يا عالم يا ظلمه المدونه ده إسمها النديم الندييييييييييييييييييييييييييم سامعين ما اهو مش معقول أبدا كل ما واحد يبعتلي تعليق يكتبلي فيه حبيبي عمر صاحبي عمر أخويا عمر ده حتي وانا ماشي جنب القهوه في وسط البلد لقيت اتنين صحابي بيقولوا لبعض ان هم شافوا مدونه عمر
منكم لله فكرتوني بنكته المطار السري
Subscribe to:
Post Comments (Atom)
24 comments:
هههههههههههههه
وربنا وقعت على قفايا من الضحك من حكاية المطار السرى
اة كانوا عملوا محطة اتوبيس اسمها محطة المطار السرى
-----
بص يا عمر
متزعلش يا عمر
ولو يا عمر
اسمك مضايقك يا عمر
غير اسم المدونة يا عمر
من النديم يا عمر لاسم عمر افندى يا عمر
بلاش عمر القناوى يا عمر
علشان محدش من اصحابك يعرفك يا عمر
وضحت الرؤية يا عمر؟؟
صاحبك فارس يا عمر هو اللى عرفنا بيك على انك عمر يا عمر
لو كان قالنا يا عمر انك النديم يا عمر
كنا كلنا يا عمر قلنالك يا نديم يا عمر
قلبك ابيض يا سرى
يا ست شهروزه
برضه ما فيش فايده الردح في دمك
وبعدين يا ستي أنا إسمي مش مضايقني بالعكس ده إسم كله موسيقي
ده حتي في التاريخ قالوها من أكتر من ألف سنه حكمت فعدلت فنمت فأمنت يا عمر مش كده
وبعدين ما انا عارف أساميكم واحد واحد فخلوني ساكت احسن
عمر يا قناوى
اتنكرت لكونك صعيدى وسكتنا وقلت هتورينا الى ما شوفنهوش اللى هو ايه ده يا عم الصعيدى
على فكرة يا عمر انا صعيدية يعنى بلديات يعنى ده فخر ليك تبقى صعيدى
وبعدين يا عمر ليه المعاملة الصعبة دى يعنى لفت نظر الحج جرجس وباقى
المدونيين وسيحتلى جامد يعنى
شوف يا عمر ما تحاولش تتقرب من النديم بأى حال من الاحوال انت تكتفى بعمر وتقف وتبقى بقى تورينا اللى ما شوفنهوش يا صعيدى
على فكرة نسيت اشكرك على اختيارك امال احنا ليه بنقول علبك الاستاذ
تحياتى يا صعيدى
الأستاذه توتا
مش عارف ليه إنتي مصممه تجري شكلي مع إني بعزك جدا والله
يا ستي أنا ما اتنكرتش لكوني صعيدي بالعكس يا فالحه أنا فخور جدا جدا لكوني صعيدي من قنا وكل الناس عارفه ده
وبعدين أسمي نفسي النديم أسمي نفسي الجن الأزرق أنا حر حر يا عالم
وثالثا بتقولي انك من الصعيد من أنهي حته في الصعيد الصعايده اللي بجد في قنا وأسوان وبس والباقي بلاش نتكلم
وأخيرا أشكرك علي أخر جملتين قلتيهم وما نتحرمش منك يا ستي
ردح؟؟؟
وفى دمى كمان؟؟
دة انت يومك شكله مش فايت انت التانى
طيب اشبط فيك بعد الفطار
وايييييية يعنى لما تعرف اسامينا نفر نفر
هو احنا يعنى هربانين من الجهادية ؟ ولا هربانين من حكم نفقة؟؟
شووف يا عم النديم؟؟
ولا بلاااش
لا شك أن فارس قديم هو الذي سيح لك منذ البداية
وكان كل شوية يقول عمر صاحبي
بتاع السندباد
وبنروح سوا الجريون
(وإن كنت أنا الذي سيحت بعد ذلك بخصوص راس العبد ولكن في سياق درامي ملحمي مابعدحداثي)
وانت داخل ليلة التدوين دي أساسن وانت مشهور
