ، وما معناها ، أجابها لا تشغلي بالك ، جملة عابرة لا معني لها .
عادت تسترسل مؤكدة انه غالبا مازال يحبها ، وتأتي بالشواهد والبراهين التي تثبت ذلك ، بعد أن انهت كلامها قال ،قد يبدو ما ساقوله لك سخيفا وليس هو ما ترغبين في سماعه ،لكن أيا ما كان الأمر لا تحاولي الاتصال به أو التواصل معه أبدا ،سواء كان مازال يحبك أو أغلق الباب .
أردف قائلا ، هل قرأت مذكرات بن جوريون ؟ قالت لم اقرأها وارحمني ! قال حسنا ، في مذكرات هذا الرجل الممتعة مثلها مثل معظم مذكرات قادة هذه العصابة ،كلمة أتذكرها كثيرا ، عقب استيلاء هذا الكيان علي الأرض ، وحين وقعت أول جريمة قتل هناك ،أول حادثة قتل من إسرائيلي لإسرائيلي ، قال بن جوريون كلمة تاريخية هي التي رددتها قبل قليل ( الآن أصبحنا دولة ) ! ، من تحبينه الآن يا صديقتي لديه امرأته ، قد يحبها أو لا يحبها ، يبيت الليل سعيدا معها أو تعيسا لا يهم لكنها امرأته ، قد يتشاجرا أو يمزحا او يترك لها البيت ويبيت لدي أصدقائه ، إنه الآن لديه عالمه وزوجته و(دولته ) التي لا يجب أن تكوني جزءا منها علي الإطلاق ، أعرف صعوبة ما أقوله لكن ذلك هو الحل ، ستعانين قليلا لكن الازمة ستمر ولن تخسري شيئا إذا انتظرت قليلا لتعرفين أين ستذهب أموره ، لكن ستخسرين كل شئ إن اتصلت به ووجدت دولته سعيدة .

صديق

2010-07-20T02:41:00.002+03:00

ربما لا يعلم سيد تركي ويحيي وجدي وحمزة قناوي ومحمد خير قيمة ما فعلوه وقيمة رسائلهم القصيرة ( الكبيرة )التي أرسلوها
لكنه لم يكن يحتاج أكثر من ذلك
شكرا

بيقللك هو مظلوم

2010-07-14T02:09:00.000+03:00

تتلقي مكالمة ليلية ، نحتاجك في مشكلة ، تتماسك وتصمت ، لا تفهم ما المطلوب منك أكثر مما تفعله لهم ،حقيقة الأمر أنك تعطي ولا تأخذ ،مر بك العمر هكذا ، أو قل هذا هو قدرك ، لا يعلم أحد شيئا أو تحديدا لا يعرفون التفاصيل لكن حقيقة الأمر انك حتي الآن لم تنل شيئا- يقولون يكفيك ( حب الناس وتقديرهم )– تضحك في سرك ولا تجرؤ علي البوح ان هذا أيضا لا يعنيك لم يترجم إلي شيئ و ترجمت حبك لهم إلي أشياء ملموسة دوما.
تستيقظ صباحا متأهبا لمواجهة المشاكل ، يأسا وبؤسا تقرر ألا تفطر وتتناول القهوة مباشرة ، تضحك علي إجازتك التي مرت هباء ، أربعة أيام كنت تحلم بهم لالتقاط أنفاسك قليلا و اللحاق بالدروس التي فاتتك ، لكن الإجازة ذهبت مع الريح ،تفاصيل عبثية في اليوم الأول ،برد ما أنزل الله به من سلطان في اليومين الثاني والثالث ، إستدعاء لحل مشكلة لا ذنب لك فيها في اليوم الرابع وشكرا .
ذهبنا واشتبكنا معهم وعدنا ، لا تعلم لماذا يطلب الناس وجودك معهم في مشاكلهم وهم يعلمون تماما أنك لا تقبل أنصاف الحلول ، ولا تتفاوض إلا للوصول للحقوق كاملة .
تجلسان لالتقاط أنفاسكما ، تعتذر وتقول لها للأسف لا أعرف التعامل مع هذه النماذج سوي بهذا الأسلوب ، هؤلاء لصوص ، هل يمكن أن أتفاوض مع لص ؟فلتكن معركه حتي النهاية وما يحدث يحدث ، تصمتان قليلا ، تأسف لحالك وحالها ، تحملان تقديرا كبيرا لبعضكما البعض وأخفقتما في صنع سعاده مشتركة ، تنظر إليها وتسرح قليلا ( كنا صغيرين والأشجار عالية ) ، كم تمر الأيام سريعا ، كنت مراهقا حين تعارفتما ، وها أنت تخطو إلي الأربعين بهدوء – تكسر الصمت قائلا لماذا الحياة هكذا – تقول لك ( محسود )، ترد لماذا ؟ومٍِِن من ؟ لم أخذل أحدا أبدا ولم أطلب شيئا أبدا وكل ما أحلم به فقط أن أسمع كلمة شكرا التي لم يقلها أحد تقريبا ، بكت فجاة وقالت أنا أقول لك شكرا ،أقولها لك عن حب حقيقي وتقدير كبير لما فعلته ، أمسكت يدك وأردفت مغالبة دموعها ، أعلم أنك مظلوم ، وأريدك أن تقاوم أكثر وأكثر ، تخبرها ،أن أكثر ما تعتز به هو ما قاله عنك صديقك الفنان قبل عام ، ما قاله كان مثل باقة ورد تأتيك فجاة من عشق قديم .
قامت وذهبت لتوصيلها ، مكالمات تصلك لا معني لها ، تنتبه أنك لم تذهب إلي الدرس اليوم ، تذهب للاطمئنان علي الأهل ، تعود لمنزلك وحيدا شريدا ، إتصال من صديقتك العزيزة ، تحكي لها ما حدث خلال الإجازة السعيدة ، تردد هي نفس الكلمة ( محسود ) ، تخبرها أنك تريد الرحيل بعيدا وانك لا تجد حلا ، ترمي إليك بكلمة ساحرة آسرة ولا تعرف هل أسعدتك ام أنها لا تسمن ولا تغني من جوع أيضا

علي دكة الفصل

2010-07-10T02:40:00.002+03:00

في خامسة ابتدائي حصل موقف مش ناسيه أبدا ، في حصة الرياضة وكان بيدرسهالنا مدرس شديد جدا اسمه أستاذ احمد ، كنت بحبه جدا رغم انه عنيف بس كان مدرس بجد و يعرف يوصلك المعلومه بسهوله ، المهم في حصة من الحصص ادانا شوية مسائل نحلها ، كان فيها مسألة غريبة شوية لأنها بالحسابات الرياضية والضرب والقسمة يكون حلها الصحيح هو تسعة وخمسين ونص ماشي ، بس كانت المشكلة أن المسالة كانت معطياتها ناس ، بمعني انها كانت بتقول إذا جمعنا 34مدرس +36مدرس وضربناهم في معرفش كام وقسمناهم علي أيه وجبنا الجذر التربيعي إلخ تكون الإجابة كام ؟ المهم بالحسابات الرياضية كانت النتيجة 59 ونص ، لكن بالمنطق الطبيعي لازم تكون الإجابة ستين ،ليه لأن ببساطة شديدة مافيش حاجة اسمها تسعة وخمسين ونص بني آدم .
حليت الأسئلة وكتبت إجابة السؤال ده ستين بني أدم لأن المنطق بيقول كده ، لكن للأسف بعد ما كتبت رحت شاطب عليها وكاتب الإجابة الصحيحة رياضيا تسعة وخمسين ونص ،وكل اللي حلوا السؤال صح كانوا كاتبين تسعه وخمسين ونص ، المهم رحت له بالورقة وبص علي حل السؤال ، وشاف اني شطبت ع الستين ،وراح باصص لي وقال لي عمر ، انت ليه كتبت ستين ، وليه شطبت عليها ؟وانا ارتبكت وما عرفتش ارد عليه ، فسألني تاني يعني انت شايف أنهي الصح التسعة وخمسين ونص والا الستين ؟ فقلتله التسعة وخمسين ونص هي الصح بس المشكلة ان الإجابة دي مش صحيحة منطقيا لأن ما فيش حاجة اسمها نص بني أدم فلازم تبقي ستين ، قالي طيب شطبت الستين ليه رغم انك مقتنع انها الإجابة الصحيحة؟ هزيت إيدي وما رديتش !
وقف ع السبورة وشرح للفصل وقال انه متضايق ان ما حدش شغل دماغه وكتب الإجابة الصحيحة ( ستين ) ، والوحيد اللي شغل دماغه رجع في كلامه ،طبعا اتكسفت ، بس ما نسيتش هذا الدرس التاريخي تعمل اللي تشوفه صح وتحاول ما تتأثرش بمنطق الآخرين أو منطق الرياضيات نفسها إذا تعارضت مع منطق العقل ، با ختصار أيا ما كان الأمر ما تفكرش غير بطريقتك .
علي فكرة انا وأستاذ احمد بقينا صحاب بعد كده بكام سنه ، تخيلوا ! صحاب صحاب يعني ، أروحله البيت ونتكلم ونتناقش كان بيعاملني كأني واحد صاحبه أو اخ صغير ليه رغم فرق السن حوالي 25 سنة تقريبا .
في ألمانيا كانت تدرس لنا معلمة عبقرية ورائعة إسمها ( جيزلا ) ، من كتر جمالها في الشرح كنت تقريبا بقعد الأربع ساعات متنح قدامها ، روحها حلوة ودمها خفيف وتوصلك المعلومة مهما كانت صعوبتها ، عارفين اني كل ما افتكر اني قعدت شهر كامل هناك ما بتكلمش غير بالألماني بحس انه ده كان شيئ غريب جدا ، تحس بغرابته لما ترجع وتفتكر ان كل تفاصيلك وحواراتك ومواقفك وانت في السوق أو المترو أوالمعهد أو المتاحف كل ده بالألماني ! شيئ غريب فعلا ، المهم كنت أحب جيزلا جدا وكانت تحبني أيضا أكتر من أي طالب معنا دون سبب مقنع ،مره كانت بتدينا درس نحو عن زمن إسمه
Konjuktiv
الزمن ده ليه علاقة بالمستقبل المتخيل أو بالأشياء التي ليست في الواقع ، يعني مثلا : تعمل ليه لوبقيت مليونير ، تعمل ايه لو بقيت رئيس وزراء إلخ ، المهم سألتنا هذا السؤال – تعمل ايه لو بقيت مليونير ؟ وجه الدور علي العبد لله فكانت إجابتي :
Wenn ich Millionär ware – Ich Studiere
ich lerne
إذا بقيت مليونير ، هدرس واتعلم .
لم ولن أنسي رد فعلها بعد هذه الإجابة ،إبتسمت وبصت لي شوية كتير وسكتت ، بعيدا عن ذلك أظن أنها كانت شايفاني كائن غريب و كوميدي بشكل أو آخر ، في مرة من المرات كان جايلي جواب ع المعهد من مديرة القسم العربي بمعرض فرانكفورت للكتاب ،وهي استلمته واديتهولي وسألتني الجواب من مين فقلتها انه من مديرة المعرض ، إجابة غير متوقعه طبعا بس كانت دي الحقيقة وكان الجواب كمان فيه تذكرة لدخول المعرض ، مرة تانية كنا خارجين كلنا رايحين متحف التاريخ الألماني الحديث ، ركبنا المترو وابتدت تلم مننا الفلوس عشان نقطع تذكرة موحده بيكون سعرها أرخص ، جات تاخد مني الفلوس ، قلتلها ما بدفعش انا عامل اشتراك ، وطلعتلها اشتراك المترو الألماني فعلا هههههه ماتت علي روحها من الضحك بجد ، قالتلي عملته إمتي قلتلها أول ما جيت وانا بتمشي بالصدفة لقيت المكتب بتاع خدمات المحافظة وانه بيعمل اشتراكات في المواصلات وكده وقلت والله فكرة ورحت عامل اشتراك .
والغريب أن من اكثر الأشياء التي اعتز بها في هذه الرحلة هو هذا الاشتراك .
Bis Bald

مش هيعطلنا سور

2010-07-06T03:33:00.003+03:00

قصاد تحدي كبيرجدا

مش هينفع اشرح لكم دلوقتي

دعواتكم لاخوكوا

وحاجات تجيبني وحاجات تاخدني لحاجات تخبط في كل حتة

2010-07-02T03:20:00.002+03:00

أستيقظ في العاشرة فجاة رغم أنه لم ينل كفايته من النوم ، قهوة الصباح والسيجارة والراديو ، إطلالة علي الأخبار ورسائل العمل ،وتوجيهات لمكاتب واشنطن وبغداد والقاهرة بمتابعة القضايا العاجلة ، مهووس بالعمل وبإثبات ذاتك وسعيد ان تعليماتك تلقي قبولا – تتذكر كلمة مسؤول في إحدي القنوات ( زعيم إنت والله ) وتضحك وتتذكر أصدقائك الذين أطلقوا ذلك اللقب قديما ، تذهب إلي عملك بحماس قبل أن يداهمك التوتر فجأة ، مازلت مضطربا ولا داعي لإنكار ذلك ، تفكر في الخروج من العزلة ثم تطرد هذه الفكرة لكنها تظل تطاردك طوال اليوم ، ما هو القرار السليم الاستمرار هكذا إلي أجل غير مسمي أم العودة وما يحدث يحدث ؟ولماذا تخشي العودة للناس، الحقيقة انه من لا شيئ ، تخشي فقط من أوهامك ، تتذكر أن الحياة منحتك مفاجآت سارة خلال العامين الماضيين أنقذتك من ضياع محقق ، وقد تفعل ذلك ثانية ، تجلس في مقهي قريب من العمل وتتذكر أيضا جلوسك علي نفس المقهي أمس مع صديقتك المقربة وشكواك لها من الوحدة واحتياجك لحب كبير وتتذكر ردها ( وانت هتغلب ) ، من أين يأتين بهذه الثقة في شخصك المسكين ، تتصل بصديقك الأقرب للاستفسار عن صديقة غائبة ، تضحكان كثيرا علي صدق توقعكما بخصوص اللاعب المنضم للأهلي حديثا –كان الرهان انه سيطرد شر طردة من النادي بعد مباراتين لكنه تفوق علي خيالكما وطردوه بعد التمرين الثاني فقط ، تكمل طريقك للعمل ، لا تنتبه أنك اليوم أكملت عامين في هذا المكان ، تتمني أن تمر اعوام أخري سريعا أحلامك لا حدود لها ، ولا تعرف لليأس سبيلا وتتمني أن تكون شخصا آخر
تندمج في العمل ويمر الوقت سريعا ، تلتقط أنفاسك قليلا ، يعاودك التوتر والقلق ، إفتقدت الناس والاصدقاء ، تقرر العودة ولو لساعات قليلة ، تعود إلي المنزل متوترا تضربك الأفكار يمينا ويسارا ، تحاول العزف قليلا ، تفكر في الكتابة عن الأغنية التي عزفتها وتكتفي فقط باختيارها عنوانا لكتابة مضطربة

