وادي كمان 4000 عامل معتصمين ومضربين عن العمل في شركه شبين الكوم للغزل
لمي بقي يا حكومه وفرجينا هتعملي ايه في الإضرابات والاعتصامات اللي شغاله ليل نهار في البلد
الواحد ساعات والله بيصعب عليه الجماعه بتوع الأمن دول
هيلاقوها منين ولا منين بس
النظام قعد يعك في البلد 30 سنه وفي الأخر مطلوب من الأمن يلم كل البلاوي
يا الله
بالشفا
وفاضل ع الحلو زقه
الصوره نقلا عن صحيفه الوفد
18 comments:
وفشل النديم في أن يتوقف عن الكتابة ولو مؤقتا... كنت مراهن عليها... وف نفس الليلة وائل عباس أيضا فشل في أن يتوقف عن الكتابة ونزل بوست عن التوصل لضحية من ضحايا فيديوهات إهانة الشرطة للمواطنين والآن النديم يخرج عن صمته الاختيار بعد أقل من أربعة وعشرين صمت عشان مقدرش ما يكتبش عن المزيد من بشاير النصر... ابقى قابلني يا زعيم لو عرفت تمسك نفسك عن الكتابة
أهنئك - لأول مرة - على فشلك في أن تصمت
ولسة البشاير هتهل أكتر وأكتر
الضغط على الجكومة طلوب وهيجيب نتائج بس بعيد شويه
اما اضراب عمالنا فى اى مكان من حيث المبدأ فده نوع من انواع التهريج ، اما يبقوا يستحقوا كلمة عمال يبقوا يعملوا اضراب احترمه
نسيت اقلك انك اتدبست عندى تدبيسه كده على الماشى ياريت تزورنى عشان تشوفها
يا حبيبي يموت الزمار وصوابعه بدعبس
ههههههههه
ايوة كدة ارجع لقواعدك
الغنوة حلوة
النديم
ايوه ادينى الاخبار التقيلة
ما هو لو كل واحد مظلوم اتنفض غضبان من الظلم مكنش حد اتظلم تانى
ولس يا حكومة هتجنى اللى زرعتيه السنين اللى فاتوا
اهلا يا عم الزعيم مش من فليل انت الزعيم
تحياتى
thanks Omar for this great news,and thanks for especial periority about the song.
but your people want you to write,write everyday . great keep going, i am openong your blog almost every day. better than BBC news. haaahaa
see you , Henry
Australia
أولاً حمدالله على السلامة في مملكتك التي لاتغرب عنها الشمس
أما بالنسبة لموضوع فاضل على الحلو دقة ففأنا بقيت يأس وحاسس أن فاضل علينا أحنا دقة ونموت من الغم
محمد مسعد
عزيزي محمد عبد الغفار
عيب جدا - عيب بجد - وصف اعتصامات العمال بأنها تهريج... ما ينفعش أتوقع إن النهاية تيجي من غير بدايات واللي بيحصل بدايات جد وجد جدا ومحترمة جدا واللي مش عارف يشوف كدة معلهش نوري له ونفهمه
عزيزي النديم
البلد بتغلي بجد وفي اعتقادي أن الفرصة ما زالت سانحة بجد لأن تحدث حركة حقيقية من الشارع وبشكل محترم جدا وغير فوضوي كما يفعل عمالنا الرائعون من ديسمبر وحتى اليوم
فكرة كمان حجب الثقة عن اللجان النقابية العمالية اللي عمال المحلة هيبتدوها يوم 15 اللي جاي دي كمان نقطة تستحق التأييد والتركيز عليها إعلاميا بسبب دلالاتها السياسية الرائعة التي تتجاوز مجرد المصالح الفئوية لهؤلاء العمال
شكلها هتحصل يا ابو نور
يا مسهل
رولولولويييييييييي
عقبال عندك يا اللي منتيش دريانة
ياله عاوزة عقبال ما اجي ان شاء الله
تكون الحكومة اتغيرت
او على الاقل الاقي اضراب لكل بيت
سيبك
بجد
لو العمال دول نضاف و مش تابعين لاي جهة و رجالة شداد و ناويين يقفوا و يصروا على مطالبهم
يبقى يا رب تكون نهاية الحكومة على ايديهم امين بحق جاه النبي و بيته
امين يا رب
سلام
أنا لغيت الرد عشان كان فى أخطاء فى الكتابة
الأخ كفاية حرام
أما يبقوا يشتغلوا بجد يبقى لهم مطالب بجد واعتصامات جد الجد
ده مش دفاع عن الحكومه انما العمال دول انا عارفهم وعارف اللى بيعملوه اقصد اللى مش بيعملوه ، دى تكيه يابا تكيه بجد وعاوزين يحافظوا عليها ويكسبوا منها كمان
أنا أحسدك
أنا احسدك
أنا
أ
ح
س
د
ك
ليه يا استاذ محمد سيادتك لا مؤاخذة كنت بتشتغل وكيل للتكية؟
يعني لو سيادتك سبق لك العمل وسط العمال كصاحب لمصنع مثلا او ممثل ليهم في النقابة من قبل الامن اللي هو الحكومة يعني نورنا اصل احنا ممكن نكون مش عرفين
نورنا بخبرتك الكريمة احكي يا راجل وفضفض وطلع اللى ف قلبك من الناس دي
عزيزي الأستاذ عبد الغفار
تحاملك على العمال وعلى حركتهم العمالية مثار استهجان وتعجب حقيقي... ما تقوله غير صحيح ومردود عليه بكلام عائشة عبد الهادي نفسها أن هؤلاء العمال (عمال الغزل تحديدا) من أنشط العاملين في مصر وأكثرهم إنتاجا وشركاتهم ناجحة وما يصحش بجد التعميم المغالط اللي حضرتك بتنتهجه
تحياتي واحترامي العميق
سي الاستاذ محمد عبد الجبار فين يا جماعة؟ انا اهو قاعدة له مستنية اعترافاته علي خزوقة العمال الوحشينالكخة له
يمكن حد منهم يا جماعة اداه جايزة المقشة الدهبية
Reformer1976
لك عميق الشكر على اسلوبك المحترم فى الرد على ، ويؤسفنى انى لن اكتب المزيد حول الموضوع لأن البعض انزلق بكلماته فى اتجاه اسلوب لا يليق
zenzana
سلاماً
Alnadem
أسف جداً انى اثرت كل هذه البلبلة فى مدونتك
سأما و رحمة الله و بركاته
اصل اللي ميعرفش يقول عدس
Post a Comment