وأصلن أصلن لا تنسى إن انت في الأساس
لم يكن لديك لا النية ولا الرغبة في عمل مدونة
ولكن بناء على رغبة وصراخ الجماهير ونباحهم
قررت أن ترضخ وتذعن لرغبة الملايين من بني شعبي وتعمل مدونة
فأنت من ثم حالة إستثنائية يا نديم
وبسيطة يا سيدي
استعبطنا
إعمل مدونة تانية وسميها النديم برضه بس متقولش إن انت عمر قناوي يا عمر يا قناوي
واحنا هنبقى عارفين إن انت عمر قناوي يا عمر يا قناوي لكن هنعمل إننا ولا واخدين بالنا وساعتها هنقول لك يا نديم يا عمر يا قناوي
وبعدين يا عم إنت إيه مشكلتك في موضوع الاسم؟
طب احنا وبنتخفى لأسباب أغلبها أمنية
أما انت والحمد لله فعلى عينك يا تاجر
راجل معروف للأمن بالاسم
واعتقلوك مرة
وقربت على التانية
فخاص الموضوع معدي معاك
إحنا لسة غلابة
بنناضل من خلف الستار
بنناضل بالشوكة والسكينة
أما انت فبتناضل بجد وواخد الليلة جد وبتدفع تمن اللي بتعمله اتساقا مع نفسك وقيمك
اشرب بقى يا اخويا
ما هو الطريق لقصر العروبة حتى ولو في زمن ما بعد الحداثة ما هواش بالساهل يا حلاوة
اتمسى بالخير
يا عمر يا قناوي يا بتاع السندباد اللي ورا فندق كوزموبوليتان
ياللي عضو في كفاية
وبتاع مظاهرات ويسار
وسيَّح سيَّح يا عم الحاج
وبعدين إيه حكاية إنك تبيعنا وتسيح لنا وتقول أسماءنا الحقيقية؟
آه يا عميل يا بتاع الأمن والأجهزة الحساسة!!! بقى دي آخرتها؟
ماشي يا عم
أنا هاحرقها عليك وأعلنها قبليك
أنا اسمي جمال محمد حسني مبارك
وكنت باستعبطكوا وعامل فيها الحاج جرجس
والواد فارس قديم دا هو نفسه محتكر الحديد أحمد عز
وعامل فيها مناضل وبيدس السم في العسل وبنستخدمه عشان نضرب بيه اليسار والناصريين
وأما عشتار التي تدعي أنها فلسطينية
فدي لا مؤاخذة خطيبتي خديجة الجمال وبتشتغلكوا يا غجر
وخديجة عاملة نفسها عشتار عشان تجيب لنا معلومات عن كل المثقفين الأراذل المتعاطفين مع القضية الفلسطينية
خلاص ارتحت يا عمر يا قناوي؟
أديني فضحت نفسي وقلت أن انا جمال مبارك وكنت باستعبطهم كلهم
مش هو دا اللي انت كنت عايز تقوله؟
والآن المفاجأة الكبرى
عمر يا جماعة مش عمر
عمر دا دراعي اليمين في لجنة السياسات
واحنا كنا عاملين الخطة العبقرية دي
ووزعنا الأدوار لاختراق المدونات
واحد يمين وواحد شمال وواحد مسيحي كافر
(وطبعا أنا بنفسي اللي خدت الدور دا لأن جدتي الإنجليزية كانت أصلا مسيحية)
والبت خديجة خطيبتي الخلبوصة هي اللي اقترحت تعمل فلسطينية على أساس نكسب تعاطف المثقفين وما يساوش أي حد أي شك أو يساوره إيه المشكلة إحنا عيال فاجرة
والآن سؤال المليون
إذا كنت أنا جمال محمد حسني
وفارس هو أحمد حديد عز
وعشتار ما هي إلا خطيبتي خديجة الجمال
وعمر هو دراعي اليمين
(قصدي دراعي اليسار)
في لجنة السياسات
فمن هو عمر تحديدا؟
أهو على الدين هلال؟
أم مفيد شهاب؟
أم حسام البدراوي؟
أم محمد كمال؟
أم ولا حد من دول؟