إللي شبه علي حميدة بيشجعوا الزمالك واحنا معاهم

2010-06-27T02:14:00.000+03:00

إمتي آخر مرة شفت فيها الأستاذ علي حميدة؟
من عشر سنين تقريبا وفي موقف ومكان لم أتوقع أبدا أن ألتقيه فيه
لما حسام وابراهيم سابوا الأهلي وابتدت الإشاعات التي تأكد بعدها أنها أخبار حقيقية اللي بتقول انهم هيروحوا الزمالك ، أنا كنت طبعا من اللي متابعين ومش مصدقين واقعد اقرا الجرايد كلها كل يوم عشان اتأكد ، وجرايد تقولك راحوا الزمالك وجرايد تانية تقولك ما راحوش ومش هيروحوا ، لغاية ما الأخبار قالت انهم رايحين الزمالك النهاردة يمضوا العقد .
حسما لكل هذا الجدل ، قلت لهشام الخنيق ، هشام ما بدهاش – لازم اروح اتأكد بنفسي النهاردة ،وقد كان - ميكروباص من الإسعاف وإلي ميت عقبة طوالي ، وفي الميكروباص بدأت أشعر أن الموضوع شكله جد لما لقيته كله عيال صغيرة ماسكة اعلام الزمالك وقاعدين يهتفوا حسام – حسام ، ويقولون بكل فخر ( نقرأ أدونيس ) --سوري مش في محلها - يقولون رايحين نشوف حسام حسن .
نهايته وصلنايا سيدي ميت عقبة ، والاقيلك آلاف مؤلفة قدام النادي عايزين يدخلوا يشوفوا حسام وابراهيم ،وناس تانية واقفين عند الباب الخلفي اللي جنب الحامدية الشاذلية مستنين الباب يفتح عشان الإشاعة بتقول انهم هيشاركوا في التمرين النهاردة ، قعدت اتمشي بين البابين بحثا عن مدخل وبحثا عن هشام الخنيق الذي تأخر ، المهم بقي والله العظيم ما فاكر أبدا أيه اللي قومها في دماغي اني اتشعبط ع السور وابص عالنادي جوه ، واللحظة اللي وقفت فيها ع السور هي اللحظة اللي خرج فيها حسام وابراهيم من مكتب كمال درويش ،وشفتهم بعيني هما التلاتة ماشيين في النادي ووراهم زفة مشهد تاريخي لم أكن أتوقع أن أراه أو أن أكون أول من رآه ، طبعا انتشر الخبر كالنار في الهشيم ، وفي ثواني معدوده ، كان الجمهور اقتحم الباب الجانبي ، وملأ مدرجات ملعب حلمي زامورا هاتفا باسمهم .
أيه علاقة علي حميدة بالموضوع ؟ أبدا ، ولا حاجة خالص هو بس دونا عن الآلاف المؤلفه اللي قاعده ، ببص ع الكرسي اللي جنبي بالظبط لقيت الأستاذ علي حميدة قاعد ، هههههههههه وطبعا الجمهور شافه ، ويا أستاذ علي غنيلنا لولاكي وده راح فاتح في الغنا والجمهور معاه وانا واخوكوا هشام ميتين علي روحنا من الضحك .
يا جدعان ما تفهموش الواحد عاش التفاصيل دي كلها إمتي ، المهم في نفس اليوم كان ما تش الاسماعيلي والمقاولين في نهائي الكاس ، وبعد ما خلص التمرين بمشاركة حسام وابراهيم فعلا ،سرت صيحة واحده في المدرجات ، يا الله يا جدعان ع الاستاد نروح للاسماعيلي ، وقد كان خرجت الجموع زاحفه إلي استاد القاهرة ، وامتلأ ت مدرجات الاسماعيلي بجماهير الزمالك في مشهد فريد ، مشجعوا الزمالك في الاستاد اكتر من اللي جم من الاسماعيلية ، لدرجة ان الموضوع استفز بعض الصحفيين ومنهم فتحي سند رئيس تحرير أخبار الرياضة اللي كتب موضوع عن الماتش تهنئة للاسماعيلي وكتب في أخره تهنئة لجمهور الزمالك اللي ملي المدرجات ، أيام ، كان الاسماعيلي وقتها فريقا رائعا يضم أساطير مثل بركات وأوتاكا وخالد بيبو والشاطر ومعوض والنحاس والجميل حمام ابراهيم الذي لا أعرف أين ذهب بعدها .
Bis Morgen

غاروا

2010-06-26T03:03:00.002+03:00

خرجوا من الدور الأول

اللهم لا شماتة

أكره منتخب المافيا إاي أقصي حد، منتخب عقيم وعدو للكرة الجميلة

يا الله

خللي الدفاع ينفعكوا

هاتلي البوتاجاز في المشمش

2010-06-22T02:58:00.000+03:00

رحت اوليمبيك اتفرج عشان اختار الحاجات اللي عايزها للشقة ،تلاجة وغسالة ومكواة وتكييف - وحدث ما لم أتوقع أن يحدث ، فجأة لقيت عيني هتدمع والكلام اتخنق جوايا عارفين اما تبقي بتغالب دموعك فصوتك ما يطلعش ، ده اللي حصل بالظبط ، موقف في منتهي القسوة ومش عارف أخرة اللي انا فيه ده أيه ،الغريب كمان وانا بختار اني كنت بنقي الحاجات الأغلي واستغربت جدا لأن الطبيعي لحد عايش لوحده أنه هيبجيب حاجات معقولة وخلاص مش يقعد يدور علي أفضل حاجة ، عموما اتفرجت وما اشتريتش حاجة -التردد يا عزيزي أيبك ، بس هو الموقف ده كان طبيعي يحصل فيه حاجة زي اللي حصلت لي ، مش عارف اشرحهالكم ازاي بس هو فعلا موقف ( ناقص حتة ) ، شبه كل اللي بيحصل معايا علي رأي أدهم الصفتي .
أتأمل البطاقة الجديدة كثيرا وأضحك في بعض الأحيان ، فرحان بيها طبعا لأنه لأول مرة بقي مكتوب لي وظيفة ومهنة واضحة ، طول عمري كنت حاسس اني ( عمر قناوي وخلاص ) ، في موقف مش ناسيه أبدا من فترة كنت في أحد المراكز الثقافية التي تقوم مكتبتنا بتوريد الكتب إليها ، وبعدين في مرة عرفت أنهم هيستضيفوا شاعر كبير جدا، فاتصلت ورتبت معاه حوار صحفي ونشرت الحوار فعلا في جريدة عربية ، ومرة تالتة كان عندهم احتفالية رحت نزلت بفريق تصوير وغطينا الحدث ، ومرة رابعة حاولت ارتب حفلة موسيقية لواحد صاحبي عندهم المهم لقيت مسؤولة هناك بتقولي عمر انت بتشتغل ايه بالظبط ؟عارفين رديت قلت ايه ؟ ما رديتش ! هزيت إيدي وقلتلها يعني كده وبتاع ههههههههه، المهم اللي بيضحكني في بطاقتي أن الوظيفة المكتوبة هي ( محرر ) ، وأنا لم ألتق أبدا شخصا يحمل هذه الوظيفة ، لسه من كام يوم بقول لواحد صاحبي خبير في الشؤون النقابية اني عايز اجمع المحررين اللي في مصر ونبتدي ناخد خطوات تجاه إنشاء نقابة للمحررين بما أننا لسنا أعضاء في نقابة الصحفيين ، وراح صاحبي قالي طيب لما تلاقي خمسة تانيين زيك شغالين محررين ابقي كلمني ، اللي بيضحكني كمان في وظيفة ( محرر ) أنها اعتراف رسمي من الدولة بدوري النضالي وأصبح من حقي قانونا الآن التواجد في أي تحركات جماهيرية أو نضالية وقيادة هذه التحركات .
كفاية كده النهارده

مونولوج تاني - وتالت ورابع

2010-06-14T01:47:00.004+03:00

قلت أيضا ان الأيام كفيلة بالقيام بدورها التاريخي ( النسيان ) ، ليس قولا جديدا أن الأحزان تبدأ كبيرة ثم تتلاشي يوما بعد يوم ، ستعبر أحزانك وآلامك وتتجاوزها وستأتي أيام سعيدة حتما ، دروس السنوات الثلاث الأخيرة ربما توازي ما تعلمته طوال حياتك ، تؤرخ لهذه المرحلة بأيامك في بلاد بيتهوفن ، دروسها لا تحصي ، والدروس التي تلقيتها هنا أيضا بعد ذلك أكملت ما تعلمته هناك .
إستوعبتها تماما هذه الدروس ، أهم ما تعلمته ألا يخرج من لسانك حرفا واحدا دون ان تكون قادرا علي الالتزام به ،أبدا لا تنطق كلمة واحده لا تستطيع تنفيذها ، هل سيصدق أحدا أنك قضيت أياما لا يؤرقك شيء سوي أنك قطعت وعدا في يوم ما ولم تنفذه ؟
لا تجهد نفسك في أسئلة مجانية ،فكر بإيجابية فقط ولا تنظر خلفك ،إرمي نفسك في البحر وثق تماما انك هتعوم مش هتغرق (إذا غرقت مش قصة ) ، القعدة ع الشط آمنه صحيح لكنها مش هتوصلك لأرض فيها حياة ، فشلك أحيانا أهم بكتير من نجاحك لأنه بيديك درس ازاي تنجح علي طول بعد كدة وما تفشلش تاني ، الفشل بيعلمك كمان ازاي تخلق ميت فرصة من نص فرصة ، كنت أحد أبطال العالم في هدر الفرص ، الجدية هي الفريضة الغائبة في بلادنا ، وكنت كذلك أيضا جاد بنسبة 95 في المائة وتهمل الخمس بالمائة الباقية ، لعلك تعلمت الآن أن خمسة وتسعين بالمائة مثل الصفر لا تساوي شيئا ، الجدية لا تعرف الكسور .
الضباب سينقشع حتما ، ربما بالتدريج وربما فجاة ، وربما تتذكر هذه الأيام المؤلمة وتضحك ، حلمك بفرحة كبيرة وحقيقية هو حلم مشروع ، ربما يكون قريبا أوبعيدا لا يهم لكنك مؤمن ان الفرحة ستأتي وهذا يعني أنك قطعت جزءا من المشوار إلي هذه الفرحة ، إسعي إليها وستأتيك حتما ، إجتهد انت فقط وستجتهد الحياة معك .
حسنا – أحدثكم قليلا عن المونولوج الأخير ، عن هاجس يؤرقك منذ فترة ، أن حياتك وما تفعله وما تكتبه مثل ما كان يفعله بطل (أرض الخوف ) رسائل تكتبها وترسلها يوميا ، لكنها لا تصل إلي أحد ! إنه هاجس مؤلم جدا ، لا تعرف له سببا ، هل ممكن أن يجبك أحد علي هذا السؤال أم ستظل تحدث نفسك ؟

ديل الكلب

2010-06-12T00:30:00.002+03:00

ما عنديش كلام كتير اقوله
كنت ابتديت اصدق إن في إصلاح تدريجي في قضية حقوق الإنسان في مصر

بس واضح ان ديل الكلب
عمره ما يتعدل

الله يديمك طيب

2010-05-27T01:52:00.003+03:00

يظل الأمل قائما طالما في الصدر قلب ينبض لكن الصبر أوشك علي النفاذ .
المخيف في الأمر أن أحلام الفتي الطائر ظلت أحلاما - أتحدث عن المسلسل .

يا بيه أنا أبسط من البساطة ، مشاكل العالم بتاعكم ما بتهمنيش - اجمل عبارة في شاهد ما شافش حاجة ،أرددها كثيرا ولا أفهم أبدا لماذا قضيت عمرا في السياسة
كان أبي رحمه الله متفائلا بمستقبل إخوتي جميعا وحين يسألونه عن عمر كان متفائلا أيضا و يقول (أنه ذاهب إلي السجن لا محالة ) وخذلته في هذه أيضا ومررت علي السجن مرور الكرام
لا تتوسل يا فتي - أعظم ما قاله عمر المختار في الفيلم .
فاشل في التفاوض وفي الحلول الوسط ، يندم علي ذلك كثيرا ثم يعود ليقول أن هذه الصفة هي التي صعدت به سريعا إلي منصبه القيادي ثم يعود ليندم مجددا ، ويحتاج بالتأكيد إلي كلمه طيبه من أصدقاء مخلصين .
نقيض الحب ليس ( الكٌره ) ،نقيض الحب هي اللامبالاة - يحلم بهذا اليوم
مصر بلد طيب جدا ، واستبدادها أيضا استبداد طيب - مقوله عبقرية أبدعها خير وهاني درويش .
هل سيأتي اليوم الذي يثق فيه بموسيقاه كما يثق بكتابته ؟ لا يعلم لكنه متفائل و يشكر من يغرسون فيه الثقة .
إنتبه فجأة أنه رغم جنونه ،لم يتسبب في مشكلة واحده لأهله طوال حياته علي عكس إخوته وهذا مدهش جدا واظن أن التفسيرالوحيد هو الشعور بالمسؤولية .
قالت نتذكرك دوما ، أنت ومن كانوا معك لم يمر علي المكان مثلكم منذ ذهبتم ،شكرتها ولم أسألها لماذا كرمتم قبل أربعة أعوام (من كانوا معي ) ولم تدعونني للتكريم - لم اقل لها ايضا ان ذلك اليوم بكيت فيه فعلا ( لم أبكي سوي ثلاث مرات في حياتي ).
الطيب طيبته مش بتنفعه في الزمان ده ، هي أكثرالعبارات التي يرددها الناس في هذا البلد ، وهي النصيحة التي ينصح بها الآباء أبنائهم ، وهي النصيحة التي لا جدوي منها أيضا ، فمن ليسوا طيبين ليسوا طيبين ولا يحتاجونها ، والطيبين طيبين ولا يسمعونها أصلا .
والله يسلم حالك

مونولوج

2010-05-22T02:43:00.000+03:00

وعلي أية حال أنت الآن تركب قطارا قد يذهب إلي مكان ما وهذا أفضل مما كان قبل الآن بقليل ، القطار السابق لم يكن ليذهب بك إلي أي مكان ، ولم يكن ينوي أن يتوقف في أي محطة ، كان يسير بلا هدف ولا اتجاه واضح
أعرف أنك تبحث عن تفسير للحلم الغريب الذي لاحقك في الفترة الأخيرة -في الحقيقة هو ليس حلما يلاحقك ،هو حلم اخترعته ، حلم تتخيل أنك تحلمه ، هل سمعتم عن شيئ مثل ذلك ؟ أن تتخيل أنك تحلم حلم ما ثم تقضي أياما بلياليها تفكر في هذا الحلم ،أقصد في هذا الحلم الذي تخيلت أنك حلمته؟ حسنا هو كالتالي ،مباراة كره قدم وتحرز هدفا برأسك قبل نهاية المباراة ، تجري فرحا لكنك لست فرحا في الحقيقة ، أنت محايد وتدعي الفرح لأنه لابد أن تجري فرحا بعد الهدف ، وتلمح في الجمهور وجوها تعرفها جيدا لكنك تتجاهل هذه الوجوه تماما .
عموما عليك أن تصمد قليلا ، تصمد وتصمت نعم أكثر من ذلك ، الصمت عموما ليس عبئا علي أحد والتزام الصمت أفضل كثيرا من سيل الأكاذيب المتدفق من كل جانب ، كما أن وجودك أو غيابك لن يعني الكثيرين ، سيعني فقط نفرا قليلا تعرفهم جيدا وعدا ذلك لا شيئ ،الآخرون سيسألون بعضهم البعض ثم يقولون اعتزلنا واصل وينتهي الأمر .
أقول لكم شيئا ،لم أعد أصدق سوي الفن ولا أبعد من ذلك ، الافكار كلها تحتمل الوجهين لكن الفن ليس له سوي وجه واحد ، راجعوا أنفسكم لتتأكدوا من صدق ما أقوله ، كم مرة تبنيتم أفكارا وصدقتوها ثم انقلبتم عليها ؟ كثيرا أليس كذلك ؟ حسنأ لماذا لا يحدث ذلك مع الموسيقي التي نحب أن نسمعها ؟ ألسنا نظل نحب سماعها إلي الابد ؟قد نمل منها بعض الأحيان لكننا نظل نحبها ، هل سمعتم عن أحد كان يحب رواية ثم قرر أنها سيئة، أو كرهها فيما بعد ؟لا أظن ، ولا أظن أيضا أنني أريد الكلام أكثر من ذلك الآن علي الأقل .

