Monday, January 08, 2007

دي مش كوره دي مزيكا


بالصدفه البحته النهارده فتحت التليفزيون علي إعاده الهدف الأول للإسماعيلي في مرمي الأهلي وبسبب الهدوء الذي كان يتحدث به المذيع الأهلاوي طبعا تصورت ان المشهد لهدف قديم في مباراه سابقه بينهما
المهم قلبت علي قناه دريم لقيت ان المشهد مش ماتش قديم ولا حاجه لأ ده من ماتش النهارده والاسماعيلي فعلا متقدم ا/صفر علي الأهلي وفين
ده في استاد القاهره نفسه
رحت قاعد قصاد التليفزيون وقلت والله ما انا رايح الشغل واللي يحصل يحصل ان شاء الله يرفدوني
وتابعت الماتش طبعا بكل انفعال ممكن تتوقعوه من واحد زملكاوي زي حالاتي يري في الإسماعيلي أو يري الإسماعيلي باعتباره شقيقا كرويا للنادي الذي أنتمي إليه هذا طبعا بخلاف ال عنصر الرءيسي في الموضوع وهو استمتاعي الدائم بالكره التي يقدمها الإسماعيلي عبر تاريخه
وبعيدا عن المباراه ونتيجتها الطبيعيه والمنطقيه جدا نتيجه لسير الأحداثوالتفوق الرهيب في المستوي لصالح الإسماعيلي وبعيدا عن سعادتي بالنتيجه وانفعالي الكبير أثناء المباره هذا النفعال الذي افتقدته منذ ردح من الوقت
لكن اكثر ما توفقت أمامه في هذه المباراه هو الأتي:
أولا : لماذا تكون مباريات الأهلي مع الاسماعيلي بكل هذا الشحن المعنوي والجماهيري حتي لو كانت مباراه وديه؟
ولماذا يكون هناك دوما حاله ثأريه بين الفريقين أيا ما كان الوضع
ولماذا لا يكون الأهلي هو نفس الفرق الفريق الذي تعرفه لماذا يكون شيئا مختلفا غالبا عن صوره البطل الذي لايقهر التي يصدرها دائما؟ ولماذا يكون الاسماعيلي هو الأفضل في معظم اللقاءات التي تجمعهما ولماذا يكون الاسماعيلي هو الفريق الوحيد القادر في مرات كثيره علي هزيمه الأهلي في عقر داره ووسط جمهوره بمثل هذه النتائج؟
حقيقه أسئله كثيره تثار حول هذه الحاله التي بين الأهلي والاسماعيلي والإجابات فيها كثيره ومتنوعه ايضا بعضهم يردها لموقف تاريخي حينما رفض الأهلي (نادي المباديئ والوطنيه
) استضافه الاسماعيلي أيام التهجير بعد النكسه وبعضهم يردها لتباين طرق الأداء بين الفريقن والتي تجعل الاسماعيلي صاحب الفلسفه الكرويه المختلفه فريقا قادرا بحكم هذه الفلسفه علي التعامل بنديه امام الأهلي