أرسل الإجابة على زيرو تسع تسعات
وستربح خازوق دهب
أو لبيسة دهب لتلبيس الخازوق
أو خروجة إلى الجريون مع أعضاء لجنة السياسات بعد الكشف عن هوياتهم الحقيقية وممكن ناخدك على أمن الدولة نشرب معاك راس العبد هناك
العزيزه شهروزه
فضلت مستني بعد الفطار أشوفك هتشبطي فيه تعملي أيه يعني وهربتي طبعا
عموما لو عايزه تتخانقي ولا حاجه أنا مستعد بشرط يكون في أرض محايده عند الفارس أو عشتار مثلا
-----------------------------------
عم الحاج جرجس
ماشي يا عم أنا راجل مقطع البطاقه ومش فارقه معايا بس وشرف أمي الحبسه الجايه لأقول علي أساميكم واحد واحد بقي بتشهر بيا وبتعرفهم اني اعتقلت قبل كده طاب ليه يا عم أهم هيطفشوا من المدونهويشوفوا لهم مدونه رايقه بعيده عن القلق
وبعدين خد هنا انت بتعوم علي عوم شهروزه انت التاني
خليها تنفعك
أما الجزء الثاني من ردك فانا رأيي أنك تضيفه علي التعليق العظيم السابق وتبدي تكتب سيناريو بجد حول وصولنا إلي السلطه أنا وحضرتك والفارس وينتهي السيناريو بانفرادي بالسلطه وإعدامكوا في ميدان عمر قناوي طلعت حرب سابقا أو ميدان عمر قناوي اللي هو التحرير سابقا أو ميدان عمر قناوي رمسيس سابقا
وحسابك عسير يا حبيبي بس اما اشوفك
والنبي يا ريس يا سيد الكل سماح المرة دي
شعبك وغلط
(زي عيل وغلط كدة)
واهو إنت برضه راعي القطيع يا ريس واحنا كلنا خرفان
(لأ مش خرفان يعني من السعودية)
كلنا قطيعك يا فخامة الراعي
وبعدين أكيد موضوع المطار السري ده ليه علاقة بإن انت كمان كان ليك دور في الضربة الجوية الأولى
وصنعت النصر من فوق وانت بتاكل بوب كورن في الطيارة
بالمناسبة
كانت حركة واطية أوي لما المثقفين عشان يغيظوا أم الدولة ويعايروها بسيد الأمة حسن نصر الله والنصر الذي حققه على إسرائيل إنهم رجعوا للكلام الاهبل بتاع إن حرب اكتوبر دي مكانتش نصر وإن احنا عمرنا ما انتصرنا على إسرائيل وإن الوحيد اللي عملها هو سيد الأمة سي حسن نصر الله
يا راجل دا كان ناقص يقولوا إن اننا اتهزمنا تاني في 73 وإن إسرائيل محتلانا من يومها
دا كلام واطي
وكلهم عايزين يشككوا في دورك العظيم يا زعيم في الانطلاقة التاسعة ونزلك المظلي على أم كرسي الحكم
يا راجل
الناس كلها بتقعد على كرسي الحكم
أما انت أول ما شفت الكرسي
شديته وقعدت تطلع من على سدرك
انتخبوا عمر قناوي لفترة رئاسية تاسعة
من 2043 إلى 2056
(آه ما هو في أيامك يا ريس المدة بقت 13 سنة)
عاش زعيم الحريات
عمر قناوي
يع يعيش
يع يعيش
لسة زعلان يا ريس؟
الله يخرب بيتك ياجرجس .. بقى أنا بتاع الحديد يا مفترى ؟ عموما أنا بقى اللى هارد على سؤال الجريون و متنازل عن الخازوق و اللبسه الدهب .. و خلى قعدة الجريون بعد العيد .. عشان أنت و عمر تعرفوا تشربوا راس العبد بتاعتكم .. طبعا أنا برجوازى .. لو شربت هايبقى كورفوازيه .. المهم أجابة سؤال المليون هو ..