الساحرة المستديرة

2010-05-14T02:05:00.002+03:00

بفرح كبير تلقيت خبر وقوع الأهلي والإسماعيلي في مجموعة واحده بكأس أفريقيا ، مباراة الأهلي والاسماعيلي بقت من الاسباب القليلة للبهجة في البلد دي ، وياريت القائمين علي الكرة في هذا البلد يدركوا هذه الحقيقة ويجدوا حلا لمشكلة تفريغ الاسماعيلي من موهوبيه التي تتم كل عام تقريبا .بالمناسبة لا أجد تفسيرا لعدم قيام محسن صالح بتدريب الاسماعيلي مجددا ، محسن من أفضل المدربين اللي دربوا الاسماعيلي ، ومحبوب في الاسماعيلية ، وطريقته التدريبية مناسبة جدا لثقافة الدراويش الكروية ولما دربهم من كام سنة قدموا كورة ما شافتهاش مصر من سنين طاب ما يرجعش الاسماعيلية ليه مش قادر افهم خاصة انه قاعد ما بيعملش حاجة .
أتوقع أن يفوز الاسماعيلي في مباراة القاهرة ، ومش كده وبس ،كمان هيلعبوا عليهم ماتش كبير بشرط ما يتخطفوش جون في أول المباراة ، مباراة العوده موضوع تاني وحسبتها مختلفه لأنها آخر مباراة في المجموعه ، وإذا كان صعود الأهلي لقبل النهائي يعتمد علي فوزه بهذه المباراة يبقي هيفوز بيها شاء من شاء وأبي من أبي .
لا أتوقع أن يفوز الزمالك علي الأهلي في كأس مصر رغم ان كل الشواهد تقول العكس ورغم ان كل الناس شايفه ان الزمالك هيكسب ، بس ما اعرفش انا ليه متوقع أن الاهلي هيفوز بسهولة أوضربة حظ تتفوق علي ما سبقها من ضربات تاريخية موفقة .
ويا خبر بفلوس

قالت

2010-05-07T05:10:00.000+03:00

قالت ما رأيك ، ثم دارت بحركه أنثوية إشتريته أمس ،(كارمن ) أليس كذلك ؟ ورددت بعبارة رمزية نتبادلها بيننا ( كارمن من القللي ) وضحكنا .
أنهت عملها وتأهبت للرحيل ،قالت أين ستذهب بعد ذلك ؟ أجبتها إلي المنزل – سآتي إليك قالتها ثم غادرت وتركتني حائرا محدثا حالي لقد جُنت ،أنهيت ما افعله وذهبت ،جلست في المترو أفكر في أحوالي التي لا تسر قلت وعسي ان تكرهوا شيئا ثم ابتسمت ،كيف سيكون حال الناس لولا هذه الآية .
إنتبهت علي اتصال منها – أين أنت ؟ أجبت – في المنزل قالت دقائق وتجدني أمامك ، كنت قد نسيت الأمر تماما ، ولا جدوي من محاولة إقناع هذه المجنونة ألا تأتي ، لكن حاولت قلت أسكن في حي شعبي وسيبدو الأمر ملفتا للجيران ولن تجدي مكانا للسيارة ، قاطعتني -لا شأن لك بذلك ثم أنهت المكالمة
رن الجرس ووجدتها أمامي ولم أسألها كيف استدلت علي العنوان ، قبلتني و دفعتني ودخلت ، نظرت في المكان يمينا ويسارا ثم أردفت –خرابة كما توقعتها تماما –قلت ها نحن قد بدأنا ، وعلي أي حال لم تتركي مجالا للاعتذار –ماذا تشريبن ؟
ردت ساخرة وهل لديك شيئا في خرابة مثل هذه ؟ قلت إذاً قهوه ، تركتها وذهبت إلي المطبخ لاعنا حظي العاثر الذي يضع المجانين في طريقي دائما ، عدت لأجدها ترتب الأشياء وتتفحص عناوين بعض الكتب ،دقائق قليلة وكانت معالم المنزل قد تغيرت فعلا -لا أعلم من أين تأتي النساء بهذه البراعه .
جلسنا علي المرتبة اليتيمة الملقاة أرضاً قالت بيتك مريح جدا رغم الفوضي ،ودافيء ، قلت مازحا ( دفء المحبة ) ردت –تقصد دفء الشمس التي تضرب حوائطه من كل جانب ، رددت نعم شمس المحبة أيضا .

قلت أن الشعور الغالب الآن هو ( الزعل ) وليس الحزن ، ( زعلان ) أنا زعلان والفارق بين الحزن والزعل كبير وربما لا أستطيع شرحه ، أشعر أنهم خذلوني جميعا

صمتنا قليلا ،سًألت لم يعجبك فستان كارمن ؟ قلت ببرود بل أعجبني ،ردت ربما أعجبك أكثر بدونه ؟نظرت إليها مرتبكاً وحائراً،قامت و نزعته بهدوء ،التقطت يدي ووضعتها علي خصرها ، قالت ها أنت تري ما لم يراه أحد ، قبلتها قبلةً طويلة ثم انتبهت لخطورة ما يحدث وابتعدت ، اقتربت واستلقت بجواري - ما الذي يمكن ان أفعله اكثر كي تحبني ؟
قلت الرجال لا يحبون المرأة التي تطاردهم ، لمحت دموعا تترقرق ،إرتدت ملابسها ردت الباب خلفها قائلة ،والمرأة تعرف جيدا كيف تعاقب رجلا ، وذهبت

داليدا تغني بالألمانية

2010-05-04T01:38:00.002+03:00

الأسطورة داليدا تغني سالمة يا سلامة بالألمانية

قلت لصديقتي المقربه

2010-04-26T03:07:00.002+02:00

قلت لصديقتي المقربه ، المهم أنني تصرفت كرجل ، وكل الأطراف ستجمع علي ذلك وهذا ما يعنيني حقا ، ما يعنيني أنني تصرفت كرجل في كل المواقف كبيرها وصغيرها وكنت أفكر فيهم جميعا ومعنيا بهم
قلت لها أيضا هل تظنين أن الرجولة الحقه هي ان تأتي بفتاه تحبها ، او تنالها ؟ أبدا - الرجولة الحقه أن تنالها معززة مكرمه ،أن تحفظ لها كرامتها أولا و تقتضي أن تنظر إلي الامام وتقرأ التفاصيل الصغيره التي كانت ستحدث حتما من آخرين لتقتل حبا كبيرا دون قصد ، وصحيح أن الحياه لم تمنحني ما أردت ، لكنها سارت في الاتجاه الأفضل ، أنظر إلي المستقبل بأمل وأكتسب قوه يوما بعد يوم وأحتفظ بذكري طيبة وأدرك أن كل منا سيبتسم حين يسمع اسم الآخر وفقط
قمنا للتمشية قليلا ، امسكت يدي أثناء عبور الشارع ولم تتركها بعدها ،قلت لا تتورطي في عالمي ،ردت أريد ذلك ، سحبت يدي منها ، لكنها تشبثت بها قائله لن تفلت ، أدركت أني أحبك يوم رأيتك تشتبك معه وأعجبتني شجاعتك ولم أفهم سرها ،وقلت انها شجاعة مستمده من تراث وقيم عريقه تبدأ ب ( ضربوا الاعور ) وتنتهي ( بيسخطوك يا قرد )
ضحكنا كثيرا ، تحججت بإشعال سيجارة وسحبت يدي ، قلت أن همسهم عنا قد ازداد ولا يجب أن يستمر أكثر من ذلك ،وأنني لا أريد قصصا مضطربة مجددا ، لدي الكثير من التجارب المعقده التي تركت آثارها علي جبهتي ، وربما يكون هذا ما يجذب الصغيرات أمثالك ، نظرت إلي وجهي بغضب وقالت ، لست صغيرة وأنت تعلم جيدا من أكون وتعرف من الذين يسعون خلفي ، لكني اخترتك .
صمتنا طويلا وبحثت عن مخرج لامتصاص غضبها وتذكرت ما أجمع عليه المقربون عن غبائي المنقطع النظير في اختيار الردود ، تذكرت حكاية قديمه جدا وحكيتها ،قلت لها ، كان عمري تقريبا أربع سنوات ونصف ، وكان ذلك في العام 1979 ، ضربت السيول قريتنا البعيده ، وسافرت مع أبي للاطمئنان علي الأهل ،لم أجد بيوتا ووجدت خياما منثوره بطول القرية وعرضها واستلقيت لأبيت في إحداها وكان ذلك اسطوريا - خيمه بجوار ترعه صغيره وزراعات من حولك ونجوم لا حصر لها في الظلام الدامس ، أنسي هذه القصه سنوات طوال ثم أتذكرها لأعود وأنساها ثانية .
قلت لها ، لم يكن ذلك فقط ما حدث في تلك الزيارة ، أيامها ذهبت إلي كٌتاب القرية ، أحاول أن أردد معهم ما يرددونه ، لم أكن أحفظ شيئا تقريبا ، مثل كل أساطيرالكتاتيب والمقرئين كان الشيخ كفيفا ، أما تابعه أو ما يطلق عليه ( العريف) فكان شابا يافعا أو غلاما ولم يحبني أبدا لا أدري لماذا ، ولمح أني لا أحفظ شيئا من القرآن تقريبا ، كنت في الصف الأخير وسمعته يقول للشيخ أني لم أحفظ ،وسمعت الشيخ يسأله عني ، وسمعته أيضا يقول بعد أن عرف هويتي (والله لأأضربه ) ، كررها مرتين وهويهز رأسه بحسم ووضوح ، ولم يضربني الشيخ فعلا رغم إلحاح العريف ، إنتهي الدرس وذهبت وقد تعلمت معني ان تكون ابن رجل كريم ، وانتبهت بعدها بسنوات أنني أفلت من العقاب دوما وأنني لا أحفظ من القرآن سوي الآيات التي تحوي صورا جمالية ،وان المخطئين نوعان ، نوع يعاقب علي أخطائه ، ونوع يصفق له الناس أيا كان ما يفعله .
نظرت إليَ باسمه ، عادت لتمسك يدي مجددا ، لم أسحبها هذه المره ونظرت إليها قائلا ألم احذرك من عالمي ؟

قصيدة أسطورية لصلاح جاهين

2010-04-19T12:00:00.003+02:00

الأستاذ يوسف حلمى ..!أهلا عمى ..لأ مش م البيت، أنا باتكلم م الشارع.حلوه، على رأيك، ما هو بيتنا الشارع ..كنت فى سهرة وراجع،قلت اتكلم، واهو من حظى لقيتك،مع ان – تصور ؟ -وانا بانقل أرقام تليفون، من نوتة لنوتة،جيت عندك، قام شىء ملعون قال: لأ ، ما خلاص ..ومشيت سطرين والتالت قلت: لا يمكن يوسف حلمى خلاص ..ورجعت كتبت الاسم، ما خلّصنيش،شوف الاخلاص ..كانت سهرة جميلة ..ايوه .. الشله اياها .. تسلم وتعيش ..كانت وحياة النبى عايزاك ..غنينا يا سيدى حاجات سيد درويش ..معلهش .. ما هو انت برضه كنت هناك ..انت تمللى معانا، وحوالينا، وبيننا،موت مين ده يابو حجاج اللى يخبيك منا؟!..يعنى كان خبا الشيخ سيد؟.. ما هو زى الجن،ولا لحظة بيهمد ولا بيوِّن فى المسرح، فى المصنع، فى الغيط، فى المدرسة،فى السجن ده وتر مشدود يابا،لمسوه من كام ألف سنة، ولساه بيزن،وكلام بيرن رنة،رنة طويلة طويلة، بتضحك وتئن،من قلب ربابة النيل على قلبه على قلبك على قلبى على قلب الشمس الشموسة اللى الليلة قعدت جنبى .- أيوه. كان فينا الليلة جماعة جداد ..انضمت فوجه جديده، بنات وولاد.طبعاً .. زى المعتاد،صاحيين .. صاحيين .. صاحيين .. صاحيين .قلنا يا سيدى – فضلة خيرك – "ماتفوقوا يامصريين"و "الحلوة دى قامت" ، و "السيّاس" ..قلنا "بلادى بلادى" ..تعرف؟ حسيت احساس ..ان الشخص البلطجى ده اللى اسمه الموت عاجز، قدام الناس ..قلنا "يا هادى يا هادى".البنت قالت لى: عرفت منين الغنوا دى؟..قدمتك ليها، وسبتك واقف وياها ..سبتك واقف بتكلمها، وتعلمها، وترعاها،ما هو كله كلام …أنا باتكلم م الشارع ،والشارع فيه جامع،والجامع مبنى بقى له ميات م الأعوامانما شبابيكه كلام ، وبيبانه كلام ،وعرايس أفريزه كلام ، وحيطانه …والمعمارجى اللى بناه واقف قدامى، وبيكلمنى،بيمد لى ايده، بياخد كبريت منى،بيولع، وبيضرب لى سلام …يا سلام ..موت مين ده يا يوسف حلمى اللى يحوشك عنى؟
..تصبح على خير.

والأرض بتدور

2010-04-18T00:17:00.003+02:00

في كل مكان سكنت فيه ، كان بيتكرر نفس الموضوع بالظبط كل مره،أنسي شباك المطبخ مفتوح يومين ، أبص الاقي يمامه عششت في المطبخ فوق أي حاجه عاليه ، ، هي وعيالها ،حصل الكلام ده في شقه عين شمس ، وشقه كوبري القبه وشقه سراي القبه أيضا ،ده بخلاف ان ع الشبابيك نفسها وبشكل دائم ، لازم يبقي فيه يمامه موجوده تروح وتيجي تقعد علي لوح الخشب الصغير اللي تحت الشباك ، أنا ما كنتش مدي الموضوع اهتمام بس المره دي اهتميت بيه بقي وفكرت شويه ،جايز اللي خلاني افكر هو اليمامه الي جات عندي في المكتبه وما كانتش راضيه تمشي و التعليق الغريب من صاحبي اللي حضر الموقف لما قال انها حاسه بالأمان ، وجايز لأن الموضوع ملفت للنظر فعلا ،بس انا عموما مش لاقيله تفسير خصوصا أن اليمام لا يمثل بالنسبه لي الشيء الكثير ،وعلي أي حال اللي مش لاقيله تفسير النهارده جايز يتفسر بكره

في أولي ثانوي كنت كثير الزوغان من المدرسة كماتعلمون ،وبالتوازي مع ذلك بدأ نشاطي السياسي الفعلي علي الأرض ،اولي ثانوي كانت حرب الخليج ، ومؤتمرات أحزاب المعارضه ضد الحرب علي العراق كانت لا تنتهي ،كانت جريده الشعب الناطقه باسم حزب العمل ومعها جريده مصر الفتاه هما أعلي الاصوات في الهجوم علي النظام المصري في قرار المشاركه في الحرب، ومن هنا عرف اخوكم طريقه إلي حزب العمل بشارع بورسعيد بالسيده زينب ، أيوه التلميذ الللي مزوغ من المدرسه الصبح ،هو اللي في مؤتمر حزب العمل بالليل بيسمع ويردد هتافات خيبر خيبر يا يهود ، وزحف الإسلام قادم ، وعائد عائد يا إسلام حاكم حاكم يا قرآن إلخ ،وما أتذكره عن تلك اللحظات كثير جدا ، خصوصا مشاهده إبراهيم شكري زعيم الحزب لأول مره لأنني كنت قد قرات عنه في كتب التاريخ أنه (الشهيد الحي ) بعد ضربه بالرصاص في الأربعينات أثناء الاحتلال الانجليزي ،كنت حاسس وانا شايفه اني جوه كتاب تاريخ مش في مؤتمر ، المهم اللي فاكره كويس بقي ان المؤتمرات دي لم تكن احتجاجا علي مشاركه مصر في الحرب ، بقدر ما كانت تأييدا لصدام حسين

ودي قصه وقفت قدامها كتير بعدها بسنين طويله

أيه اللي يخللي حد يدعم أحد أسوأ نماذج الطغيان والاستبداد في العالم؟

طاب انا وأمثالي كنا عيال وقتهاوعندنا خمستاشر سنه وممكن يضحك علينا ومن حقنا نغلط ، ، طاب انت يا ابراهيم يا شكري اللي عندك تمانين سنه وقتها ، ما كنتش تعرف انه طاغية ومجرم ؟، طاب تفتكروا الواحد كام مره تبني مواقف سياسيه خاطئه في حياته ؟للأسف كتير برضه ، وهل معقول انا كنت مؤيد للإسلاميين في وقت من الأوقات ، وهل الضفه أو الزاويه اللي بتبص بيها للعالم دلوقتي هي الزاويه الصحيح؟

برضه الإجابه مؤجله حتي إشعار آخر

لقاءات الأصدقاء القدامي الذين اختفوا قبل عشرين عاما ثم قابلتهم الشهر الماضي تصلح لإثارة الدهشة ، خاصه الصديق الذي كتبت عنه في هذه المدونه وتواصلنا أيضا من خلالها ، ووجه الدهشه في لقاء الأصدقاء أننا لم نشعر بأي غربه ، وبدا كأننا لم نفترق يوما بسبب الحميميه والتلقائيه التي غلفت اللقاءات ، الصديق الذي كتبت عنه هنا ، تفوق علي خيالي حين التقيته ، كنت أتوقع انني سأجده قد أصبح شخصيه تقليديه يشبه الملايين التي تتحرك في الأرض الذين لا هم لهم سوي البيت والعمل والدخول بالقدم اليمني

لكنني وجدته نابغا ألمعيا كما تركته تماما

سعدت لأنه كان مهتما بالبحث عني ضمن مجموعه من الأصدقاء سعي لمعرفه مصيرهم ،وقال أنه توصل لي عبر النت ، لكن الغريب كان قوله أنه قرأ ما أكتبه حرفا حرفا ،إستغربت ذلك لأن إحساسي الدائم هو انني أكتب في الفراغ ، واستغربت كثيرا أن المقهي الذي اختاره لنجلس عليه كان مقهي مفضل لصديق قديم يختفي سنوات ثم يعود أيضا

تصبحوا علي خير

لو ضحكه صغيرة

2010-04-16T23:56:00.002+02:00

فرحه لم تكتمل واتسرقت كالعاده
المره دي كان الشعور بيها مختلف
ايوه أنا حسيت فعلا يعني أيه قهر ،وافتكرت مشهد المزاد بتاع فيلم موعد علي العشاء
الفرحه اللي بتتسرق منك في حاجه صغيره ، ساعات بتكون مرارتها أصعب من سرقه فرحه كبيره ، وانا جربت دي ودي وعارف زعل الاتنين
يا خساره
كنت بتلكك عشان افرح
بس ما نفعش برضه
ومعلش
وخيرها في غيرها

