يا جماعه أرجو من الجميع قراءه الحوار الذي أجرته جريده المصري اليوم في عدد اليوم الأحد 19 نوفمبر مع الشخصيه اللامعه في لجنه السياسات الدكتوره هاله مصطفي
الدكتوره اللامعه اللي صدعت دماغ اللي خلفونا طول السنه اللي فاتت برؤاها الإصلاحيه صرحت عيانا بيانا أنه لابيوجد أي بديل في مصر سوي جمال مبارك
الحوار فضيحه فضيحهههههههههههههههه بكل ما تحمله الكلمه من معاني
إدخلوا اقروه
Subscribe to:
Post Comments (Atom)
12 comments:
Please post the link
صباح الخير يا عمر ازيك
عشان انت مشغول وانا بصفتي المساعدة بتاعتك فاسمحلي اساعد الاخ ادهم واديو اللينك
http://www.almasry-alyoum.com/article.aspx?ArticleID=37604
سلام
متشكر يا رشا جدا
ما اتحرمش منك
إنتي فعلا مؤهله للمنصب اللي عرضته عليكي
ههههههههه
شكرا يا جميل
الحكاية مش محتاجة لقراية حديث المصري اليوم. كتابات هالة مصطفى لا تختلف كثيرا عن ما يكتبه جهاد عودة و عبد المنعم سعيد و باقي أساتذة مدرسة الليبرالية الوراثية لصاحبها و مديرها جمال مبارك. أنا بس كنت فاكر إن هالة هرشت الحكاية و قررت تنط من المركب قبل ما تغرق زي زميلها أسامة الغزالي حرب - اللي ما يختلفش عنهم كتير بالمناسبة - لكن يبدو إنها مؤمنة بالحكمة الخالدة عصفور في اليد و لا عشرة ع الشجرة.
عمر
عندى سؤال عجيب
هو مين ينفع البديل حاليا على الساحة المصرية ؟
هى دى الفضيحة اللى بجد فعلا
تحياتى
http://thenewegypt.blogspot.com/
عزيزي توتا
سؤال عجيب جدا منك
أولا اللي ينفعوا كتير ياست هانم وعيب اما تسألي سؤال زي ده
وثانيا وهذا هو الأهم
القضيه يا جماعه ان احنا عايزين نغير سيستم عايزين نغير طريقه بتدار بيها البلد مش تغيير أفراد وبس
تحياتي
عمر
ده كان سؤال بجد استفسارى
وعايز اعرف رد عليه
قولى اسامى ناس على الساحة ممكن تحس انهم ينفعوا يحكموا مصر وتنطبق عليهم الشروط
ده مش تأييد لجمال بالطبع
بجد فعلا انا مش عارفة
وبالطبع اتفق على ان تغيير الطريقة مهم واعتقد انه مرتبط بتغيير الشخص لاننا لم نعاصر تجربة زعيم جديد يتزامن معه تغيير فى الطريقة منذ 25 عاما
موال الديمقراطية كله بيدور حوالين إن الأغلبية بتحكم، و الرئيس ليس إلا موظف الأغلبية بتختاره عشان ينفذ السياسات اللي هي مؤمنة بها. مش عايزين نغلط نفس الغلطة و نجيب واحد يشيل الجمل بما حمل و نقعد احنا نتشمس، ده بفرض إننا لا سمح الله بقينا مجتمع ديمقراطي
الرئيس المفدى عمر قناوى
و الله العظيم انت عبيط .. فضيحة ايه و بتنجان ايه و شغل البلوريتاريا الكحيانه بتاعك ده ..؟ مش تفهم الدوافع الأول ؟
أنت صدقت أن اسامه حرب عمل دكر عشان المبادىء و القيم و العبط بتاعك ده ؟؟ أبدا .. المسأله أنه وجد الفرصه أكبر لو ابتدى يهبش فى الأسد العجوز اللى ايتدى يقلب على جحش ..
و البسكوته الموزه هى كمان .. اتقمصت عشان كان نفسها تبقى صاحبة المعالى .. قالتلهم مش هالعب معاكم تانى يا وحشين .. يايى .. قام حد قالهم دى كانت بتطرى على القعده .. اوعدوها بكرسى و حقيبه ,, و عدوها .. رجعت تانى .. بس كده
لا دوافع ولا اعتراضات ولا قيم ولا أى نيله سوده من اللى فى دماغك دى
أقرا دوافعهم ياعمر .. ماينفعش تتكلم بالعربى مع ناس بتفكر باليابانى .. لغتك اساسا ماتنطبقش عليهم
بطل عبط ماتخلينيش أغير رأيى فيك
عزيزي النديم
بغض النظر عن أراء الأخ البورجوازي اللي فوق وكيف أنها أراء جميعها متعفنة يمينية براجماتية مآلها إلى مزبلة التاريخ لكن لا أنكر إن حكاية خلوها تقعد أهي كانت بتطري القعدة دي عجبتني جدا
ضحكت حتى اهتز نخاعي داخل قناتي الشوكية في المسافة الفاصلة بين الغسق والشفق اللي هو طبعا مالوش علاقة بالشبق يا عم الفارس يا بتاع التطرية ع القعدة
واضح إن لا ثقة بأي من تلوثت يداه بمصالحة ومصافحة النظام يوما
لا ثقة تمنح لأي كيان يتبع المؤسسة أو حتى يحتمي فيها
لا ثقة لا في أحزاب ولا في نقابات ولا في جماعات فئوية سولء صحفيين أو محامين ولا حتى أغلب القضاة حتى الجهاز الأمني اللي الأخ فارس دايما يعول على أنهم ناس محترمة فلا أثق بهم أيضا
لم ينجح أحد
والوحيد المحترم واللي كان عنده خطة أهو مرمي في السجن زي ما انت شايف
حاجة خرا
انت يا استاذ عمر مع اصحابك عاملين زى يعقوب فضل يقول لاولاده خايف من الديب فقالولوا الديب يابابا وانتوا وغيركم حتفضلوا تقولو جمال لحد ماتلحكومة تقول جمال ..... سلامى لرشا ونور وعم احمد
Post a Comment