عمر قناوى هو ..
طااااااااخ
كده ؟ تقتلنى يا عمر قبل ما أقول أن أنت ...
أنت ....
ماشى يا عمر اخر واول مره
باى عمر
مات الفارس الأخير ومات السر معاه
ودي كانت نهاية الجزء الأول من ملحمة ما بعد الحداثة
المسماة رجل من قنا غير العالم
والتي صدرت طبعتها الأولى بعنوان
الفحت عن الذات
مات الفارس وألقي بالحاج جرجس في السجن
وتزوج الرئيس عمر فناوي من الفاتنة الرائعة الجمال عشتار ومضاها على شيكات بمية مريار دورار
على أساس يضمن سكوتها وأن لا تعلن اسمه الحقيقي ويموت السر مع صديق عمره فارس الذي قتله في الحلقة السابقة
بسبب محاولاته الفاشلة لإفشاء السر
إلى اللقاء مع مزيد من المفاجآت العبثية في الملحمة العبثية الما بعد حداثية
عمر القناوي رئيسا
المسماة قبل رجل من قنا غير العالم
أو في الطبعة الدولية
الفحت عن الذات
(رجاء من القارئ إرسال أي أحداث يحب يضيفها للرواية واحنا في ما بعد الحداثة دايما تحت أمر الزبون والقارئ دايما على حق)
واخدين بالكوا إن انا قاعد وفارش براحتي في مدونة فخامة الرئيس عمر وولا هاممني حد؟
دا اللي بيتسمى القفز على السلطة
أو النط عليها
ولكن تأدبا نسميها قفز
لأ وبرد ع الكومنتات كمان وعايش ع الآخر
من هذا المنبر
أعلن لكم أنا الحاج جرجس ابن المعلم بطرس حفيد المقدس فتح الله
لقد احتليت مدونة النديم وها شغلها لحسابي
وقد تمت تنحية رئيس هذه المدونة لأسباب صحية
ولقد أصدرت قرارا بصرف مبلغ تلاتة جنيه وربع كمكافأة نهاية الخدمة للرئيس السابق عمر قناوي الشهير بعمر السري
وعليه فقد أمهلته مدة أربعة وعشرين ساعة تبدأ من اليوم
(والكاونت داون أهو شغال)
لتسليم اليوزر نيم والباسوورد
على أن يتم التسليم في أرض محايدة وبحضور المرحوم فارس
والصديقة المبتهجة دائما عشتار
طبعا ما لم يتم تسليم مقاليد السلطة واليوزر نيم والباسورد سلميا... إلخ إلخ
راجعوا كل كتب التاريخ بتاعة الانقلابات الدموية وهتعرفوا إيه جواب الشرط بتاع ما لم دي
نلتقي بعد الفاصل
===================================
من روح الفارس الأخير ألى الحاج جرجس
يعنى حتة انقلاب خيبان على الرئيس القناوى مش عارف تنفذه ؟؟ يبقى كويس أنى اتقتلت عشان ماشوفش الحيبه القويه دى .. تستاهلوا يا شعب اللى يجرالكم
الى الرئيس الغادر عمر قناوى .. برضه من روح الفارس الأخير
كده ياعمر ؟ تقتلنى ؟؟ يهون عليك الجبنه و الجرجير فى الشارع ؟ طيب شوف بقى مين اللى هايخاسب على حق الكتب اللى أخدتها من عندك شكك
القادم من الريف
والله المدونه نورت بزيارتك ليها ياريت ما تحرمناش منك وياريت تقوللي يا نديم مش أي إسم تاني وإلا هيكون مصيرك زي الفارس والحاج جرجس