الهروب - لحد إمتي يا منتصر

2010-04-07T02:09:00.002+02:00

ما لقيتش عنوان افضل من ده

مع كامل التقدير للصديق العزيز صاحب العنوان

أمل علني مؤقت

2010-03-30T21:55:00.003+02:00

سنوات وفايته عليا فوج بعد فوج
واحده خدتني أبن والتانيه زوج
والتالته أب خدتني والرابعه أيه
إيه يعمل اللي بيحدفه موج لموج

------------------------------------
ولوانضنيت وفنيت وعمري انفرط
مش عايز الجأ للحلول الوسط
وكمان شطط وجنون مانيش عايز
يا مين يقولي الصح فين والغلط

-----------------------------------------------------------
علقت في المسمار قناع مهزله
ومعاه قناع مأساه بحزنه ابتلي
بصيت لقيتهم يشبهوا بعضهم
واهو ده العجب يا ولاد وإلا فلا
-----------------------------------------

في الوقت المناسب

2010-03-25T01:37:00.006+02:00

في الوقت المناسب بالظبط قبل اليأس بثوان

سألته عن حزنه ،وحكي لها

قالت له ، كنت تحتاج إلي هذه التجربه كي تكتمل

نظر إليها متسائلا ، جالت بعينيها سريعا في المكان لتتأكد أن لا أحد يراها ثم طبعت قبله سريعه علي خده فهم منها ما لم يفهمه من عبارتها

قريتها وعزفتها لوحدي

2010-03-14T03:21:00.003+02:00

شاطر يا ابو الندما شاطر

catch me if you can 2

2010-02-27T01:12:00.011+02:00

كان المواطن يحب البساطه كثيرا ،أبطاله جميعا من البسطاء، لكن رغم ذلك كان هوس العمق سببا لنكبته ، لا يعرف ولم يفهم كيف يمكن الجمع بين البساطه والعمق ، لكن هذا ما حدث ، ربما كان العمق حلا

لمشكله لا يراها ،وربما كان هوسا وفقط ، لكنه علي أيه حال إستفاد كثيرا من كونه رجل عميق قبل أن ينتبه أنه ربما يكون قد خسر كثيرا أيضا ، هذه أمور يحسمها الزمن عموما ولاداعي للتفكير في ذلك الرجل الغريب العميق الذي ألتقيه يوميا ، لا داعي للتفكير فيه أكثر من ذلك ،ولكن كيف ؟ تجمعنا ساعات طوال كل يوم وأقضي ساعات النهار الاخري محاولا فهم ما يفعله دون جدوي ، يوم أمس راقبته جيدا ، لم يخسر من قبل ، جلست بالقرب منه لأري كيف يدير الأمر ، لم تكن هذه أول مره أتابع كيف يقهر منافسيه ،لكن أمس فقط ادركت السر

جلس أمام محدثه وجها لوجه ، بدأ خصمه الكلام والشخص العميق يستمع دون مقاطعه استمر الامر هكذا خمس دقائق كانت كافيه تماما لعميق مثله كي يسبر أغوار الآخر ويبدأ في تسديد اللكمات وينتصر كالعاده

لاأخفيكم سرا أن إعجابي به قد تزايد بعد هذا الموقف ، لكنه استفزني أيضا ، هذا رجل يصعب هزيمته، إنه يستمع إليهم جيدا كما انه اعمق منهم ،يستمع منهم أولا ليتأكد فقط أنه الاعمق وان محدثه أضعف منه ولا تمر خمس دقائق إلا وتكون المعركه قد حسمت

سيعاني هذا الرجل كثيرا ،قلتها في سري ، لا يشعر بالسعاده من يفكر بهذه الطريقه ، الناس لديه نوعين ، إما اعمق منه أول أقل عمقا ، بالطبع لن يحب من هم أقل منه ، علي الاقل لن يصادقهم ، سيسعي لمصادقه الاعمق منه ، لكنه بعد فتره سيصدق أنه أعمق من هؤلاء أيضا ويتركهم بحثا عن آخرين ، هل لديه أسره ؟ لا أظن ،أمثال هذا الشخص لا يفلحون في هذه الأمور، لكن الاكيد أن بيته بأسره أو دونها بارد وممل ترتد من حوائطه الفقيره أسئله حائره تعود هي ذاتها لتطرح نفسها في اليوم التالي والذي يليه وربما إلي الأبد دون إجابات ، علي أي حال لا داعي للتورط معه في أي معركه،لكن ما الذي جعلني أفترض حدوث معركه معه ، انا وهو لا نختلف حول شيئ ،، هذا لا يعني بالطبع اننا نتفق ، لكنه يعني فقط أننا لا نحتك ببعضنا البعض ،أنا مسالم تماما كما تعلمون لا أجد مبررا ولا سببا لدخول أي معركه وأري المتعاركون حمقي دوما ، ما الهدف من دخول المعارك أصلا ؟ إثبات أنني علي حق ! أري نفسي علي حق ،وإذا اختلف معي أحد وأراد إثبات أنه علي حق أقول له أنه علي حق وانتهي الأمر أليس ذلك افضل ؟إنتبهت أن ساعات العمل قد مرت سريعا ، لم أنجز شيئا اليوم فكرت فيه فقط ،أثناء لملمه الأوراق تأهبا للمغادره رأيته عابرا ،ألقي التحيه وقلت هل تأتي غدا ؟ ،رد آتي كل يوم كما تعلم ،إنتبهت لغباء السؤال وتداركت الموقف قائلا كنت أريد الحديث معك قليلا ، قال يمكننا أن نفعل ذلك الآن ،ما هذه الورطه التي وضعت نفسي فيها ، بحثت سريعا عن أي موضوع للحوار، قلت هل تظن أن الامور ستظل تسير هنا هكذا ،أليس من واجبنا أن نفعل شيئا ؟لم يبدو عليه أي شعور بالمباغته ، بدأالاسترسال طويلا لم أكن مهتما بما يقول لا أدري ما الذي جعلني أسأله فجأه هل تقول الحقيقه ، باغته السؤال وتوقف عن الكلام ، نظرنا في وجه بعضنا البعض كنا قد وصلنا إلي منتصف الممر أمام المرآه تماما ،نظرنا إليها في وقت واحد ، توقفنا قليلا قبل أن نعاود السير في صمت

حيره

2010-02-25T04:56:00.002+02:00

les amants d'un jour

2010-01-26T01:10:00.004+02:00

جئت فقط لأتحدث في التليفون

2010-01-23T00:29:00.003+02:00

أحمل للعام 2009 الكثير من التقدير والذكريات الطيبه والتي علي رأسها أطياف الحريه ونسائمها التي عادت تلوح مجددا ، في العام الماضي بدأت أشعر أنني سأعود عن قريب حراً طليقا

عارفين ساعات كتير بفكر ان ما فيش حد شجاع وحد جبان ، الناس بتتولد زي بعض والفكرتين بيبقوا قدامنا كلنا ،واحنا ماشيين في السكه بندي الفرصه لواحده منهم تكبر جوانا ، الموضوع عامل زي أيه زي اما بتبقي اول مره شايف مظاهره الامن محاوطها ونفسك تعدي وتدخلها وبتقعد متردد خمس دقايق أحاول ادخل ولا ما احاولش ، طاب لو اتمسكت طاب لو اتضربت ، لغايه ما بتحسم الموضوع وتدخل بأي طريقه ، وتكتشف ان الموضوع عادي ،لا دخولك معناه انك شجاع ، ولا عدم دخولك معناه انك جبان إنت شجاع في نظر ناس تانيه ترددوا في القفز أو الدخول ، لكن إجمالا اللي عايز اقوله ان الفكرتين موجودتين واللي بنشوفه أشجع الشجعان النهارده ممكن نلاقيه في موقف تاني خايف أو متردد أو ضعيف ولكن الاكيد ان عواقب الشجاعه أقل ضررا بكثير من عواقب الخوف

راضي عن السنه اللي فاتت لأني رجعت تاني أتفاعل مع الحياه بروح سن العشرين ،من غير حسابات معقده ولا فلسفه وكانت التجربه مفيده رجعت تاني اروح الاستاد في ماتش الاسماعيلي والاتصالات وكنت حالف يومها لو الاهلي اتغلب في اسكندريه من حرس الحدود لاطلع مع جمهور الاسماعيلي احتفل معاهم في الاسماعيله بالدوري بس ماحصلش نصيب ورجعت من الاستاد دراعي مكسور صحيح بس مبسوط

حضور حفله الشاب خالد كان من الحاجات المهمه جدا اللي عملتها السنه اللي فاتت ويمكن من اهم الحاجات اللي عملتها في حياتي علي فكره ،لأن اللي شفته يومها كان مثار تأمل طويل

لما وصلنا الحفله أنا سبت صحابي ودخلت في قلب الزحام المزدحم في محاوله فاشله للاقتراب من الشاب خالد ، ما كانش فيه فرصه طبعا لأن الحشود كان من الصعب اختراقها إلي النهايه ،المهم وصلت مكان مش بطال واستقريت فيه وخلاص ، المكان اللي وقفت فيه كان علي بعد أربعه متر من العيال الجزائريين اللي حضروا الحفله ماشي ، ودول رافعين علم الجزائر وقاعدين يهتفوا والجمهور بتاعنا قاعد يشتمهم ، خلوا بالكم ان الحفله كانت قبل ماتش القاهره بيومين بالظبط ،ظهر الشاب خالد من هنا والاقيلك آلاف مؤلفه قاعده تهتف ضد الجزائر والشاب خالد ،ودي كانت صدمه الصدمات بالنسبه لي ، انارايح اسمع مزيكا مش رايح اصفي حسابات كوره ،حسيت ان في حاجه كبيره غلط في البلد وان معركه الكوره هتنقل في حته تانيه واتصلت بهاني درويش في نص الحفله وقلت له اني مش مصدق اللي بيحصل والجمهور ده كله جاي ليه أصلا مش ممكن يكون جاي يسمع مزيكا

لفت نظري أيه بقي في الحفله ؟

العيال الجزائريين ما هابوش الموقف

من أول لحظه لغايه آخر الحفله والجمهوربتاعنا بيهتف ضدهم ودول بيردوا عليهم رغم انهم كلهم علي بعض خمستاشر واحد

كانت أسئله كتير جوايا عن اللي بيحصل بس كان اهمها بالنسبه لي هو هل تفتكروا ان العكس كان ممكن يحصل ، بمعني ان لو الحفله في الجزاير ولافي حته تانيه ممكن نلاقي خمستاشر شاب مصري واقفين كده بيتحدوا آلاف بتهتف ضدهم ؟

الإجابه عن السؤال ما تأخرتش يادوبك يومين وطلعت قصه الماتش الفاصل بتاع السودان وكان الدرس المعتبر ، مش درس في الكوره طبعا ، لأ درس في كيف يفكر المصريون حاليا حكومه وشعبا

يوم ما كسبنااتنين صفر واتعرف اننا هنطلع ع السودان قضيناها كلام جرايد إن مصر كلها طالعه ورا الفريق ،والحقيقه طبعا كلكم شفتوها ، أنا قابلت خمسين واحد هنا قالي انه طالع عالسودان ، وماراحش منهم ولا واحد

علي الناحيه التانيه والله العظيم ،عيال صحابي جزائريين عايشين في فرنسا وبلجيكا ، بعد ما ماتش القاهره خلص بساعتين كانوا حجزوا طيران وع الخرطوم عدل ، ولا استنوا بابا وماما يحطولهم الاكل في بقهم ، ولا استنوا اتوبيسات الحزب الوطني الجزائري

وكانت رساله الشاب خالد ورساله أصدقائي الجزائريين من اهم الرسائل التي تسلمتها ما حييت

تصبحوا علي خير

مين ما يحبش فاطمه تاني

2010-01-15T02:52:00.003+02:00

حواديت

2010-01-13T00:19:00.004+02:00

كان حماده سلومه أحد أساطير مصر والسودان ، بخفه ظله اللامسبوقه وفشله الدراسي المتكرر وشلل الأطفال الذي أصابه في سن مبكر ثم شفٌي منه في سن الشباب ، وبتوليه رعايتنا جميعا كأطفال أصغر منه في السن بسبب هجر أقرانه له بفعل إخفاقاته الدراسيه أصبح سلومه أبا روحيا لنا والمسؤول عن إفساد أخلاقنا جميعا بما امتلكه من معرفه واسعه بكل ما هو محرم وممنوع علينا كأطفال
إمتي اتعرفت عليه مش فاكر بالظبط كل اللي فاكره إن حضرته وهو في تالته اعدادي ( كان عمره وقتها 19 سنه ) كان بيجي عندنا البيت عشان محمد قناوي يذاكر له ، ومن هنا ابتدت علاقتي بيه تتوطدرغم فرق السن ما بيننا كان عمري وقتها اتناشر سنه وابتديت ادخل عالمه العجيب ، كان بييجي قبل معاد الدرس بشويه يركن العكازين علي جنب ويلعب معنا كوره يقف حارس مرمي طبعا لأنه ما كانش يقدر يجري بس كان حارس موهوب جدا
في يوم من الايام شارك حماده في بطوله جري للمعوقين في الاستاد ،رجع آخر اليوم ومعاه كأس المركز الاول واستقبله الشارع استقبال الفاتحين ، واحنا واقفين ع الناصيه بالليل قبل بقيه العيال ما تنزل سألته عملتها ازاي يا حماده ، قالي يا سيدي هي المسابقه ابتدت من هنا وانا اقعدت اجري بالعكازين ويا دوبك خمسين متر ما بقيتش قادر اخد نفسي ، لقيت عربيه الإسعاف اللي بتجري قدام المتسابقين قدامي

رحت شاورت لهم يقفولي لأني تعبت ورحت راكب معاهم ،وقبل نهايه السبق بعشرين متر رحت نازل ومكمل من غير ما حد ياخد باله وكسبت وراحوا مديني الجايزه ، ولقيتلك الإذاعه جايه تسجل معايا ، وتهدي الفوز ده لمين يا حماده ؟ قلتهلم أهدي الفوز ده لبابا وماما وخالوا سيد وماما سوزان وعمو هههههههه

هكذد كان حماده خفيف الظل إلي حد غير مسبوق ، نسيت أقول لكم أن ملامحه كانت كوميديه جدا وأضف لذلك إنه كان أصلع من سن مبكر جدا ، علاء ابن عمي لما كنا نروح نلعب كوره في الميريلاند أو مدرسه القوميه في الحدائق ، لما ينفرد بكوره قصاد حماده يلاقي نفسه بيضحك فاجأه والكوره تضيع منه

كان خير أستاذ ومعلم ، علي أيد حضرته تعلمنا كل مفردات القاموس الجنسي الذي لم نكن نعلم عنه شيئا ، وما يتبع ذلك ، الذاكره تحمل له الكثير من الذكريات السعيده جدا،ذكريات يوم الخميس بالليل والوقوف ع الناصيه ومعاكساتهم للرايحه والجايه

فضلت العلاقات مستمره لمده خمس ست سنين بعد ماعزلنا قبل ان يبدأ التباعد التدريجي الطبيعي جدا لتنتهي العلاقه وتبقي ذكراها الطيبه

في ساته ابتدائي عملوا منتخب المدرسه وكان كله من فصل ساته تاني إللي هو الفصل بتاعي ، فصلنا كان اميز فصول المدرسه بقياده العبد لله قبل ان يتحول إلي تلميذ ضال ههههه، كنا نلاقي الإعجاب من المدرسين في كل ما نقوم به، واخوكم كان المسؤول عن كله ، الإذاعه المدرسيه ،طابور الصباح ، ، فريق الكوره ،تأديه القسم وتحيه العلم ماكانش فاضل غير فرقه الزهرات والباليه ، المهم في أول ماتش رحنا نلاعب مدرسه المؤسسه في دوري القاهره ، هو بصراحه كان أول ماتش وآخر ماتش ، يادوب الماتش ابتدي من هنا واحنا ارتكبنا خطأ فادح وأحرزنا في مرماهم هدفا لم يكن له أي داع علي الإطلاق ، العيال بصوا لبعض وضحكوا وخدوا الكوره وسنتروا وع اللي عملوه فينا

أنا كنت واقف جون والاجوان بقت نازله في اخوكوا زي المطره وبكل الاشكال الممكنه ، شوطه من نص الملعب ، ضربه ركنيه تلف وتدخل ، إنفرادات ، كباري، ضربه جزاء ،ضربه رأس ،ضربه حره مباشره أو غير مباشره

كانت كل الطرق تؤدي إلي روما حقا

عدنا إلي المدرسه التي تنتصر عودتنا المظفره كالعاده ، لكنها كانت عوده منكوبه بسبعه اهداف كامله موقعه بكل أسماء لاعبي المؤسسه ما فيش لعيب فيهم ما جابش في اخوكم جون

