كورة

ساعات  يكون الحل انك تركز مع  كورتك وبس ، حطها تحت رجلك وحرص عليها جامد وبص قدامك وامشي بيها ، لو ركزت مع الجمهور اللي قاعد يمين وشمال مش هتخلص ، لا تركز مع  اللي بيسقفلك ولا اللي بيشتمك ولا تفكر حتي في خصمك

الكورة في رجلك وخلصنا ، ع الأقل تبقي عملت اللي عليك ، وجات جات ، ما جاتش  عن أمها  جات 

زمان

في الابتدائي  ، من وقت للتاني  عادة في طابور الصباح أو في الفصل ، كان الناظر أو المدرس يسأل سؤال ، والمدرسة أو الفصل يقدموا إجابة ما  ، إلا طالب غلس بيرفع إيده  بإجابة مختلفة

بعد ما بيخلصوا ضحك علي إجابته ، لسوء حظهم  بتطلع  صحيحة غالبا

مرة واتنين وعشرة وعشرين ، لا هما بطلوا  يضحكوا  ، ولا هو  بطل يرفع إيده

في الاعدادي  فضل كده برضوا  ، بس اتعقد من مدرس  فقالهم خلوهالكوا

 فضل من وقت تاني بعد كده  يرفع إيده ، لحد اما زهق 

وقال مش لاعب خالص