ورجع لي أخر الليل وسأ لني ليه
مكسوف تقول انك سعيد
يا ولد
جمهوري الحبيب
من المحيط الهادر إلي الخليج الثائر
بناء علي رغبه الملايين من أصدقاء المدونه في كافه انحاء المعموره (المخروبه حقيقه) قررت إداره مدونه النديم إجراء بعض التعديلات الفنيه في المدونه
وعلي ذلك ستتحول المدونه بدءا من تاريخه إلي محطه إذاعيه فنيه تعني بتقديم الأغاني والأعمال الموسيقيه فقط ومؤقتا لحين عوده الرغبه في الكتابه
ارجو منكم جميعا ان تساهموا بأرائكم واختياراتكم للأغاني التي ترغبون في سماعها
ويسعدنا تلقي اقتراحاتكم
وسوف تتغير الأغاني تباعا كل 4 ساعات وفقا لاختياراتكم
خالص مودتي وجزيل شكري
النديم
21 comments:
عمر طيب انا مش بسمع حاجه وايه الي لازم يكون حتى اقدر اسمع الاغاني
؟؟؟؟
وبعدين انا بحب الي بتكتبوه
مممممممم
طيب عارفه ان مش دائما الواحد بيحب يكتب بس اناعارفه
حتكتب تاني:)
تحياتي
وقولي ازاي اسمع الاغاني
عاوز اسمع متسغرب ليه انى حسيبك دولقت عرفت انى حبيبك لعمروا دياب
ياة يا عمر
للدرجة دي مابقاش ليك نفس تكتب
لية يا شيخ ؟ حرام عليك هما جبولك احباط للدجة دي ؟ و لا هي فترة ترتيب افكار ...و تظبيط الطاسة من جديد
عموما كويس انك مشغلها اغاني موش رقص
* انت لما قلت عاوز تلحن و تغني قلنالك ماشي بس موش تفتحلنا قناوي ميلودي
عموما كل ال يجي منك حلو زيك و سكر معقود زي خفة دمك
و ارجوا ان تطلع من حالة النفسية الي انت فيها اي كانت الي حالة احلي و اسعد
بص لو قرفان و متعكنن ما تقرائش و لا تعرف و لا تجلس مع فارس المسودي هههههه
سلام يا عزيزي اامل ان نلتقي قريبا ان شاء الله
و انا حظبطلك الطاسة متقلقش
تحياتي
صباح الخير الاول يا عمر .. و تحية لأغنية فيروز .. بس فعلا الزمن مش بيرجع و لا ايام زمان بترجع .. انت عارف حتى لو نفس الناس و نفس المكان ... الزمن بيفضل هو الحاجز الحقيقي .. حلاوة اللحظة نفسها مش بترجع .. عفوية الكلمة و درور الفعل مش بتفضل زي ما هي .. بس كل ده مش يمنع ان الاغنية تحفة
بالنسبة بقى لما يطلبه المستمعون اللي انا واحدة منهم فا يا ريت أغنيتين حاسة بيهم اوي دلوقتي
فيروز - قديش كان في ناس
منير - هون يا ليل غربتنا
و في اغنية تالتة اسمعها و قوللي رايك فيها يا ريس
آمال ماهر - ياعيني عليكي يا طيبة
و دمتم ذخرا للعالم الافتراضي و جيران العالم الافتراضي :):):)
يعني انت تشحتفني اسبوع مستنياك تكتب بوست جديد وبعدين تقول مش هكتب؟
زعلتنى و لكن مبسوطة لان الاغاني احيانا بتقول اللي منقدرش نكتبه، لاننا بنختار نسمع ايه؟ حسب احساسنا في ذات اللحظة.
يا ريس احنا معاك ، لاننا اختارناك اختارناك هههههههههه
تهيسس واحدة مكتئبة
انا هموت علي غنوة سعاد حسني شيكا بيكا بما اننا ناس انتيكا
وحشتنى كتير
بقولك بما اني مهيسسة بقالي يومين، نقح عليا ضرس العقل، وكمان الاغاني الوطنية، وبما ان معظم اغانينا الوطنية عينة اول هبشة جوية، اغاني زبالة
اديني يا فننس اغنية فيروز
مصر عادت شمسك الدهبي
كنت فلقت بيها دماغ الناس في بلاد الشمال في محطة راديو تندوم
لانها الاغنية الوطنية الوحيدة
اللي بتخليني افتخر اني مصرية.
ومتنساش البحر بيضحك ليه دي اغنيتي المفضلةلامام.