لا مجال هنا لذكر ما لقيناه من سخريه طوب الأرض وشماته من لم ينضموا للفريق وفضلت سنه كامله لغايه ما بقيت في أولي اعدادي وانا هموت واعرف ازاي ده حصل

حتي ألقت الأقدار في طريقي تامر ابراهيم

كان قاعد جنبي في أولي أول في مدرسه النقراشي الاعدادي ، أولي أول كان فصل المتفوقين بتاع المدرسه والمنطقه التعليميه بالكامل باعتبار أن النقراشي هي أفضل مدرسه اعدادي في إداره الزيتون ، تامر كان من المتفوقين اللي يعقدوا ،أنا كنت من المتفوقين بتوع سته وتسعين في الميه والحاجات دي هو كان من بتوع التسعه وتسعين ونص ، الفصل كله تقريبا كان كده حاجه تعقد ، المهم مش ده موضوعنا

في يوم قاعدين في أمان الله انا واخوكم تامر وبنتكلم عن أيام ابتدائي وبتاع وهو بيقول إنه كان بيعمل كل حاجه في المدرسه وانه كان بيحب يلعب طايره وكان عندهم فريق طايره كويس ، لغايه ما في يوم راحوا لاعبوا مدرسه اسمها المؤسسه !وراحوا العيال بتوع المؤسسه إدوهم درس في الكوره الطايره

قلتله تامر ده مش معقول ، دول عملوا نفس الموضوع معانا بس في الكوره

قالي انت ما عرفتش مش سحبوا منهم البطولات اللي خدوها ،مدرس الالعاب بتاعهم كان شغال في النادي الاهلي وكان بيجيب لعيبه الاهلي الناشئين في كل الالعاب يلعبوا بإسم المدرسه ، لغايه ما الموضوع اتكشف وسحبوا منهم البطولات ،،أي صدفه تاريخيه ألقت بك في طريقي يا تامر كان من الممكن أن أقضي عمرا كاملا بحثا عن تفسير لتلك الإهانه الكرويه

فوتكم بعافيه

حزنا وحدادا علي الجريمه المصريه تجاه غزه والاوضاع في مصر ، المشهد الساحر من فيلم ناجي العلي

2010-01-09T02:41:00.003+02:00

العم نوح

2010-01-03T23:35:00.008+02:00

في ممرات المدينه أمضي خمسه عشر عامايستمع إلي حكابات العابرين
رحل منهم من رحل وبقي من بقي ، لكن عابرين آخرين عبروا وجلسوا يحكون حكاياتهم
إستمع منهم وتورط في بعض قصصهم أحيانا
ما الذي كان يغريهم بالبوح له ! لا يدري ، قالوا له أن أسبابا كثيره تجعلنا نبوح لك بما لا نبوح به لأحد

إستمع كثيرا، أدرك بمرور الوقت الكثير من الامور الغير هامه علي الإطلاق ( ربما يكون بها بعض الأهميه )علي رأسها أن من اختاروا أن يراوغوا الزمن سيراوغونه ، لكنه سينتصر في النهايه ، وأن مغامره وقف عقارب الساعه فاشله بامتياز والأكثر منها فشلا العوده بعقاربه إلي الوراء وأن اللحظه المناسبه لتقول لك فتاه تحبك أنها تحبك لن تتكرر كثيرا حتي إذا التقيتما بعدها وكانت تحبك ، ربما تظل تحبك بعض الوقت ، لكنك يا غبي لم تستثمر اللحظه التي كانت مستعده فيها للاعتراف واخترت أن تراوغها فراوغتك ثم انسحبت منك في النهايه وتركتك مهزوما

أدرك أيضا أن العابرين الجدد مملون إلي حد كبير ، العابرون القدامي حكاياتهم شيقه ، قد تكون انت المسؤول عن ذلك إستماعك الزائد لم يترك مساحه لأي جديد يأتي به آخرين ، لكن لا تنسي أن هناك حكايه مختلفه إستمعت إليها قبل أيام، (أحب أن تسمعوها ) وأعرف انكم ستصدقوني

كنت جالسا في الشارع أمام المكان ،أشرب القهوه واحدق في الفراغ ، وجدتها تقف أمام الباب صغيره وبريئه مثل كل اليمام ، قفزت من الرصيف إلي الداخل ، دارت بعينيها يمينا ويسارا قبل أن تبدا التجول بحريه ثم تصعد إلي الدور العلوي ، قمت ودخلت المكان نظرت إليها وهي بالطابق الأعلي ورايتها تنظر في وجهي ، أدركت ان صديقي زوسكند قد أرسلها برساله ما ، أعرفه جيدا ، عاده ما يحذرني في الوقت المناسب بشكل أو آخر ، دائما ما يبعث إلي برسائله من خلال وسطاء لا أتوقعهم ، هذه المره إختار هذه اليمامه وسيطا بيننا

بصوت أقرب إلي الهمس قلت لها زوسكند ! هزت راسها بالإيجاب ، أكملت الكلام هو أرسك إلي هنا ، ما هي الرساله

لم تتفوه بأي كلمه نظرت إلي فقط ، واكملت جولتها ،ثم خطت تجاه السلم ونزلت درجه درجه لتستقر بجواري في الطايق الأرضي ،أخذت تدور في الماكن قبل ان تستقر علي درجه السلم الأولي ، ظللنا هكذا قرابه ساعه قبل أن أتركها قليلا واجلس بالخارج ، مر أحد الأصدقاء ورآها ، سأل عنها ، قلت له انها مجرد حمامه مرت من هنا قبل ساعات ولا تريد أن ترحل ،(إتفقنا ان تصدقوني ) قال لي أنها لا تريد ان ترحل وأنها تشعر بآمان كبير معك ثم تركني ورحل

أشعلت سيجاره ،تساءلت في سري دون ان تسمع هي ، ماالذي تريد قوله يا زوسكند ، لم نتبادل الرسائل منذ فتره ، تحديدا منذ أن خذلتني حين دعوتني لزيارتك ولم اجدك ، بحثت عنك هناك في كل مكان ولم اجدك وتركتني أعود جارا خلفي أذيال الخيبه ، قطع تأملي الطويل كناس عابر ، نظرت إليها ثم نظرت إليه ، قلت له إدخل ،ثم أضفت خذ هذه معك، نظرت إلي بغضب واستياء (خائن ) سمعتها تقولها بحسم وقوه ونظرت إلي الكناس كي أتأكد إن كان قد سمع ما سمعته ام لا ،، إنتصر في معركته معها وامسك بها دون مبالاه مني ، نظرت إلي بنفس الغضب وكررت الكلمه ثلاث مرات ، لم أكن أشعر باي خيانه ، ما شعرت به فقط هو ان وجودك هنا عابر كالآخرين وانك سترحلين في يوم ما ، فلأكن انا صاحب القرار

رحل ورحلت معه تودعني بنظرات الغضب ،يا إلهي لم التقط الرساله ، الحمد لله هناك شهود علي زيارتها لي ، الكناس شاهد ، وصديقي العابر شاهد ايضا ، كما انني غير معني بالأساس أن يصدقني أحد ، وانها مجرد حكايه ممله اخري ضمن الحكايات التي أرويها

ما الذي كنت تريد ان تقوله يا زوسكند

Happy New Year

2009-12-30T23:40:00.004+02:00

الاغنيه دي من أكتر الاغاني اللي حبيتها لفريق أبا
انا مش سميع قوي للموسيقي الغربيه عدا الكلاسيكيات والسيموفنيات القديمه والمقطوعات الصغيره خاصه شوبان وموتسارت
لكن الفريق ده انا حبيته من اول ما سمعته بالصدفه في نص التمانينات العظيمه
لسه ذاكرتي فاكره اما كنت اطفي النور في سطح بيتنا في الحدايق واسمع أغانيهم الغريبه
الأغنيه دي بقي غريبه جدا
وجه الغرابه اني بحس طول الوقت ان فيها شجن شرقي غريب علي الموسيقي الغربيه ،!مش عارف ليه
Happy New year

بيروت بيروت

2009-12-13T00:22:00.005+02:00

إبتسمت بيني وبين نفسي لما اخويا حمزه قالي انه فرحه في بيروت شهر ديسمبر واني لازم اجي،انا كنت مرتب نفسي اني هقضي الشهر ده في برلين ،وانتهي الامر ببيروت من حيث لم أحتسب ،السفريه الاولي كانت بون ، والثانيه بيروت ،وانا كنت مخطط اصلا اروح بر لين ما شاء الله كلهم بيبتدوا بحرف ب ،خير ده معناه ان السفريه اللي بعد كده هتبقي باريس ، ههههههههه ويمكن بني مزار ولا بني مر ولا بني سويف.

إتصلت بالسفاره اعرف ايه النظام وعرفت منهم انك ممكن ما تعديش ع السفاره اصلا ،وتاخد في جيبك الفين دولار وتطلع علي بيروت عدل وتاخد الفيزا من مطار بيروت هناك ، وقدكان قلت بلا سفاره بلا كلام فارغ ، بينا يا ماما علي بيروت عدل ههههههههه وللمره التانيه في حياتي اسافر من غير ما اعدي ع السفاره ، سفريه المانيا برضه الفيزا جاتلي لغايه عندي معززامكرما ، من غير حتي ما اعرف سفاره المانيا مكانها فين .

بدأت الإثاره من مطار القاهره ببص بعيني يمين ألاقيلك وائل عباس واقف في الطابور اللي جنبي ، علي فين يا ابن الناس، قالي علي بيروت ومعايا جمال عيد ههههههه للمره السبع الاف في حياتي اقابل صحابي في اي حته في الدنيا ، وسبحان الله علي نفس الطياره شبه سفريه المانيا بالظبط

خطوتين كمان والاقيلك برضه معايا ع الطياره نهي عاطف واحمد غربيه ، هههههه ،سلمت وعرفتهم بماما وضحكت وافتكرت الطياره اللي خدتها من ميلانو لدوسلدورف إللي كان فيها يمني وسعودي وسوري وعراقي وحضرتي كانت حاسس انها طياره طالعه علي جوانتانمو مش علي المانيا، المره مع وجود غربيه ووائل وجمال حسيت انها طالعه علي مقر أمن الدوله في لاظوغلي بعون الله .

ساعه وربع بالظبط بقيت في بيروت وخمس دقايق خلصت الإجراءات وخرجنا ، حمزه ومراته واخوها مستنينا في المطار ، وصحابي اللبنانيين كمان مستنيني ، وصل العبث إلي ذروته لما بسلم علي صحابي ، طلعواانهم كانوا صحاب سلام مرات حمزه واشتغلوا مع بعض في جريده اللواء ، عبث بصحيح سلام واخواتها بدوا مندهشين جدا من وجود معارف مشتركين واصدقاء ليا في بيروت ضحكت ولم اندهش طبعا لأني اتعودت ، بس ماما كانت مبسوطه وجود صحاب كتير ليا حسسها بعزوه ما ربما

ركبنا العربيه ، بلد مبهر ورائع والجبال محاوطانا من كل ناحيه ، واحنا بنتكلم سلام قالت لازم اعدي علي لينا عبد العزيز ،وانا رحت لافف دماغي وسألتها - لينا عبد العزيز مراسله الرياضيه ؟قالت لي أيوه انت تعرفها ضحكت للمره الخمسين وقلت لها انا مدير لينا في الشغل ،أصابهم ذهول من مدي صغر هذا العالم وانا طبعا ابتديت احس اني داخل البلد دي وداخل بيت الناس دول وانا مطمن ومش حاسس بغربه بسبب كثره الاصدقاء المشتركين ، عبث حقيقي ، وصدف إيجابيه كنت محتاجها كتير لأن الموقف علي بعضه استثنائي ، إنت رايح تجوز اخوك وداخل بيت ناس عمرهم ما شافوك قبل كده في بلد غريب ،وبدا بوضوح أن يد إلهيه تدخلت لدعمي في هذا الموقف الاستثانئي

إلي اللقاء مع بقيه أحداث بيروت المدهشه

لله يا جزاير يا ورده الروح

2009-11-05T05:34:00.004+02:00

الناس اللي بتكلم علي عنف وعدوانيه الجزائريين تجاه مصر ، يروحوا الأول يشوفوا عنف الجزائريين تجاه أنفسهم
يا جدعان ده شعب متطرف بطبعه ما يعرفش قيمه إسمها التفاهم والحوار ، من حوالي خمستاشر سنه كنت في مؤتمر في المجلس الأعلي للثقافه وسمعت واحد جزائري بيتكلم عن الجزاير وقال ان الشعب الجزائري شعب لديه ( عذريه ثقافيه ) وما نسيتش المصطلح ده أبدا ، هذا الشعب فعلالا يعرف التفاهم وكل حاجه واخدها علي اعصابه وكرامته ، راجعوا معركه التسعينات بين الإسلامين والنظام الجزائري وشوفوا مدي الدمويه المريعه اللي كانت في المعركه .
أنا ممن قرأوا التاريخ الجزائري الحديث جيدا ، وأحمل تقديرا كبيرا لهذا البلد وهذا الشعب فقط بسبب اعتزازه بذاته وإعلاؤه من قيمه الكرامه ، لكن الأمور تجاوزت كل الحدود والموضوع وصل إلي حد المرض بصراحه ،للأسف الشديد اخواننا الجزائريين لازم يراجعوا علاقتهم بالحياه بشكل عام لأنه مش معقول ابدا انك تبقي شايف نفسك صح علي طول الخط والآخرين غلط علي طول الخط

كان يقول لأصدقائه المقربين

2009-10-31T05:11:00.004+02:00

قال لصديقه المقرب ان بلدكم كانت تحتاج ان تتزحزح قليلا إلي الشمال ،وفاجأه الصديق بقوله ان بلدك أنت هي التي تحتاج ان تتزحزح قليلا إلي الجنوب ،وكالعاده تاه في البحث عن إجابه سؤال يؤرقه منذ عشر سنوات حول من منهما تأثر بالآخر أكثر، ام انهما خلقا هكذا يشبهان بعضهما البعض ،صديقه المقرب هو الوحيد الذي حمل هذه الصفه دائما ، المقربون الآخرون كانوا يتبادلون الأدوار ،يذهب أحدهم ليحل الآخر مكانه ، تتداخل الأمور عليه أحيانا ، لكن أبدا لم تتداخل التفاصيل مازال يذكر بدقه أن حدث ما يرتبط بأحدهم ولا يرتبط بالأخر
كان يقول لأصدقائه المقربين ألا تصدقوا أبدا ما تشاهدونه وما تسمعونه علي لسان آخرين ، وأن السبيل الوحيد لتحري الحقيقه هو تحري الحقيقه فعلا ، وهذا لا يقدر عليه إلا من رحم ربك ، قال أيضا لأحدهم أنك سترتاح كثيرا إذا أدركت أن الآخرين أيضا ليسوا سعداء ، بل هم مثلك مهووسون بالبحث عنها ، وان شعورك بالاضطراب واعتقادك أنك علي وشك الجنون ،ليس له داع الآخرون أيضا الذين تظنهم سعداء يشعرون بذلك ، أنا أعرف السعداء جيدا ،طيبون مثلك ، كما أنني اعرف التعساء أيضا كانوا سعداء قبلها لكنهم اطمأنوا لسعادتهم فخذلتهم .
خمسه وتلاتين سنه ! اهم ما تعلمه من هذه السنوات هو ألا تعتذر عما فعلت ،ولا تعتذر عما سيحدث ، وان الجنون هو الأب الشرعي للحظات السعاده المسروقه والذكريات الطيبه ، بدليل مشوار قطعه مع أحد الأصدقاء المقربين من وسط المدينه وحتي عزبه النخل سيرا علي الأقدام ، وزيارات ليليه للمقابر مع صديق آخر ، وأنه لم يري صوره واحده لباتريك زوسكند حتي الآن ولم يجد أي حوار صحفي معه بأي لغه ، وانه نجح في مغامره واحده في بون وفشلت مغامره بحثه عن زوسكند .

