أول امبارح بالليل ورغم الحصار الأمني المرعب والتهديدات المباشره من الداخليه باعتقال من سيشارك في أي مظاهره عملوها الوحوش وفاجئوا الأمن في قلب شارع طلعت حرب واحتلوا الشارع وهتفوا يسقط يسقط حسني مبارك
وامبارح كان القفا التاني والتزم الشعب المصري تماما بقرار المقاطعه وشفت بعيني اللجان وهي بتنش والكلاب بتوع الوطني بيبوسوا ايد الناس عشان تدخل تصوت وما حدش معبرهم
أحد المواقع الإخباريه أكد ان احمد عز أمين لجنه السياسات كان منفعل جدا بعد ما تأكد من ان الشعب نفض لهم وذكر الخبر انه أخذ يتوعد المعارضه قائلا ماشي هنعرف نربيهم
ويسر مدونه النديم ان تؤكد له ان الموضوع فلت من ايديكم ومش هتعرفوا تعملوا حاجه وأعلي ما في خيلكم اركبوه وياريت تفرجونا هتلموا البلاوي المتلتله اللي في البلد ازاي
قبل ما انسي
حد خد باله ان مصر وموريتانيا كانوا بيلعبوا مع بعض امبارح في بطوله افريقيا في نفس التوقيت اللي كانت بتتعمل فيه انتخابات في البلدين مع الفارق بين انتخاباتنا وانتخاباتهم طبعا
صدفه غريبه جدا
وختاما
مدونه النديم تؤكد للفنان عادل امام (الزعيم سابقا ) أنه ارتكب خطأ فادحا لن نسكت عنه بالمره حينما قام بزياره جمال مبارك واحمد عز في مقر الحمله الانتخابيه
إختيار خاطيئ يا زعيم يا سابق
وهنعرف نرد عليه كويس جدا
وبالشفا
واشربوا تعديلاتكم الغير دستوريه
Subscribe to:
Post Comments (Atom)
11 comments:
أول امبارح بالليل ورغم الحصار الأمني المرعب والتهديدات المباشره من الداخليه باعتقال من سيشارك في أي مظاهره عملوها الوحوش وفاجئوا الأمن في قلب شارع طلعت حرب واحتلوا الشارع وهتفوا يسقط يسقط حسني مبارك
يا فرحتي .. و بعدين يعني ؟؟ حبه روحوا و حبه اتقبض عليهم .. انجاز الحقيقه
..
وامبارح كان القفا التاني والتزم الشعب المصري تماما بقرار المقاطعه وشفت بعيني اللجان وهي بتنش والكلاب بتوع الوطني بيبوسوا ايد الناس عشان تدخل تصوت وما حدش معبرهم
ده على اساس ان المصريين ملتزمين بالتصويت كل مره و بيقفوا بالطوابير قدام اللجان في الاستفتاءات و الانتخابات و خلافه .. و الي حصل امبارح ماكانش عادي في كل سنه
..
صباحك سكر
العزيز هشام جار القمر
بص يا استاذ هشام
انا شخصيا شايف ان الاستمرار في التظاهر والاعتصام وكل هذه التفاصيل مسأله في غايه الاهميه
ليه؟
أولا لأنها محفزه لأخرين علي المشاركه
وثانيا لأنها علفي الأقل بتفضح النظام قصاد العالم وده مطلوب
انت بمظاهراتك بتحطه في مزنق
هو بيدعي ديمقراطيه ومش من مصلحته أبدا انه كل اسبوع يقبض علي تلاتين 40 واحد
خصوصا ان عين العالم بقت علي مصر بسبب سجلها العظيم في انتهاك حقوق الإنسان
البعد الأهم في الموضوع يا عزيزي ان ثقافه المقاومه ابتدت تنتشر نوعا ما بين الشعب المصري
والدليل ان مصر كلها داخله في إضراباتواعتصامات متتاليه
من الكناسين إلي القضاه
ولا تنسي إضرابات العمال التي لا تنتهي
يعني بذمتك كل اللي بيحصل ده مالوش عندك أي دلاله؟
خالص مودتي
معك تماما في مقاطعة عادل إمام... الراجل ده بيراهن على إيه؟؟؟ دا عبيط ولا إيه؟؟ هو مش مدرك خالص إن المتغطي بالأشكال التعبانة دي عريان ومفضوح؟ هات لي أي تصريحات ليه على النت أو في أي جورنان ونحطها لنك مع بانر لطيف عليه علامة إكس على عادل ونحطه ف مدوناتنا
يا ترى مين اللى هيشرب؟؟ وهيشرب ايه؟
النديم
المقاطعة حصلت فعلا والرفض حصل فعلا لكن التزوير والخيانة المعتادة ضيعت مجهود المقاطعة والتسويد فى مئات اللجان حصل وكأن اللى بيعملوا كده مش مصريين ومش حاسين بأى حاجة
ساعات كتير بقول احنا فعلا نستاهل اللى بيجرالنا ده
طول ما فى ناس خاينة كده وناس جاهلة كده وناس متغيبة ومش عايزة تفهم حاجة لازم النتيجة هتكون 75.9 % يعنى حاجة مشرفة وابداع فى التزوير وحرفنة فى الاداء
وهنشربه هنشربه
اما الزعيم فطول عمره مش جديد عليه انه يبقى زعيم قرين للزعيم وابن الزعيم وكلها مصالح
موضوع الدستور ده خنقنى وكأنى كنت بحلم وصحيت على الواقع اللى انا عارفاه بس كان عندى امل لكن مفيش فايدة حتى من الامل
أنا جيت
يا استاذ نديم
يا اهلا يا سهلا
يااااااااااه
كان يوم انبارح ديموكراتي اوي اوي
كل دستور وانته بخير انشاء الله
مش قالها عم سعد من ييجي 90 سنه
الله يرحمه يا شيخ كان بيفتح المندل وبيقرا الطالع والنازل كمان
نصرخ يعني ماصرخنا ومحصلش حاجه
نعمل ايه بس ؟؟؟؟؟؟؟؟؟؟؟؟
حنقول يارب يهدي ويهدي
انا شكلي بهييس ولا ايه حاسس كده
Hello Nadeem,this is Henry. i agree about most of what you wrote. However,if you do not mind,i am still have a soft spot about Adel Imam? i like the actor,and i like his polite way of expressing his political position. somehow,this man stared so many important political movies,for long years he is a super star(not just commercial star). and for some reason ,the actor appriciated the leadership which allowed to him to release this kind of criticism. and they won his heart and mind,So let us try not to blame him too much,may be he has more peaceful way in changing the society,other than a communist revolution!