خالص مودتي
-----------------------------
الحاج جرجس
هي مدونه اللي خلفوك يا اخويا ماانت عندك مدونتك تبرطع فيها براحتك
والا اكمنك عارف ان شعبيتي طاغيه فجي تتمحك فيها
عموما يا سيدي المدونات دول بين الناس وهحتل مدونتكواخلي اللي ما يشتري يتفرج
زي ما قلتلك قبل كده لازم تكتب سيناريوهات خيالك خصب جدا والله ياواد يا حاج جرجس وعندك قدره مرعبه علي تتبع الفكره والاسترسال فيها بخفه تحسد عليها
إلي بتاع الحديد الشهير بالفارس
معلش يا زعيم ده صراع علي السلطه يعني ما فيهوش هزاركان لازم اقتلك
وبعدين بذمتك هي دي عيشه أديني ريحتك علي الأقل من الوشوش العكره الي بنشوفها يوماتي زي حبيبك بتاع النوويه
وبعدين ماله راس العبد يا بتاع القرد ابو نضاره هه أقول كمان ولا اسكت
أسكت احسن
صحيح انت حبيبي وانت اللي سخنتها في دماغي اني اعمل مدونه لكن تتحالف مع الحاج جرجس وتستلموني انتوا الجوز فده يعتبر إعلان حرب لن يمر مرور الكرام
واستعدوا لأن المعركه هتبدا
أعزائي القراء والمدونين
كما أعلمتكم مسبقا
هذا الشخص الذي يدعي أنه النديم
هو عميل من أعداء الانقلاب
فلا تستمعوا إليه
ولا تعيروه أي انتباه
هذا الشخص معروف لنا بالاسم
وجاري التحفظ عليه وعلى أمواله وعلى كل ممتلكاته
وسيبقى انقلابنا قويا
وبعد أسبوع أو اسبوعين هنسميه الحركة المباركة
وبعد سنتين هنسميه الثورة العظيمة
والآن إلى كل مدون ومدونة في بلاد السيبر سبيس
إرفع رأسك يا أخي لقد مضى زمن الاستعباد
وانتهى عصر الاستبداد
لقد تم تنفيذ حكم الإعدام ظهر اليوم قبل الفطار في المدعو عمر قناوي
على مرأى ومسمع من جماهير بلاد السيبر العريضة
ووسط احتفالات لم يسبق لها مثيل
في قلب ميدان الجرجسية الشهير
عمر قناوي سكوير سابقا
التحرير أسبقا
ولقد أعدمناه على نفس الخازوق الذي سبق وأعدم عليه البطل العظيم سليمان الحلبي
وجثته متروكة للطيور الجارحة
لمن يريد أن يأخذ حتة للذكرى
هذا العصر البائد انتهى
ومن الآن فصاعدا قررت أنا الحاج جرجس
منع تسمية أي مكتبة أو حتى محل كشري باسم سندباد أو أي من مشتقات الكلمة
وكذا إزالة اسم عمر قناوي من على جميع شوارع بلاد السيبر
ومن على جميع مدارسها
وأكاديمياتها
وجامعاتها
وملاهيها الليلية
وشققها المشبوهة
(طبعا انتوا عارفين إنه في عصر الزعيم عمر قناوي تحولت البلد كلها إلى شقة كبيرة مشبوهة)
وسيتم إطلاق اسم مصر جرجس على كل المرافق السابق ذكرها
وافرح يا شعب واتحزم وارقص
قد رحل الطاغوت
ومن هنا ورايح سيعود الدعم على السلع التموينية
وسيكون مشروب الدولة الرسمي هو راس العبد
وسيكون العلم الرسمي للدولة من ثلاث ألوان