كان يقول لأصدقائه ان أهم ما تعلمه أخيرا هو السلام وأن لا شيئ يستدعي انحنائك

ذاك طوق الياسيمين

سعيد جدا لأن حمص العظيم هو اللي جاب الجون

2009-06-19T03:33:00.006+03:00

من أكتر من سنتين ونص وفي هذه المدونه كتبت عن حسن شحاته كلمتين ، هما اللي تحت دول
امن أكبر الأخطاء اللي ممكن يقع فيها أي كاتب أو مدون هو تأجيل الكتابه عن فكره تحمس لها في وقت منمشاعرنا تجاه الحاجات بتتغير والكلام اللي ممكن تقوله عن حاجه بتحبها أو بتكرها ممكن يتغير هو كمانمشاعرنا بتغير مش بالضروره إلي النقيض بالعكس المشكله انها ممكن تتحول إلي لا شيئ إلي لا مشاعرالمره دي كنت عايز اكتب عن الكوره أو عن حاجات في الكوره أو عن لعيبه كوره كنت بحبهم ومش قادرالقلم مش راضي ينطق بس هحاول
علاقتي بالكوره ابتدت سنه 80 أو 81 مش فاكر بالظبط كان المشهد هو هوهدف حسن شحاته في مرمي الأهلي (أشهر هدف ملغي في تاريخ الكره المصريه ) بابا الله يرحمه كان زملكاوي ولما حسن شحاته جاب الجون اللي المفروض هياخدوا بيه الدوري طار من علي الكرسي مش مصدق نفسه ولما اتلغي الهدف بادعاء إنه تسلل والدي اكتئبالجون ما كانش تسلل طبعا وما ينفعش يكون تسلل مصر كلها عارفه ده لغايه النهارده ومازال هذا الهدف يضرب به المثل في انحياز الحكام ومن لحظتها بقيت زملكاوي (كنت أهلاوي قبلها وده سر بقوله لأول مره ) بقيت زملكاوي بمبدأ الانحياز للمظلوم ومن ساعتها بقيت زملكاوي متعصب وابتديت اروح الاستاد بانتظامأول ماتش رحته كان الزمالك والأوليمبي في الموسم اللي المقاولين أخد فيه الدوري سنه 83 تقريبا رحت تحديدا عشان اشوف حسن شحاته والحمد لله كان احتياطي ومصاب وما كانش هيلعب الماتشلكن تشاء إراده ربنا ان الزمالك طوال 85 مش عارف يجيب جون ولو ما كسبناش يبقي الدوري ضاع وينزل حسن شحاته في أخر 5 دقايق علي أمل انه يعمل حاجه خصوصا ان علي خليل وعبد الرحيم محمد مالعبوش هما كمان ودولا كانوا أهم 2 في الفرقه وقتها (غريبه اني لسه فاكر التفاصيل دي )وينزل حسن شحاته بالفعل وبعدها بدقيقه بالظبط يستلم كوره ويخش بيها منطقه الجزاء ويجيب ضربه جزاء ونكسب الماتشبالمناسبه الأسبوع ده في وقتها كان اسمه اسبوع ضربات الجزاء ماتش الزمالك والوليمبي كان يوم خميس والزمالك كسب بضربه جزاءوتاني يوم كانالأهلي بيلاعب الاتحاد في اسكندريه واتحسبت ضربه جزاء للاتحاد صدها ثابت البطلويوم التلات كان الأهلي بيلاعب الهلال السوداني في بطوله أفريقيا في استاد القاهره وبرضه ثابت البطل صد ضربه جزاء(غريب جدا اني لسه فاكر برضه )بالمناسبه قبل ما انسي أول مره رحت فيها الاستاد كنت باتفرج علي الناس أكتر ما بتابع الماتش ومن الحاجات اللي فاكرها كويس جدا ان كان فيه تمثال لجمال عبد الناصر عند مدخل الدرجه التالته واتشال بعد كده ماتفهمش ليه حسن شحاته كان هو نجمي المفضل وكنت أراه أفضل لاعب في تاريخ الكره المصريه لكن لسوء حظه أنه أتي في زمن الخطيب الذي يمتلك كاريزماوقبول جماهيري وإعلامي وذكاء إداري طبعا أكبربكثير مما توفر لدي شحاته كلاهما موهوب لا شك لكن في رأيي المتواضع موهبه حسن شحاته كانت من منطقه أجمل وأرقي من موهبه الخطيب حسن شحاته كان فرقه لوحده وتتفرج عليه في كل تفصيله بيعملها في الملعب الخطيب كان لعيب اللمسه الواحده المبهره (الشيك ) سواء في التهديف أو المراوغه مش ابعد من كدهعموما بقيت مشجع زملكاوي متعصب طول التمانينات ولغايه نص التسعينات ورحت الاستاد أكتر من 100 مره كنت مشجعا محترفا وأول مباراه رحتها لوحدي كانت بين الزمالك والمصري وكان عندي 11 سنه (صياعه بعيد عنكوا ) وكسبنا 2/1دايما كنت يشوف ان انحيازي للزمالك متسق تماما مع شخصيتي الوقت اللي شجعت فيه الزمالك كان بالفعل هوأرقي فريق في مصر طوال الثمانينيات كان الزمالك بيقدم كوره رائعه فعلا الأهلي كان نادي بيكسب ذوق عافيه هيكسب يعني هيكسب (سيكولوجيه بطل ) عارف كويس انه هيفوز في النهايه ساعات بيعمل ده بدون مجهود وساعات بمجهود طبعا لكن كوره الأهلي أخر حاجه ممكن نتكلم عنها هي جماليتها ممكن نتكلم عن إراده الفوز عند الأهلي مثلا ودي حقيقه بالمناسبه وعشان كده أوقات كتير كان الأهلي بيكسب الماتشات في أخر ثواني (وساعات بيكسب بعد ما الماتش يخلص) حتي في واقعه شهيره جدا لما النور قطع عندي في البيت في أخر دقيقه من ماتش الأهلي والمصري سنه 84 وكان المصري كسبا 1/0 المهم رجع النور بعدها بشويه لقيتهم جايبين إعاده الأهداف والأهلي كسبان 3/1 (بالمناسبه بورسعيد يومها حصلت فيها ما يشبه انتفاضه وكانت عايزه تستقل عن مصر ) أيامها كنت بشوف زي معظم الزملكاويه ان الأهلي نادي محظوظ بدليل انه بيكسب في أخر ثانيه لكن النهارده شايفها بشكل مختلفشايفها إراده نصر قبل أي حاجهوعشان كده بقيت زملكاوي لأنه بيلعب كوره أولا (وقتها طبعا ) و عشان مش هو البطل هو اللي بعد البطلهو نمره 2ونمره 2 يكس بودي حدوته تانيه وكبيره قوي

-------------------------------------------------------------
انا من أسعد الناس في مصر بماتش النهارده واللي عملناه في ايطاليا وقبلها البرازيل
سعادتي ان ربنا بينصف شحاته اللي قعد أكتر من عشرين سنه بيتعاملوا معاه انه (ترسو ) لاعبا او مدربا وان مكانه كلاعب مش ممكن يكون جنب الخطيب ، وكمدرب أخره يروح يدرب الترسانه والمقاولين والاوليمبي
لكن ربك كبير يا ابني
أثبت شحاته إنه أسطوره فعلا وسيبك من النتايج ، الأهم ان كوره المنتخب وماتشاته تفتح النفس انك تتفرج ، فرقه ليها لون وطعم وشكل ، ما بتبقاش ضامن النتيجه بس ضامن انك هتشوف ماتش حلو ، أول مره من يوم ما وعيت ع الكوره وشجعت المنتخب ابقي مستني ماتشات المنتخب عشان اتبسط
مش زي أيام الجوهري الله يسد نفسه
السبب التاني للسعاده هو اننا كسبنا إيطاليا تحديدا ، إللي عمري ما شفتها بتكسب بطوله تستاهلها
دايما تسرق البطولات من أيام باولو روسي سنه 1982
ولغايه النهاره
بلد المافيا فعلا

السبب الأهم والأجمل هو ان صاحب الهدف هو العظيم الجميل العصفور محمد حمص
حمص ليه مكانه كبيره جدا لأنه الموهوب الجميل المخلص الذي رفض الرحيل عن الإسماعيليه رغم كل المعطيات،زي ما محمد خير قال عنه من أسبوعين في حوار ما بيننا إنه نموذج للشخص اللي عنده إنكار ذات
مبروك لحمص وشحاته ومصر

يا سلام يا ست فيروز

2009-04-24T21:23:00.002+03:00

يا أهلا بالمعارك

2009-04-13T12:43:00.002+02:00

في أسوأ عصور انحطاطها لم تصل مصر أبدا إلي مثل هذا المستوي من التردي
شيئ يدعو للأسف
دخل النظام المصري في معركه غريبه وغامضه ضد حزب الله وسيبك من اي كلام عن الامن القومي المصري والكلام ده ، كان ممكن نصدقه من أ ي نظام تاني غير النظام اللي بيحكم دلوقتي ، دول ما يعرفوش أصلا يعني ايه أمن قومي ، ودورهم الإقليمي الحمد لله أخره نفق الجيزه
دخل النظام في معركه مش مفهومه حتي هذه اللحظه ،
وهيخسرها غالبا

أعلي ما في خيلكو اركبوه

2009-04-01T16:58:00.002+02:00

رجعوا تاني للقبض علي النشطاء السياسيين ،

بالتأكيد سلوك يائس من عالم عاجزه مش عارفه تعمل ايه بعد ما بقي التظاهر والاحتجاج والإضراب سلاح مرفوع في وشهم كل يوم مش عارفين يلموه

عموما القبض علي النشطا بتوع 6إبريل مش هيوقف لا النشطا ولا الاحتجاج اللي بيكبر يوم عن التاني ضد سياساتكم الخايبه

من أكتر من سنه ونص كنت عملت تحقيق في الدستور قلنا فيه ان المصريين اكتسبوا ثقافه المقاومه

وأثبتت الايام صحه النتيجه اللي طلعنا بيها من التحقيق

الإضرابات مش هتنتهي غير لما الناس تلاقي حل حقيقي لمشاكلها

والحل الحقيقي عمره ما هييجي علي ايد النظام اللي بيحكم دلوقتي طبعا لأن لو في أيده حل كان قدمه من بدري

واما نشوف هيحلوها ازاي

وابقي قابلني

غريبه ومش غريبه

2009-03-17T02:12:00.003+02:00

فرح رفيقي العزيز الحاج جرجس كان من أجمل الافراح اللي الواحد حضرها في حياته
فرح خفيف وصافي وما تفهمش حاله الصفاء اللي كانت في الفرح دي جات منين
الظاهر ان المسيح كان يرعاهم فعلا ههههه
مبروك يا مينا يا حبيبي ومبروك لعروستك الجميله

وياريت يا جدعان اللي صور أي صوره في الفرح ، أنا كنت ظاهر فيها يبعتهالي فورا عشان خاطري
وليه مني مكافأه ماليه كبيره
كل الناس اللي حضرت الفرح لقيت لهم صور إلا انا

يوم صيفي يصلح للقاء بنت جميله لكن ذلك لم يحدث للأسف

2009-03-08T06:32:00.002+02:00

سيكتب قصه قصيره ،لن يصدقوا انها مجرد قصه ، وسيعتبرونها إحدي تدويناته التي يتحدث فيها غالبا عن نفسه ، ولن يعنيه كثيرا ما سوف يعتقدونه
سيقول لهم انه يشعر بخفه تحتمل ، وان اليوم مناسب جدا للقاء فتاه جميله ، ربما لن يراها أبدا ، وسيقول لهم أنه يحب أول ايام الصيفيه وأخرها
سوف يخبرهم أنه ارتدي اليوم قميصا خفيفا وجينز ، وكان مبتهجا جدا ، وأن أحد زملائه في العمل سأله بجديه إذا كان يتعرض لمعاكسات فتيات في الشارع ، وانه رد بالإيجاب علي صديقه وابدي دهشته من هذا السؤال
سيحكي لهم تفاصيل يوم سعيد لم يشهد أي تفاصيل ،وسيتذكر أن مباراه المنتخب قد اقتربت ،وان البنت الجميله التي يصلح هذا اليوم للقاءها ، أضاعت عليه في العام الماضي مشاهده مباراتين للمنتخب بإصرارها علي زيارته في وقت المباراه ، وأنه استمتع بالاستماع إلي المباراه في الراديو معها ، وأنها أندهشت وقتها من تأكيده أن صرخات الجمهور علي المقاهي التي حولهم ، هي صرخات فرح بضربه جزاء وليس فرح بهدف ، وزادت دهشتها حين أكد الراديو ما قاله
سيفاجئهم بعكس ما يقوله لهم دائما عن الحب ،وان شرطه الأساسي هو المراوغه ، وألا تدعهن يفهمونك أبدا ، وأن السبيل الوحيد لتتأكد انك تحب ، هو ان تصدق أن روايات مجنون ليلي وكثير عزه وعنتر بن شداد لم تكن من أساطير الأولين ، ربما يحكي لهم بعض التفاصيل ، وربما يكتفي بتذكرهذه التفاصيل دون أن يكتبها ، سيتذكر أخر رساله بينهما ، واعترافها الضمني المراوغ مثلها، وانسحابه الغير مفهوم أو مبرر وسيندهش
لأنه لا يعرف ملامحها بدقه ، وأن كل صوره لها ترسم شخصيه مختلفه
سيكتب عن أشياء لم تحدث بينهما ليقنع نفسه أنها حدثت ، سيكتب عن مكانهما المفضل في كورنيش المعادي والمنيل،ومركب ، وموعدا لم يذهب إليه وخصامها له بسبب ذلك ، وعن بائعه فل ، أعطاها كل ما معه من نقود مقابل الورود التي تبيعها ، ودعائها لهما ، سيكتب عن مضايقات صغيره من شباب عابرين ،وابتسامات متواطئه مع عشاق أخرين ، وعن رغبتها في التدخين لأول مره ، وعن رفضه لذلك ثم استجابته لرغبتها ، وعابر توقف ليشعلا له سيجاره وأشعل من سيجارتها ، سيكتب عن اضطرارها للكذب علي أهلها وتاخير ساعتها كي تجلس معه مزيدا من الوقت ، ولن يكتب حرفا واحدا عن اول قبله مسروقه بينهما ، ولاعن ثاني قبله سرقها ، ولا عن القبله الثالثه التي سرقتها هي منه ،سيكتب عن استفزازه المتعمد لها بذكر اسم فتاه أخري ، و عن موسيقي استمعا إليها سويا وهدايا متبادله ، سيكتب عن ذكري اللقاء الاول وعن حب لم ياتي من اول نظره، ، سيكتب عن شوارع مرا بها ، وأصدقاء قابلوهم صدفه ، ورسائل هاتفيه تحمل أملا بلقاء ، سيكتب عن تفاصيل كثيره لم تحدث في يوم صيفي كان يصلح تماما للقاء فتاه جميله

قشر البندق

2009-03-03T02:20:00.003+02:00

عارفين طبعا اما تبقي في اغنيه قاعده ترن في ودانك ومش راضيه تمشي ،أهو ده اللي حصل لي النهارده مع أغنيه قشر البندق بتاعت حميد ،بقالي سنين ما سمعتهاش ومش عارف ليه وانا نازل من البيت رنت في ودني وبإلحاح غريب وما رضيتش تفارقني طول النهار، هل يا تري ده ليه دلالات معينه ؟ الله اعلم ، بس انا عارفني كويس أكيد في حاجه حصلت او هتحصل ملمسه مع معاني الاغنيه دي زي ما انا حاسسها ومستقبلها
التدوينه قبل اللي فاتت دي علي طول كنت بكلمكم فيها عن المكالمه التليفونيه الاسطوريه التي جائتني من إيطاليا من وليد صاحبي اللي ما شفتوش من 16 سنه ،وكنت كاتب فيها أن اللي كسر وليد هو خيانه صديقه (أسامه محمد ) ليه وابتزازه ليه
سبحان الله تاني يوم ما كتبت التدوينه لقيت أسامه في وشي ؟! تخيلوا بقي العبث اللي يحدفني من قصه لقصه قاعدين بيتركبوا عشان يخلقوا قصه تالته عجيبه جدا
أنا ماشي في امان الله ، ألاقيلك واحد وشه مش غريب عليا أبدا ، بصينا لبعض ووقفنا ، قلتله أسامه ؟، قاللي ازيك يا عمر يا قناوي ، وسلامات وازيك وانت فين وبتعمل ايه ، وقلتب له اني صحفي، وسالته هو شغال فين ، وقال لي وهو يدعي التواضع ،انه شغال في كذا، انا ما شفتش اسامه من عشرين سنه علي فكره ، بس ما فيش حاجه بتتنسي ، من يومه ما بيحبنيش ، وولا بيحب حد ، خدنا وادينا في الكلام بسرعه ، نفس الخبث القديم والابتسامات الصفرا وادعاء الحب، بس علي مين
لم اهتم بالاحتفاظ برقم تليفونه وعملت نفسي بسجله ، ومشيت ، وما فيش ياعم ساعه كمان وصوت وليد من ايطاليا ، وحط نفسك مكاني تتجنن ولا ما تتجننش لما شخصيات خرجت من حياتك من عشرين سنه تعود إليها في تزامن غريب ، الشخصيات دي نفسها خرجت من حياه بعض ، هم ذكري مريره لبعضهما البعض ، لكن بالنسبه اللي الوضع غريب ، أنا رجعت عشرين سنه لورا ، قاعد ع الديسك في النص ما بينهم ، أغششهم في الامتحانات واحجز خناقاتهم مع بعض
وكالعاده وليد فتح الذكريات التي يحتل أسامه جزءا كبيرا منها ، ما انتبهت إليه مع تكرار المحادثات الهاتفيه معه ، وتكرار ذكره لمساويء أسامه ، أن ازمه وليد لم تكن فقط ان أسامه كان كاسر عينه ، لأ دي الأزمه الاكبر ان اسامه سرق حلم وليد ، وليد كان نفسه طول عمره يشتغل الشغلانه اللي اسامه بيشتغلها دلوقتي
يبتدي وليد يحكي في اي موضوع وبعدين تيجي سيره أسامه ، ويبدأ في سرد قصص خناقاتهم وقد أيه أسامه كان بيكرهه من يومه ، وأول خناقه ما بينهم وهما في اولي ابتدائي ، شيئ مش معقول ، هل ممكن عداء يفضل عايش جوه البني أدمين أكتر من 25 سنه ؟ ما جبتش لوليد سيره اني شفت اسامه ، ولا جبت لأسامه سيره اني بكلم وليد
أيه بقي علاقه قشر البندق بالكلام ده ؟ ما اعرفش