best reguards,
Henry Hussien,QLD,Aust.
بعد التحيه
جهودا المقاطعه تمام اثبتت ان الشعب يملك عقل وهو يفهم تمام الفهم ماذا يريد الطاغيه منه وماذا يفعل هذه هى نتائج المقاطعه وليس التنفيذ لان الكل كان متاكد انو هينفذها حتى ولو با التذوير زى ما عمل
اما با النسبه لشعب قنا انا اسف فيهم كتير عندو وعى فعلا بس بيخافو من الامن بطريقه غريبه يعنى
الجامعه مليانا منافقين وكذبين واتوبيسات الجامعه الكبيره الى مخصص لا اعضاء هيئه التدريس طلعت تنقل الطلاب اى طلاب للاستخراب با اشراف قائد الحرس وبرضو النيله الكبيره هذا الفاسد هو ومعهدو جابر عوض اكيد تعرفو علشان نازل الانتخابات يفط فى كل مكان اتوبيساتو بتنقل الطلاب من اجل التصويت مقابل وعود با النجاح
خلى بالك من عوامل الفشل الزريع الى شيفو فى قنا اعضاء هيئه التدريس والمعهد ده بكل ما فيه ولعلك شفت فى التلفزيون حوار مع الحاجه الى ريحه تنتخب تنتخبى مين يا حاجه الرائيس طبعا هو فى غيرو
وعى وثقافه لا استطيع ان اعبر عنها بجانب وجود الكثير من المثقفين امثال الابنودى وغيره
انقذو الصعيد حمله لكافه المدونات ارجوك العمل عليها وسا اكون من يساعدك انا شاء الله
ان للشعوب سمات وملامح مثلها مثل الافراد تماما تكتسبها بفعل تجربة تراكمية عبر الزمن فد ه شعب دمه حامى وده دمه بارد وهكذا ومن سمات الشعب المصرى انة يقدس الملوك ... واستخف قومه فاطاعوه .. فلا تنتظر منا بادرة التغيير ان لم تبدا من الخارج فلن تبدا ولكن الشيئ المطمئن انه شعب يستشعر الخطر لانه يملك ارادة حياة ومقومات وجود لا ينشط الاعندما يتعلق الامر برهان الوجود نفسه
مع احترامى وتقديرى لدور المعارضة واصرارها الغير منظم للتغير فالامر يحتاج الى جدل كبير
تحياتى مع خال تقديرى
صبرى
بالنسبة لمسألة بعدين انا مع النديم ف استمرار التظاهر والاعتصام، وانت وضحت الاسباب، اما مسألة عادل امام انا مش شايفة جديد في تصريحه لان كان له تصريحات مخجلة قبل كدة ايام حرب لبنا او حتى ساعةمذبحة السودانيين لما قال انهم كانوا مخليين الميدان مزبلة، واتهمهم بمحاولة قتل موظفي المفوضية ف الوقت اللي كان فيه سفير نوايا زفتية مقاطعة مش مقاطعة معرفش انا اللى اعرفه اذا كان دا رايه الشخصي هو حر
انا مش شايفة ان فى اهمية لموضوع المقاطعة لان ببساطة هنقاطعه ف ايه؟ هو فيلم حمضان مضروب بينزل كل عيد وايراداته تعر وتكسف قدام باقي الافلام انا عن نفسي بطبق المثل اللي بيقول مواجهة الندل واللئيم اجتنابه يعني تجاهله بس
لكن طبعا هكون مشكورة اذا وصلني بانر مقاطعه هلطعه عندي وانا مغمضة
الف تحية يا زعيم
هنري حمد الله ع السلامة بقالي كتير مش قريت لك تعليق
شكرا جدا يا جماعه علي تعليقاتكم واهتمامكم
شكرا لمينا ومحمد عبد الغفار وتوتا وعمي صبري وهنري الخنيق وزنزانه والستاذ محمد العناني والعزيز مجهول
Post a Comment