لأن الجهل يكون أحيانا هو سيد الأخلاق فمن الطبيعي جدا ان يتحدث هؤلاء البلهاء عن العبور للمستقبل
بس الحقيقه هما بينسوا حاجات كتير مهمه وأساسيه ولازمه لمن يريد العبور إلي المستقبل
الدوله التي تريد العبور للمستقبل يا ساده يا افاضل تستعين بالعلماء ولا تستعين بالبلطجيه
الدوله التي تريد العبور للمستقبل تسود فيها قيم الحق والاجتهاد والعداله وليست قيم الواسطه والفهلوه والرشوه
دونا عن شعوب الأرض جميعا يتميز المصريين بقيمه فريده من نوعها وهي قيمه (الفهلوه ) المصري هو الكائن الوحيد علي سطح الأرض الذي يمتلك قدره فريده علي الفتوي في أي قضيه أو أي موضوع حتي ولو كان هذا الموضوع في الفيزياء النوويه مثلا ولأن قيمه الفهلوه هي القيمه السائده في هذا المجتمع فمن الطبيعي جدا أن يتصور القائمون علي الأمور في البلاد انهم بإمكانهم البقاء للأبد في مناصبهم بل وتوريث أبنائهم من بعدهم أيضا
لكنهم بالطبع يتناسون (عن جهل غالبا ) أن الفهلوه قد تمكن طالب فاشل من النجاح بمجموع خمسين في الميه لكنها أبدا لن تجعله الأول علي الجمهوريه
وهذا هو ملخص ما يحدث في مصر
بشكل او بأخر تمكن نظام حسني مبارك من الاستمرار لمده خمسه وعشرين عاما رغم أنه لم يقدم أي شيئ يذكر لمصر
وقد يتمكن من البقاء لعام او أثنين أو ثلاثه علي اكثر تقديرلكن ليس أبعد من ذلك أبدا
نظام مبارك أو ولده باختصار لا يمتلك الأدوات التي تمكنه من البقاء أو التوريث
فكل ما يمتلكه هذا النظام هو جهازه الأمني
وهذا الجهاز لن يبني له مصنع
ولن يحل له ازمه بطاله
أو ازمه تعليم متدني المستوي لا ينتج عنه الا أنصاف متعلمين
الرهان علي قدرات الجهاز الامني في تمرير مشروع التوريث هو رهان خاسر تماما يا ساده
ومن يتصور ان امريكا ستدعم وجود جمال مبارك في السلطه هو واهم أيضا
امريكا طبعا تبحث عن من يخدم مصالحها الاستراتيجيه في المنطقه
وأكيد مش جمال مبارك هو اللي هيحدم مصالح امريكا في الممنطقه
مش لأن حضرته صاحب موقف لا سمح الله
ولكن لأن مصر وزنها في المنطقه بقي صفر ولله الحمد
دوله زي لبنان مع كل تقديرنا العظيم ليها طبعا عدد سكانها ما يزيدش عن سكان شبرا وزنها الاستراتيجي اكبر مننا بمراحل
يا ولاد مصر داخله علي أيام سودا مالم تحدث معجزه
وإذا كان البعض يتحدث عن عام ألفين وسبعه باعتباره عام التوريث
أنا شايف حاجه تانيه خالص
أنا شايفه عام الكوابيس
وربنا يستر علي مصر
Subscribe to:
Post Comments (Atom)
6 comments:
صدقت يا زعيم .. نظام مبارك افلس تماما ..الراعى أفلس و ليس لديه أى موارد لتدبير احتياجات القطيع .. و بغبائه مازال يعتقد أنه سيستمر
فعلا الأيام القادمه صعبه .. لكنى متفائل جدا .. و الله المستعان
العزيز عمر
للاسف كلامك الى ابعد الحدود حقيقى ومؤلم
التراجع المزرى فى كل المجالات فى مصر شىء ملفت للنظر بصورة مخيفة
البلطجة والتخلف الفكرى والتخلف الحضارى والعلمى عمره ما يكون وسيلة لتطور شعب
حتى فى اسوء عصور الاحتلال عمر مصر ما وصلت لهذه المرحلة السيئة من الانحدار فى كل شىء
ومش متخيلة ان المنحنى الهابط يوضح اى صورة تفائلية عن المستقبل
يبدو اننا اقتربنا جدا من شفا الهاويةولا ادرى اى معجزة يمكن ان تحل بمصر ومن اى نوع ولا اتصور ان معجزة واحدة تكفى
وكفاية المعجزة اللى هيبجى يحكم هيعجزنا ويعوزنا مش هيرفع عنا العجز
واسفى
تحياتى
عمر
الكلام اللى انت كاتبه ده صح مليون الميه.. انا عايش هنا فى امريكا منذ الصغر.. ونظره الاعلام الامريكى لمصر اتغير خالص خالص.. يعنى لم نعد حجر الزايه كما كنا من نقبل.. وكل دوله محترمه فى العالم تعمل لمصلحه شعبها.. يعنى لو امريكا وجدت ان وجود جمال كرئيس لمصر فيه خير لها سوف تساعده.. وان لم تجد فلن تؤيد ولن تعارض..نحن كمصريون علينا ان نتحرك من اجل انفسنا
تحياتى من نيويورك
The only miracle we need is the miracle of beleife in a better Egypt, one that we are responsible for. The current regime only stayed in power because of the hypocracy of a wide range of Egyptians -unofotunately- while the regime, which already knew it couldn't offer much anyways, spent all that time making sure that it controls everything eventually, and it did.
Saying that we're living in bad time means nothing if we do nothing to make it better, I see everybody talking but when it comes to acting no one steps up. Remember the eid incident? How come nobody stood up to these people? There were too many people yes, but what about all the other "individule" incidents where we see it happening and ignore it?
A better Egypt is only possible when everyone recogizes his responsibility in creating it, we don't just sit on our asses expecting that some kind of "miracle" would come along and make everything better cause this is whats making it worse.
اللى انت قلته يا استاذ صحيح بس موش حسنى مبارك ولا ولده هو السبب ... اظن السبب هو غياب المؤسسات والاحزاب الحقيقية ودى تراكمات الثورة المصرية يعنى من ستين سنة اما عن جمال مبارك بغض النظر انا معاه او ضدة فهو شاب طموح زيك وياريت كل شباب مصر زى جمال وايمن نور وعمر قناوى
عفوا.. أنا لا أؤيدكم فى مهاجمة النظام الحاكم فى مصــر.. أعترف أن له أخطاء كثيرة، كأي نظام فى الدنيا طبعا لكنه ليس المسؤول وحده.. فى ناس كتير فى الشعب دة حرام نقول عليهم مصريين أصلا من أخلاقهم الفاسدة وعمايلهم المشينة.. يعملوا اللى هما عايزينه والدولة دورها تصلح وراهم بقى مش كدا؟ ازاي ولحد امتى؟؟ آسف! الشعب المصري لا يعرف معنى المسؤولية.. فى أفكاره وتصرفاته.. هو أساسا اللى عايز حكومة تحكمه لإنه ما بيحكمش نفسه ولا بياخد موقف من أي حاجة
Post a Comment