الحب بهدله

2009-02-18T02:16:00.002+02:00

زهقت بقي يا عمر عايزه احب
قالتها زميلتي في الشغل بعد ما هنيتها بالفلانتين داي ، ثم استطردت : كل الرجاله اللي بشوفهم عاديين ، ما بقاش في راجل تشوفه كده يخطفك، مسكت نفسي من ،الضحك وقلتلها خلينا ساكتين يا ميريهان ، الرجاله بيقولوا نفس الكلام
قلتلها يا بنتي دي مش مشكلتك لوحدك دي ( حكايه شعب ههههه) الناس كلها بتدور ع الحب ومش لاقياه ع الاقل في وسط اللي اعرفهم الموضوع بقي هم حقيقي عندهم
خرجنا نتمشي ونكمل كلام ، واحنا في العربيه قالتلي امال المشكله فين لما الناس كلها عايزه تحب ، طيب ليه ماحدش عارف يلاقي العلاقه اللي يحس انها هي دي اللي بيدور عليها
قلتلها بصي ، في ميت حاجه بتخللي حتي ان احتمال انك تلاقي حد تقابليه وتحبيه في المجتمع ده صعب ، أهمها علي فكره وما حدش خد باله من ده قبل كده علي ما اعتقد ، إنك أصلا بتدور وانت متوتر ، أو كانك تحت ضغط ما وده ما ينفعش ، الطبيعي في أي مجتمع سوي إنك بتبقي في ظروف طبيعيه وبتتفاعلي بشكل طبيعي مع زملاء واصدقاء وأقارب وفي قلب د ه، تتخلق حاجات وتتتشكل ، لكن طول ما انت تحت ضغط وإلحاح الفكره ، وياتري ممكن الاقي ولا مش هلاقي عمر ما فيه حاجه هتحصل لأن توترك هيبوظ كل حاجه
قلتلها كمان المشكله في قبح عام فرض نفسه ع البلد ، مساحات الجمال فيه بتتراجع، في كل حاجه ، يعني بذمتك انتي تعرفي كام واحد أصلا ينفع تتكلمي وتاخدي وتدي معاهم وتحسي انك بني أدمه بتتكلم مع بني أدمين
المجتمع مضطرب بشكل عام ومش عارف يعمل ايه ، مش عارف حد خد باله ولا لأ ان رسميا وبقولها تاني رسميا عدد حالات الطلاق في عام 2008 زادعن عدد حالات الزواج
طبعا ده حدث ورقم مش من المفترض انه يمر مرور الكرام ، بالعكس لازم يخضع للبحث والتحليل علي أعلي مستوي ممكن ، لأن نتايجه جايز تكون خطيره ، وبعيدا عن النتايج من المهم البحث في السبب أو الاسباب اللي خلت الموضوع ظاهره بهذا الحجم ، بس عموما مش ده موضوعنا
خدنا وادينا في الكلام كتير ، انا بصراحه مش عاجبني أداء معظم الناس في القصه دي ،اللت والعجن كتير ، وما فيش حد بيلخص ، تبقي الواحده بتحب واحد وتقد تتقل لغايه اما يفلسع ، قلتلها بذمتك مش حصل ، قالتلي حصل ، طيب ، لازمته ايه الكلام الفارغ ، وترجعوا تعيطوا بعد كده
علي فكره إنشغال الناس بالحب ، محسسني بالاطمئنان نسبيا إن الناس لسه بخير ،بس اللي مستغربه عند كتير منهم ان ما فيش قتال حقيقي عشان يحولوا حلمهم لحقيقه انا من المؤمنين بفكره ان اللي بيخبط علي باب بيتفتحلوا ، بندهش جدا اما ناس تبقي شايفه قصاد عنيها حب حقيقي ومصدقه انه حب حقيقي وما تحاربش عشانه ، تستسهل وتستسلم بسهوله ، بسبب حجج واهيه ،هو صحيح الحب بهدله
بس بهدله حلوه
منكم لله
فكرتونا بالذي مضي
وهابي فالانتين داي

هي بقت كده ؟ ماشي

2009-02-10T05:05:00.002+02:00

اتفاجئت باعتقال المدونين فيليب رزق، وبعده المدون ضياء الدين جاد
سبب المفاجاه ان الواحد كان ابتدي يعتقد ان العباقره بتوع الامن ابتدوا يفوقوا للمشاكل والبلاوي اللي بتواجدهم بجد ، زي حوادث القتل والتحرش والاغتصاب اللي ماليه البلد وصفحات الحوادث، مش تبقي قضيتهم التدوين والقصص دي
بس واضح انهم ما بيتعلموش،
ماشي

اما نشوف هيعملوا ايه في السنه
الغبره دي
وابقي قابلني لو عرفوا يلموها

حكايات الغريب

2009-02-08T02:27:00.001+02:00

الواحد أيده تقلت ع الكتابه ، وندره التعليقات خلت الواحد مالوش نفس يكتب ، علي رأي المثل مدونه من غير ناس ما تنداس بحلم في مره ألاقي كل اللي بيقروا المدونه معلقين علي احد الموضوعات اكيد هتظهر مفاجات هل من الممكن ان أجد كتابا كبارا متابعين للمدونه وانا ما اعرفش الله أعلم
عدت للسكن مجددا في حدائق القبه ، سكن مؤقت تمهيدا للانتقال إلي سراي القبه ، والحمد لله ان الواحد سكن في اماكن بيحبها ، انا من الميالين إلي السكن في الاماكن الكلاسيكيه في القاهره القبه والزتون ومصر الجديده والضاهر والسكاكيني وغمره والسيده ، وما اكرهش قد مدينه نصر والمهندسين مناطق ماسخه عامله زي الفراخ البيضا ولعب الزمالك دلوقتي والقلوب الخلا لا لون ولا طعم ولا ريحه
وانا بتمشي في مصر والسودان ، هف علي بالي واحد صاحبي اسمه وليد ما شفتوش من سنه 93 ، كان قاعد جنبي من اولي لخامسه ابتدائي وبعدين فضلنا صحاب بس من بعيد لبعيد لغايه الاعدادي وفي ثانوي هو دخل مدرسه اسماعيل القباني وانا رحت النقراشي وابتعدنا تماما لغايه ما في يوم بعد ما خلصت ثانويه عامه طقت في دماغي اعدي عليه في البيت ، ورحت طابب عليهم في البيت كده من غير إحم ولا دستور ،وفرحوا قوي اني رحت لهم ،إخواته الكبار والصغيرين كانوا صحابي هما كمان لأننا كنا بنذاكر عنهم في البيت كتير ، المهم افتكرت الموقف ده اللي فات عليه ستاشر سنه وكملت مشي ، عادي ، وصلت وسط البلد وقعدت ع القهوه اللي جنب المكتبه عشان فيها انترنت بلوشي ، كان بقالي 3 ايام ما فتحتش النت ، وابص الاقيلك اوف لاين ماسج من واحد بيقولي ازيك يا عمر انا ميدو ميدو قريب وليد صاحبك اللي كان معاك في ابتدائي ، والاقيلك ميدو باعت رساله عايز يضيفني ع الماسنجر ورحت عامله فورا وبالصدفه لقيته اون لاين ساعتها وراح صايدني وعليها ياعم بدات المفاجات ، قاللي انه جاب ايميلي من خلال البحث ع الفاس بوك ، وان وليد اللي قاله يعمل كده ويدور عليا بأي طريقه وان وليد في ايطاليا من خمستاشر سنه ، واحنا ع الماسنجر طلب نمرتي فاديتهالوا وما فيش 10 ثواني الاقي تليفون من ايطاليا وصوت وليد ع التليفون ، كل اللي بحكيه ده في خلال دقيقتين من قعادي ع القهوه ورديت علي وليد وانا مخطوف من المفاجاه وقلتله ايه اللي طققها في دماغك تدور عليا ع النت ، فقالي ان اللي دور هو ميدو وميدو أصر يجيبك لأني من شهرين خلفت عيل وسميته عمر والناس سالوني اشمعني عمر وقلتلهم ده علي إسم واحد صاحبي عزيز عليا قوي ، وعليها ابتدوا بحث ع النت لغايه اما وصلولي فعلا ، وعيلها يا عم ابتدا يحكي تجربته الاسطوريه ، ازاي سافر مصر هربان علي بولندا ومنها للنمسا ثم المانيا ، وتجربته في السجن في المانيا بسبب ديون تراكمت عليه ، ثم هروبه قبل ان يتم ترحيله إلي مصر ، حتي استقر به المقام في ايطاليا ، ساعه ونص بيحكي ع التليفون ، لولا اننا في النص كنا بنفتكر تفاصيلنا المشتركه كنت قلت ده حد بيشتغلني ، وقعد يحكي ويحكي ويحكي عن المرمطه اللي شافها في اوربا لغايه اما استريح وربنا كرمه في ايطاليا ، وهو بيقفل الحدوته قال كلمه طلعت منه بإحساس مرعب وانا جسمي اترعش مش عارف ليه لما سمعتها قال : وكل البهدله دي بسبب كدبه صغيره كدبتها ،قلتله هي ايه ، قال لي لما سقطت في اولي ثانوي عشان ضربت مدير المدرسه ، أهلي ما كانوش عارفين اني سقطت ، وفضلت مخبي عليهم و الكدبه تكبر سنه ورا سنه لغايه ما جات ثانويه عامه وهما مستنين يشوفوا انا هجيب كام ومش عارفين اني مش هجيب حاجه لأني لسه في سنه ثانيه ،بس مش ده اللي دمرني ، اللي دمرني ان صديق عمري وجاري اللي كان معايا في المدرسه من اولي ابتدائي لغايه ثانوي ( اسامه ) مسكها عليا ذله يهددني بيها انه يقول لأهلي .
بقالنا ثلاث ايام كل يوم ساعتين تليفون ، بقيت الحواديت هحكيهالكم طبعا ، بس الحياه دي عجيبه جدا ، دروسها ما بتخلصش ، القصص اللي حكاها وليد أكدت قناعه ترسخت جوايا مؤخرا ان لا شيئ في هذا العالم يدعو للخوف
ونكمل بعدين

يا وابور الساعه 12

2009-01-02T04:47:00.003+02:00

ما صدقش نفسه ان النهارده ما وراهوش حاجه خالص ، أجازه من كل الاماكن اللي بيشتغل فيها في صدفه نادره لم تحدث منذ عام ونصف تقريبا

صحي رايق جدا ، نايم كويس وما فيش حد في البيت فطر وعمل لنفسه فنجان قهوه وشربه بروقان من بتوع زمان وسعيد جدا أنه ما وراهوش حاجه

نزل رايق وطلع علي الموقف في ميدان الحدايق يركب ميكروباص يروح علي بيت والدته في المطريه ، ماشي رايق والدنيا بتمطر مطره خفيفه كملت الحاله الرومانسيه اللي هو فيها ، قال لنفسه ( عنب ) هو ده المطلوب ولع سجاره بمنتهي الروقان ووقف ع المحطه مستني ميكروباص ن ركب وقعد في مكانه المفضل جنب الشباك ورا ، فتح الشباك رغم البرد ورغم ضيق اللي المواطن السقعان اللي جنبه

إحساس مختلف حاسس انه خفيف جدا ، كل حاجه حلوه حتي العشوائيات االي الميكروباص ماشي فيها ، سواق الميكروباص استندل واول ما الميكروباص فضي وما فضيلش فيه حد تقريبا قاله معلش يا استاذ هلف وارجع من هنا كملها مشي دي حته صغيره

نزل رايق وما زعقش للسواق ،قعد يبص يمين وشمال يحاول يفهم هو فين بالظبط عشان يحدد اتجاهاته اول مره يركب الميكروباص ، عاده بياخد المترو اللي بيوصله من سكه تانيه ، إضطر يسأل عشان يحدد اتجاهه ، عرف السكه وكمل مشي

الدنيا اتغيرت خالص ، بقاله عشر سنين مثلا ما مشيش من السكه دي ، عارف ان قليلين جدا اللي بيمشوا منها ،او اللي عارفين ان في سكه مباشره بتربط ما بين مسطرد وميدان المسله ، إفتكر إفيه محمد سعد _أيه اللي ودي القلعه جنب البحر

أدي سنه بتخلص وسنه بتبتدي ، كانهم سنتين قال لنفسه هما فعلا سنتين غير بعض خالص ، االي يشوف أول سته اشهر ، ما لهمش أي علاقه بالسته التانين

أول مره يصدق الكلام بتاع ان الدنيا قلابه ، سلبا او ايجابا ، ممكن تبقي ضدك وبعدين تبقي معاك ووممكن تبقي العكس ، بس عموما حس ان العالم واسع جدا ، مش ضيق زي ما كان شايفه من شويه

راح محطه مصر بعد ما خلص مشوار والدته ، عشان يحجز تذاكر للبلد ،شباك التذاكر علي رصيف 11 ، عدي من النفق ،وافتكر ايام ما كان بينط من علي الرصيف يعدي ، بلا نفق بلا بتاع ، وصل الرصيف لقي كردون عساكر امن مركز ي، ممنوع ياأستاذ ، يا سيدي انا رايح شباك الحجز ، قالوله لف من بره ن لف من بره بس بعد ما عرف ان الكردون ده لن القطر اللي واقف بينزل مساجين مترحلين من سجون في اماكن بعيده ن بعد ما قطع التذاكر وقف جنب كرودن الامن يتفرج ، ما شافش ولا واحد مسجون ، شاف بس الشنط والمخالي (شل ) وحاجات كتير ما فهمش هي ايه ، فضل واقف يتفرج بتاع عشر دقايق ، جنانه الزايد عن الحد احيانا صور له ان هذه الخبره قد تكون أعظم خبره في الوجود ، انك تترحل في قطر مع المساجين ، اكيد خبره خرافيه ، تخيل قطر ماشي بيكوا ع الاقل يومين تلاته ، مساجين في بعض ما فيكوش غريب غير السجان اللي هو غالبا بقي واحد منكم ، او بقيتوا نصين مكملين لبعض ، ما تعرفوش تعيشوا من غير بعض ، السجان لو سجايره خلصت هياخد من المسجون سجاره ، لو اغنيه حلوه شغاله في راديو هيسمعوها سوا ، لو القطر هدي جنب بنت حلوه ماشيه هيحسوا بنفس الإحساس ، خياله اكدله ان اكتر واحد عارف اسرار السجان هو المسجون ، وخلاه يفكر ان السجان مسجون هو التاني ويمكن مسجون اكتر من المسجون جايز

انتبه ان حبه للقطر جايز يكون هو اللي صورله ان الخبره دي أكيد خبره مميز ه ، بشكل عابر افتكر انه المفروض يكتب عن القطورات ومحطه مصر ن وافتكر انه من سنه ونص كان عنده مشروع تدوينه عن الموضوع ده ، كان اسمها (يا وابور الساعه 12) وافتكر انه مش هيعرف يكتب الموضوع ده أبدا لأنه مش عارف ينقل الحاله اللي بيحس بيها في محطه مصر ولا في القطورات ، عدي في ذهنه بسرعه مشاهد كتيره ، من أول مره ركب فيها القطر وهو مسحور بهذا الكائن الخرافي اللي ما فيش حاجه بتقف قصاده ، بلدهم بعيده جدا وايامهم كان السفر بيبقي 16 ساعه ، زمن ومسافه كبيره جدا علي طفل عمره اربع سنين وخمس سنين وست سنين ، وبعدين تبتدي تتعود ، ويبتدي هو كمان ياخدها في وقت اقل لأن الدنيا بتطور، وبعد ما كنت بتقعد السته عشر ساعه بتعد عواميد النور اللي في السكه او تستني القطر يقرب من مدينه او مركز كبير عشان تلاقي اي انوار تأكدلك ن في ناس عايشين وبيتنفسوا بره القطر وحوالين القضبان ، ويفتكر طلوع النهار بعد ليل طويل ، زمان كان النهار بيطلع والقطر لسه في اسيوط ، دلوقتي بيطلع وانت بتجهز شنطتك عشان تنزل ، افتكر قطر الدرجه التالته والدرجه التانيه والدرجه الاولي ،افتكر اما ركب قطر درجه تالته تحت الصفر ونشف من البرد وفضل واقف لغايه المنيا ن ولعن سلسفيل ام العند اللي خلاه عمل في نفسه كده