لكن تقديري الشخصي يذهب بالموضوع إلي ما هو أبعد من ذلك
تقديري الشخصي يذهب
إلي مساحه الشرعيه او من هو صاحب الشرعيه في الكره المصريه
الأهلي يري نفسه البطل الشرعي للكره المصريه بحكم بطولاته طبعا
بينما يري الإسماعيلي وأنصاره أنه هو الفريق الافضل في تاريخ الكره المصريه بحكم فلسفه لعبه علي الأقل والتي تعتمد علي الجماعيه والجماليات الفنيه بشكل كبير
إنه صراع بين مدرستين أو فلسفتين
وهذا هو لب الصراع بينهما فيما أعتقد
الاسماعيلي يبدو في هذه اللقاءات حريصا علي تأكيد شرعيته كأفضل فريق كروي في مصر
والاهلي يريد تأكيد جدارته بزعامته للكره المصريه
ولذلك يكون هذا اللقاء استثنائيا أيا ماكان الوضع
والغريب أيضا ان الاسماعيلي هو الفريق الوحيد في مصر الذي كون قادرا علي التعامل مع الأهلي في أشد الظروف إستثنائيه
مثلا منذ أربعه سنوات حقق الأهلي فوزا تاريخيا علي الزمالك بسته أهداف مقابل هدف وكان هذا طبعا حدثا لايمكن أن يتكرر وكان الأهلي بعد هذه المباراه الاستثنائيه سيلاعب الاسماعيلي في القاهره في لقاء سيحسم طبعا من سيفوز بلقب الدوري
وأشفق الجميع علي الإسماعيلي الذي سيلاقي الأهلي في هذا الظرف الاستثنائي والفريد
ومع ذلك لم يخسر الاسماعيلي بل أدي مباراه تاريخيه بكل المقاييس وخرج متعادلا مع الأهلي 4/4 في مباراه هي تقريبا أفضل مباراه في تاريخ الكره المصريه عبر العقود الثلاثه الأخيره إن لم تكن عبر تاريخ الكره المصريه علي الإطلاق صحيح أن الأهلي قدم في هذه المباراه مستوي شديد الرقي أيضا (علي غير العاده ) لكن ما فعله الإسماعيلي كان أرقي بكل المقايس بل يكفيه انه كان المبادر بالتهديف غالبا وحتي عندما تقدم الأهلي في الثواني الأخيره لم يستسلم وتمكن من التعويض
والمواقف والاستشهادات التاريخيه لا تنتهي في هذا الموضوع لكن ما اود ان أشير إليه وهو لب الموضوع أصلا هو أن صراع الشرعيه بين الفريقين (لا مجال هنا لذكر الزمالك والذي هو حاله هجين بين هاتين الفلسفتين وقيمه الجماليه لم تكن حاضره دائما ) صراع الشرعيه هذا يفرض أثره دائما طبعا علي هذه اللقاءات فيكون لاعبي الاسماعيلي عاده حريصين علي تقديم أفضل ما لديهم وكسر هيبه هذا البطل الغير شرعي الموفق دائما علي مستوي الإنجاز رغم غياب الجماليات بسبب مجموعه من العناصر المتكامله التي علي رأسها طبعا قدراته الماديه وجماهيريته اللا محدوده وما يترتب علي هذه الجماهيريه من عوامل اخري مثل الانحياز الإعلامي الشبه دائم لصالحه بينما يكون لاعبي الأهلي عاده أيضا في حاله دفاعيه نفسيا وفنيا نفسيا بسبب ما قلناه عن شرعيه الإسماعيلي
وفنيا بسبب طبيعه لعب النادي الإسماعيلي والتي يصعب علي الأهلي التفوق تجاهها فالأهلي الذي اعتاد من يوم ان أنشيئ ان تنكمش الفرق امامه يصعب عليه تماما ان يلاقي فريقا لا يهابه ويبادئه بالهجوم والمبادره غالبا والمسافات بين خطوطه متقاربه ووووو
العديد من التفا صيل الفنيه التي لامجال هنا لذكرها
وتأكيدا علي ما قلناه عن الحاله النفسيه الدفاعيه التي تصاحب لاعبي الاهلي في لقاءات الاسماعيلي نذكر العديد من الشواهد فلقاء 4/ 4 الشهير بينهما يؤكد ما يقول فمن كان يصدق يومها ان الاسماعيلي وفي استاد القاهره وامام 80 ألف أهلاوي وفي ظل حدث استثنائي مثل فوز الأهلي علي الزمالك بسته أهداف من كان يصدق ان يخرج من هذه المباراه هكذا
ومن يصدق أن الأهلي العائد لتوه من بطوله العالم يبدو بهذه الدرجه من الهوان والتباين الرهيب في المستوي في مباراه اليوم بعيدا عن نتيجتها امام هذا الخصم
والعديد من الأمثله الأخري التي تؤكد ما نقول لكن اكثرها دلاله علي الإطلاق هو ما حدث قبل المباراه بيوم واحد حينما احتج الأهلي علي حكم المباراه فهذا السلوك ليس من السلوكيات المعتاده من الأهلي وأن عبرت عن شيئ فأنها تعبر بوضوح عن ما قلناه عن الاهتزاز النفسي لدي الأهلي كمؤسسه ولاعبين وجمهور تجاه الإسماعيلي هذا النادي الكبيروالكبيرجدا
والعظيم والبطل الشرعي للكره المصريه بما يقدمه من جماليات
أما اصدقائي من جمهور الاهلي اللي هيقروا هذا الموضوع
فإنني مستعد تماما لمواجهه ما سألاقيه منهم من ردود ومستعد تماما للتعامل مع لسانهم الطويل (قاري فيكم كذا كتاب ) وعارف هرد عليكم ازاي
وبالشفا

23 comments:

ekraammalik said...

عمر
تجيبها يمين تجيبها شمال ... تتدخل في فلسفة اللعب وصراع الاجيال انت منغاض من الأهلي
أهلي أهلي أهلي أهلي

Anonymous said...

على فكرة يا عمر كنت متأكدة انك لازم هتكتب حاجة شبه كده .. خصوصا و انا بتفرج على الماتش امبارح و جالي العصبي .. بس هقولك ايه يا عمر .. هنخسر بعض عشان الكورة ... لا ممكن أبدا .. مبروك للاسماعيلي عشان فعلا لعب امبارح تحفة و بالرغم اني انقهرت على الاهلي بس بجد الاسماعيلي كان عامل كماشة جامدة جدا ... بس زي ما بقول دايما الأهلي حبي و اعتزازي ... و فعلا امبارح اللعيبة كلهم كان شكلهم هلكان و تعبانين .. فعشان كده انا مش زعلانة اوي منهم .. و خليك كده متغاظ مع نفسك ... سلامي لكل الناس اهلاوية و اسمعلاوية و الزملكاوية عشان خاطر عمر بس

Anonymous said...