فوشيا وبمبى وفي النص دايرة خضرا
وسيتغير اسم دولتنا إلى بمباستان
(نسبة إلى الحياة البمبى اللي هعيشكوا فيها يا جرابيع)
وسيتم دعم الحشيش
وتوزيعه بالمجان مع كل علبة سجاير كولوباترا بوكس
الفاتحة لروح شريكي في النشال الشهيد فارس قديم
وسيوضع تمثال للفارس في ميدان الحاج جرجس
(هيثم تامر جمال مبارك سابقا - رمسيس أسبقا)
ألقاكم يا شعبي في المؤتمر الحزبي الأول
مؤتمر الحزب الجرجسي الأوتوقراطي
وسنشهد معا الانطلاقة الأولى والأخيرة إذ أنني لن اترككم أبدا يا شعبي
يا قطيعي
فأنا منكم ولكم وبكم وعليكم
إلى الأبد
آمين
إلى الشخص المسمى النديم
يبدو أنك لم تقرأ آخر بياناتي
في التدوينة بتاعة إحنا وراك من غير فلوس
إقرأها
لأنك ستعلم أيها العميل أن زمن عمر قناوي انتهى خلاص ولا داعي للادعاء بأنك هو
عمر مات خلاص
روح خد لك حتة من جثته قبل ما نقبض عليك ونرميك في السجن أو نعلقك ع الخازوق إنت كمان
لا نديم بعد اليوم
الله يخرب بيتك ياجرجس .. تانى
طيب لما تدعم السلع التموينيه ماتلاقيش غير راس العبد اللى تدعمها ؟ طيب البرجوازيين اللى زيى اللى مابيشربوش غير بلاك ليبل يعملوا ايه ؟ مش تخلى عندك نظر ؟
يا عم فارس أنا ثورتي شعبوية
يعني بانتصر للشعب التعبان الكحيان المعفن ده يعني أنا بتاع الكادحين والمكافحين والفقراء والتعساء وكل الأشكال الواطية دي
يسار على أبوه يا باشا
مش بشتغل وأتعب لصالح حفنة البورجوازية المتسلقة اللي زيك
وأنا كل همي هو صالح المواطن العادي
(اللي هو تتف على تربة اللي خلفوني لو عرفت أصلن تلاقيه)
ومن أجل هذا المواطن العادي الواطي الوضيع أعلننا ثورتنا
ومن أجله سأبقى
مش تقول لي بلاك ليبل!!
ناقص تقول لي إنك ضد راس العبد بسبب رفضك للعبودية
آه يا إقطاعي يا ندل
لالالالالالا الموضوع هجص على الاخر يعني الراجل ما كنش عاوز حد يعرف انه عمر تقوموا تفضحوه فضيحة القطط وبعدين هو يقول لكم انا عارف اسميكم واحد واحد وممكن اقولها علناً .... طيب سؤال هو بيهددكم باسمائكم ليه ؟ هي لامؤاخذه اسمائكم ابيحة ؟ سؤال بريء
يا أخ موزاجنجي
ما هو انت لو كنت قريت التعليقات كنت فهمت
أسماءنا ومناصبنا حساسة جدا
ولما يفضحنا متصور إنه هيعمل لنا مشاكل في الحزب وفي لجنة السياسات
بس أنا حرقته بإعلاني أسمائنا الحقيقية بالفعل
راجع تعليقاتي هنا
أنا من لندن
مرّة كنت بالقاهرة ورحت على مكتبة وبعدين سافرت على مطار القاهرة اللي هو مش سري وذكرني المطار بالسجن السري
وبعدين صرت نادي هيدا سجن مش مطار
شكرا للمطار السري
الأستاذ ليل طرطوس
شرفت المدونه
كيف حال سوريا وأهلها
بلغهم سلامي
تحياتي
Post a Comment