إفتكر انه النهارده رايق

مين اللي كاتبها

2008-12-17T14:07:00.000+02:00

حملت صوتك في قلبي و أوردتي فما عليك إذا فارقت معركتي كل الروايات في دمي مفاصلها تفصل الحقد كبريتا على شفتي أطعمت للريح أبياتي وزخرفها إن لم تكن كسيوف النار قافيتي آمنت بالحرف .. إما ميتاً عدماً أو ناصباً لعدوي حبل مشنقةِ آمنت بالحرف .. ناراً لا يضير إذا كنت الرماد أنا أو كان طاغيتي ! فإن سقطت .. و كفي رافعاً قلمي سيكتب الناس فوق القبر : " لم يمتِ "

ما تخضيهاش يا مرجيحه

2008-12-05T02:16:00.003+02:00

بمناسبه عيد ميلادي ال34
تفتكر يا ابو النديم كان نفسك في أيه ؟
كان نفسك يحصل ايه النهارده بس ما حصلش؟
ما كانش نفسي بالمره أقضي اليوم من شغل لشغل
وما كانش نفسي ابدا وانا قاعد اكتب دلوقتي تشتغل اغنيه ليالي الحلميه ( ما تسرسبيش يا سنينا من بين ايدينا ) صدفه
وكان نفسي أي حد يجيب لي ورده
كان نفسي الخبر اللي سلمته في الدستور النهارده ينزل بس ما نزلش ، انا وحشني قوي أشوف اسمي في الدستور
كان نفسي ناس بعينها تتصل بيا وولا واحد منهم عبرني
كان نفسي احس اني 34 سنه شكلا وموضوعا ، وما بقاش حاسس بكل اللخبطه اللي انا فيها ، انا كبير زي سني ولا صغير زي ملامحي
كان نفسي اخد بالي ان العيد بعد تلات ايام بس ما خدتش بالي
نفسي اصدق ان الحلم اللي نفسي فيه هو اللي هيتحقق مش الحلم اللي جنبه
نفسي كمان احس اني شبه اللي زيي مش احس اني مع نفسي كده في اي حاجه واي حته
نفسي اجيب موتوسيكل
من اسبوعين علي فكره ركبت موتوسيكل وكنت طاير من السعاده ووقفت ع الموتوسيكل وهو بيجري وقعدت اسقف زي العيال الصغيره
نفسي ارجع بأله الزمن لورا والعب ماتش غير اللي بلعبه
نفسي اركب مرجيحه

تعا ولا تيجي

2008-11-22T04:23:00.002+02:00

وحشتوني جدا فوق ما تتصوروا

بس

ذهب الليل

2008-10-16T03:07:00.004+02:00

عمر قناوي بقي أب للمره الثانيه يا أولاد

سيده مصر الأولي فريده عمر قناوي وصلت بسلامه الله إلي أرض الوطن

أحكيكلوا عن مشاعري بعدين

إتناشر حكايه عجيبه

2008-10-03T02:14:00.003+02:00

حلم انه راكب جنبها في العربيه ، عارف انه لقاء الوداع ، ستتزوج من رجل أخر رغم أنها تحبه ، باسها بوسه طويله نزل ، ما شافهاش تاني ، وما حلمش بيها تاني ، ولم تتزوج هي أبدا

الناس يتصاب بالجنون لما بتبقي قريبه جدا من اللي هي عايزاه بس لسبب غامض ما يتحققش ، الللي بيجنن إنك بتكون تستحق هذا الحلم ،تستحق اللي انت عايزه بس ما طلتوش ، ليه ما تفهمش هو كده واذا كان عاجبك ، ركز معايا كده تلاقي ان أكتر الناس موهبه مش واخده حاجه ، أكتر الناس اللي بتسعدنا مكتئبين ،أجمل بنت ما لهاش نصيب

في ثوره 1919 خرجت ام مشمش من بيتها في إحدي قري المنصوره تتفرج ع الهيصه ، كانت طفله بضفاير ، وخدتها الزحمه علي مصر وما رجعتش بلدها تاني أبدا ، حكت لي الحكايه دي بنفسها أيام حدايق القبه كان في ست غلبانه ما لهاش مكان تبات فيه بتلف ع البيوت في حدايق القبه ، اللي يديها خمسه جنيه ، واللي يديها تاكل ، واللي يسيبها تبات في مدخل العماره ، شايله شيلتها علي كتفها ومتكلفته بخمسين بطانيه ، وكانت بتبات عندنا في السطوح باليومين والتلاته حاطه الراديو علي ودنها تحت الإيشارب اللي لابساه وبتسمع كل حاجه بتحصل في الدنيا ، تستغرب دي عايشه ازاي بس كانت عايشه وتستغرب اكتر أنه دايما يتهيألك انها هتموت في أي لحظه ، تختفي أسبوع واتنين وشهر ونفتكر جرالها حاجه ، بس نلاقيها بتخبط علينا فجأه وداخله واداخله قاعده معانا ، في اواخر أيامنا في حدايق القبه أيام حرب الخليج سألتني هو صدام إتضرب ولا لسه ؟ واستغربت

ما تت بعد ما عزلنا من الحدايق مباشره

كنت بسمع من كتير من العيال في بلدنا عن واحد مجنون اسمه حسن كراتيه، وأول ما يظهر في حواري البلد العيال تستخبي منه ، واسمع الكبار في البلد بيصربوا بيه المثل في الجنون ويخوفوا بيه العيال ، في يوم غريب صحيت بالليل في سطح بيتنا في الحدايق علي صوت واحد ضيف ما اعرفوش بيتكلم مع ماما وبابا سلمت عليه وماما قالتلي سلم علي عمك حسن كراتيه ، سلمت وقعدت اسمع واتفرج علي واحد من أغرب الشخصيات اللي قابلتها في حياتي ، شكله مش مجنون أبدا زي ما بتقولوا هو مختلف صحيح عن أداء بتوع البلد بس شخص محترم عادي ، ماماوبابا كان بقالهم زمان ما شاقهوش ، وقعدوا يحكوا ويفتكروا وقالولنا عمكوا حسن كان أكتر واحد بيعرف يرسم في البلد ، وراحت ماما جايبه ورقه وقلم لحسن كراتيه ، ورسم الهرم وابو الهول وجنبهم النيل وشجر وزرع ، إبداع حقيقي وغريب لقيت نفسي مش فاهم حاجه ، الأغرب اني ركزت جدا عشان اشوف المجنون اللي جواه بس ما ما شفتش أي مجنون ، شفت موهبه وشخصيه استثنائيبه وبس

في العيد كنا خارجين انا وجيراننا رايحين سينما روكسي ن كان هو عندنا في البيت ، قالنا هاجي معاكم قلناله اتفضل ،وراح جايب معانا اخواتي البنات الصغيرين وخرجنا كلنا بربطه المعلم حوالي اتناشر طفل ، وطالعين علي مترو مصر الجديده صحابي كانوا مستغربين بس مستقبلين الراجل جدا كان وقتها عمري خمستاشر سنه مثلا ، صحابي وجيراننا كانوا ولاد ناس قوي(بأخلاقهم ) العيال كلهم اهاليهم ظباط جيش ولا شرطه ولا جهات حساسه ، زي ما قلتلكوا قبل كده ، بس في منتهي الادب ، ما كانوش من بتوع انا ابن فلان ولا علان رغم ان اهاليهم فلان وعلان فعلا وفيهم واحد بقي محافظ ، والتاني مساعد وزير داخليه

خرج بينا حسن كراتيه بربطه المعلم ، وعزمنا جميعا والعيال ، مكسوفه ومستغربه ان حد ما يعرفهمش ولا يعرفوه عزمهم ع السينما وعلي ملاهي السندباد ، وكل شويه ألاقي عماد نبيل صديقي العزيز وعمرو بيقولي يا عمر ما ينفعش كده الراجل مش سايبنا ندفع حاجه ، واقولهم انا مش عارف اعمل ايه ، هو مبسوط كده وخلاص ، ورجعنا والعيال قاعده تشكروا ( متشكرين يا أونكل حسن ) ورجعوا بيوتهم وحكوا اللي حصل لأهاليهم خصوصا ان الاهالي خدوا بالهم ان العيال راجعين بالفلوس زي ما هي ، وأصر الاهالي انهم يدفعوا لوا الفلوس ، فكل شويه الاقي واحد بيندهلي من البلكونه ، بابا عايز يكلم عموا حسن ، وييجوا يكلموا عموا حسن ، طاب ليه كده وما يصحش ، وعم حسن مش راضي ياخد الفلوس أبدا

عزلنا من الحدايق ورحنا ع المطريه بعدها بسنتين لقنا حسن كراتيه داخل علينا البيت وازيك وبالاحضان ، عرفت توصل ازاي للبيت رغم ان ما معاكش العنوان ؟ فقال عديت علي خالكم عبد الدايم في الحدايق وقلتله اوصف لي البيت فين ، وطلعت ورقه وقلم ورسمت الوصفه وجيت ،شيئ مذهل طلع الورقه اللي رسمها فلقيته رسم خريطه بحق وحقيقي مع نفسه كده للمنطقه ووصل ع البيت

ومات فجأه في االبلد بهدوء شديد يليق به تماما

في ساته ابتدائي ، كان قاعد جنبي ع الديسك عمرو عبد العليم ، وعادل عبد المسيح ، إحنا التلاته متفوقين بس انا الاشطر ، اتفقنا انا وعمر و اننا هنروح معرض الكتاب سوا ، وعديت عليه في البيت عشان اخده ووالدته قالتلي خلي بالك من عمرو يا عمر ، وابوه قالي نفس الكلمه علي فكره كان دايما معظم أهالي صحابي بيعاملوني كأني أكبر من ولادهم ومسؤول عن العيال دي ، رحنا المعرض وخلصنا فرجه وشرا ، لكني ما اقدرتش اقاوم إغراء دخول الاستاد بعد ما شفت اعلام الاهلي والزمالك بترفرف من الاتوبيسات ، قلتله يا عمرو يا الله بينا اهو الاستاد في وشنا ، ركبه الهلع وقالي ايه مش هينفع لازم نروح عشان ما نتأخرش وبابا وماما لو عرفوا ، قلتله تعالي بس ومن هنا لهنا أقنعته ورحنا واقفين في الطابور مع الجمهور ودخلنا الاستاد ببلاش وقعدتوا في مدرجات الزمالك رغم انه أهلاوي، وكسب الزمالك واحد صفر بجون جمال عبد الحميد من الكوره اللي رفعهالوا حماده عبد اللطيف في ماتش الدور الاول سنه 87

واتبسطنا وروحنا وهو مرعوب من اهله ن ووصلته لغايه البيت ،تاني يوم في المدرسه سالته ابوك عمل وأهلك عملوا فيك ايه لما عرفوا انك رحت الاستاد ؟

قالي قعدوا يضحكوا ااااااااا (خوفت نفسك ع الفاضي يا عمرو وضيعت علي نفسك متعه الفرجه بسبب وهم ) عجيب البني أدم عدو نفسه أحيانا

إفترقنا بعد السنه دي ، كل واحد راح مدرسه شكل ، ومنها إلي كليه شكل ، وفي يوم وانا ماشي بعد ما تخرجت من الكليه ، رايح اركب من العباسيه لقيته في وشي ن سلامات وفين وليه وازاي وعلي فين قلتله انا رايح الاستاد ، ماتش الاهلي والزمالك !،ويمين بالله لا انت جاي معايا

وركبنا الاتوبيس ورحنا الاستاد ، وقعد معايا في مدرجات الزمالك وانا ابتديت اهتف واتنطط مع الجمهور وابص الاقيلك ده باصصلي بذهول ع اللي بعمله

كسب الأهلي الماتش وخرجت مخنوق بس قلتله بصره يا معلم ، المره الجايه بعد اتناشر سنه لما اقابلك صدفه وننروح الاستاد إحنا اللي هنكسب

وما شفتوش لسه من ساعتها

سلام

تورا بورا

2008-09-17T02:05:00.002+02:00

حظي الحسن أحيانا هو الذي وجهني لدراسه التاريخ

هو مش حظي الحسن بالظبط يعني هو بصراحه ، فشلي الذريع في قسم اللغه العربيه هو الذي أجبرني علي التحويل لأي قسم أخر ، فشل لا مجال لذكر تفاصيله ، يكفي فقط ان تعلم اني لم انجح في قسم اللغه العربيه سوي في ماده واحده فقط الحمد لله وبعون الله كانت ماده اللغه الفارسيه!

لم احمد الله علي شيئ في حياتي قدر حمدي له علي فشلي في قسم اللغه العربيه ، هذا الإخفاق هو الذي وجهني لمكاني الطبيعي في قسم الفلسفه او قسم التاريخ

حقيقي كان اختيار صعب شويه أروح فلسفه ولا تاريخ ، بذلت مجهود عشان افاضل ما بينهم وحسمت الاختيار في النهايه لمصلحه التاريخ ، مش فاكر ليه بالظبط بس كل اللي فاكره اني حسيت ان دراسه التاريخ افيد ، ما اعرفش يمكن -انا فاكر كويس اني كنت بقول لنفسي إنك تفهم فلسفه التاريخ ، احسن الف مره ما تروح تدرس تاريخ الفلسفه

اللي تعلمته في قسم التاريخ كان اكبر من إني اشرحه في تدوينه صغيره كده ع الطاير لا دي حدوته كبيره قوي بس ممكن مثلا اقول اني اتعلمت حبت حاجات فادتني جدا في علي كل المستويات

كتب التاريخ زودت جوايا مساحه الصمت والتأمل المكتسبه أصلا من ايام سطوح حدايق القبه، علمتني اكون أخر واحد يتكلم ، لأنه ببساطه كله عايز يحكي

التاريخ يعلمك أن أسهل حاجه في الدنيا هي انك تتنبا بالمستقبل القريب لبلد ما كل اللي هتعمله انك تقرا منطق ومنهجيه تفكير نظام الحكم القائم ، وطريقه حكمه للبلد في الكام سنه اللي فاتوا عشان تعرف هو رايح علي فين بعون الله ، سبحان الله لسه رشا مراتي كانت من تلات ايام بتقولي انت من 12سنه ايام الجامعه كنت بتتكلم ع الخراب اللي بنعيشه دلوقتي عرفت منين ، اللي ما يشوفش من الغربال يبقي اعمي يا رشا

علي فكره ما كنتش طالب متفوق في القسم بس كنت طالب مشاكس ، الدكاتره كان بختهم معايا وحش جدا انا ما بحضرش محاضرات كتير ومع ذلك ، في نص المحاضرات اللي دخلتها طلعت الدكاتره غلطانين في معلومات تاريخيه في تواريخ واحداث ، في واقعتين شهيرتين جدا في هذا الموضوع -

الواقعه الأولي كانت في اول سنه ، غلطت دكتور مرتين في محاضره واحده ، واعترف الراجل بغلطه بكل تواضع ، كانت محصله هذا الموقف هي طردي من المحاضره بعدها بربع ساعه ، لانه قال حاجه كده وبصلي وانا ما سمعتوش ولا شفتوش ،لإني كنت قاعد اقرا الجرنان بصراحه، اما الأخطر من الطرد هو اني بسبب هذا الموقف إتعرفت علي رشا اللي بقت مراتي بعد كده ، --شوف يا أخي البني أدم بيعمل حاجات دايما ومش عارف عواقبها ايه اللي خلاني اتسحب من لساني واغلطه في معلوماته هههههههه

نهايته يا جدعان ، اللي كنت عايز اقوله النهارده كان حاجه صغيره كده ، خاطر صغير جه في بالي النهارده قلت ان اكبر عقاب لحسني مبارك انه بعد ما يموت بعد عمر طويل طبعا زي ما هو واضح ،أكبر عقاب إنه يقرا اللي هتكتبه عنه كتب التاريخ

بس انتبهت لحاجه تاني

إنه مش هيلاقي ولا حرف مكتوب

لأن كتب التاريخ ما بتجيبش سيره النماذج دي