سلام (بارك لي قربت اترفد)ههههههههه
قلت لك مهيسسة
ممكن أطلب أغنية خالد الذكر الذي صنع تحولا جذريا في طبيعة الموسيقى العربية من حيث اللحن والكلمة والتوزيع الساحق الماحق الفنان الكبير سعد الصغير في رائعته الخالدة العنب العنب وبعدها بأريع ساعات أسمع أغنية مختلفة تماما عشان انت عارف البعض بيقول على أغنية الرائع سعد الصغير إنها قال إيه هابطة فإرضاء لجميع الأذواق تسمعنا بعدها طوالي أغنية العنب العنب برضه بس من غناء المبدع الكبير عماد بعرور ويا ريت لو تذكر لنا على جنب كدة بعض المعلومات المبسطة - دون طبعا الدخول في مصطلحات أكاديمية يصعب فهمها للعامة - عن هذين الموسيقارين العظيمين وتأثيرهما المذهل في تحول مسار الأغنية العربية
وشكرا وعذرا على الإطالة
بالنسبة لرشا وعدم قدرتها على سماع الأغاني
غالبا حضرتك - والله أعلم طلعا - بستخدمي فاير فوكس والعياذ بالله ومن ثم فستحتاجين إلى تنزيل أي برنامج كودكس من على الإنترنت يفتح لك كل الأغاني على كل المدونات
وأي خدمة للزعيم وحبايب الزعيم
:D
عمر
فى البرنامج الجديد ما يطلبه المدونون بتهرب من الكتابة غلشان تلعب فى ملعب الفن اللى بتحبه مين قال ان ده اكتئاب او موود مش حلو اظن العكس
ممممم بحب اغانى كتير
بس فيروز فى اغنية سألونى الناس بتقلب المواجع
تحياتى
hello Omar,
i support El Bahr bedhak liee,thanks Znzana. and Saalowny el Nass-Ferozz . add between those any song to your favourite singer
Abd elmootelb,i missed his voice!!!!
Henry-Australia
شكرا جزيلا يا حمهوري الحبيب
وستلبي الإذاعه كافه احتياجاتكم
ويسعد الإذاعه ان تبدأ بثها بإهداء خاص إلي الأخ هنري في استراليا وتلبي له رغبته في الاستماع للعظيم محمد عبد المطلب
معلش يا جماعه الراجل في غربه ولازم نحقق له كل اللي نفسه فيه
وسنواليكم بباقي الأغاني وفقا لأولويه الحجز
مع تحيات
مدونه النديم
المدونه التي لا تغرب عنها الشمس
لو عاوز يسمع عبد المطلب قول له يخش عندى بقى
على فكره انا دبستك فى موضوع كده ابقى خش عندى عشان تعرفه
أنا مازلت منتظر العناقيد بتاعتي
سمعني ودع هواك لعبد المطلب والا هقلبها مراجيح
انا عاوزة العنب لكن مع دينا لو سمحت
بلاش كروتة
يا ريت حاجة من فيلم الكيف
سمعني اديك تقول مخدتش
لعدوية
ممكن؟؟
او اغنية مسلسل الشهد و الدموع
اه
افتركته و قعدت اعيط
او ممكن اغنية
عليك سلام الله للكحلاوي
او ممكن
برة الشبابيك غيوم
برة الشبابيك مطر لمنير
ياله اديني اديتك كذا اختيار ملكش حجة بقى وريني شطارتك كزعيم مستقبلي حتعمل ايه
بص بقي بما انها طالبة نكد النهاردة زي كل االايام اللى فاتت انا عاوزة اسمع اغراب لعدوية ويا ساعة لنور الهدي
واى حاجة لحبيبي فريد الاطرش
عمرو دياب؟؟؟
عمرو دياب يا زعيم؟؟
لا بجد انت زودتها اوي
يعني زمالك و مشيتهالك
لكن عمرو دياب
يعني كل اللي احنا رشحنهاولك ده معجبكش و حطيت عمرو دياب
لا خلاص انا سحبت تصويتي ليك
انت متنفعش زعيم بتاتا
إلي الأخ جرجس والأخت إبيتاف
الأغاني الهابطه اللي طلبتوها يا اخويا انت وهي تروخوا تسمعوها في حته بعيد عن هنا
عيب كده انتوا في مدونه محترمه
شويه بشويه هتطلبوا اجيب لكم دينا ترقص في المدونه
أطلبوا أغاني غيرها بسرعه وإلا هيروح عليكوا الدور
سلام
------------------------------
زنزانه الشهيره براندا
حاضر يا ستي بس استني دورك وعينيا ليكي
-------------------------------
حفصوتشي
بقي كده
بتشككي في زعامتي؟
ماشي
بس علي فكره بقي أغنيه عمرو دياب كانت بناء علي طلب زميل مدون
وانا بلبي طلبات الجمهور لأن ده حقهم
واغنيتك ستصل في دورها المناسب
سلام
عمر يا حبيبي
هموت على غنوة وردة
مسا الخير والسعادة السكر الزيادة صحيح هي غنوة كباريهات بس بموت عليها مش عارفة الاقيها
انا بهديها لك انت وحفصة وتوتا وريكا حبيبتي بس مفيش حد تاني
فاهمنى؟ محدش تاني
بالحق ممكن غنوة وردة روحي وروحك حبايب لوردة برده هتلاقيها علي نجوم دوت كوم
ايه ده
ح تحرمني من عماد بعرور
طيب
احب اسمع ايه
مش عارفة
اي حاجة علي ذوقك
واعملها اهداء خاص
هههههه
لا والله اي حاجة قديمة فيروز
نجاة- عبد الحليم
شغال يونيفرسال
حاضر يا شباب بالدور
يا إبيتاف ايوه كدي هو ده العقل مش بعرور والكلام الهابط بتاع جرجس ده
Post a Comment