أرقص ... يا حضري
ياللا عقبال مالإسماعيلي ياخد الدوري إنشاءالله

Anonymous said...

عمر
طبعا انت عارف علاقتى بالكورة زى علاقتى باللغات العبرية مقطعاهم الاتنين

بس تعليقى بقى المرة دى مختلف قعدت امام الماتش والاهلى مجابش جون على غير عادتك مع ماتشات الاهلى
تفتكر ده نتيجة الحالة المزاجية المختلفة اللى انت فيها ولا تفسيرك المرة دى ايه ؟

تحياتى

Anonymous said...

امبارح يا محترم قابلت زكى، وقعدين وكل
وكل ماييجي جون الواد احمد يقول ههيييي فاكر ان الاهلي بيكسب وانا ميتة من الضحك وعما له افكر فيك

وكنت هموت عشان اكلمك بس مكنش معايا رصيد

هههههههههههههههههههه
قشىيش

yasser_auf said...

مع انك قاعد في الصورة مريح علي كنبة حمراء و العود في ايدك الا اني شامم و حسس بالشماتة من اسلوبك
ماشي يا عم ما انا قلتهالك امبارح و سبقتلك بيها يا بختوة الي نايم النهارضة سعيد و غالب و خصمة كمان مغلوب
ماشي بس و اية يعني اهو ماتش زكاة عن ابو تريكة و الحضري
نخزي بيه العين و خصوصا عين الحسود ين الشماتين

so7ab said...

اولا الف مبروك بجد لينا كلنا علشان الاسماعيلى نصب سيرك على الاهلى واعاد الى الاذهان الاربعات فى عهد اوتاكا وبركات وثانى حاجه ان الزمالك يكسب اهلى برضه بس اهلى جده والغريم التقليدى للاتحاد اكيد الاهلويه فاكرين اتحاد جده كويس برضه

انا كنت اعد ادام الماتش وبرضه حاسس ان الاهلى رغم بهدتله ممكن يتعادل وكمان يكسب لان ديه عاده الاهلى اداء محفوظ مفيهوش اى ابداع لكنه بيكسب حاجه سخيفه جدا بس بعد الجون التانى حاسيت ان الامل وارد ومع الشوط التانى عرفت ان انهارده يوم الانتصار لكره الحلوه والانتصار لمبدعى الكره فى كل مكان

الف مبروك يا عمر

Anonymous said...

مبروك يا زعيم، لانى نسيت اقولها فوق، صاحبك لسه مش مقتنع ان الاهلي اتغلب، صحيح انا عملت بلطجية عشان الاهلي البوست اللى فات من باب جر الشكل مع اسلام وغيره، الا انى كنت فرحانة فرح امبارح ف الاهلي، بما انى اهلوية مرتدة، وحاليا مشجعة ليوفينتوس و يحيا السندرو دى البيرو، هههه اصلي معروفة انى ندلة و اعز الشماتة، ههههههههههههههههه

Anonymous said...

ريكا انتى فين ؟ ايه الاخبار؟ لسه مفيش بوست جديد عندك، يا مسهلللللللل يارب
سورى يا عمر، قلبتها سيرك

Anonymous said...

hello,Omar. well once i read the match news on the net, i realised you will spend glory days over this result . as you know iam one of Zamalek non-fanatic fans , my comments (in English coz i use public net-services) .
first,hard luck to Ahly fans,the result is high,however the record of successive winning matches for the red team is a historical record.
Knowing that loosing a match against Ismaili is not shameful that Darawish is diffinetely the second strong team in Egypt in the last few years .
Second, i whisper to you Omar,El Ahly and Zamalek are not only football clubs,but also big national assossiations. Although Ismaili is a very good football team ,However it considered a young club comparing to Ahly-Zamalek. so i disagree with you when you say ,el Ahly as an assocciation,club and millions of supporters feel unconfident when meet Ismaili in just a soccer match. i think El Ahly deserves to lead the Egypttian and African clubs in sport over the modern times.

i wish it is not too long comment, and congratulations to Ismaili lovers and hard luck to the big brother El Ahly .

Henry
QLD,Australia

Anonymous said...

انت فين يا ريس لسه بتحتفل بالانتصار و لا ايه ... و لا يمكن نور قايم بالواجب معاك ؟؟ :):) سلم على رشا و نور كثير .. و كل ماتش و انت طيب و المرة الجاية تتفرس فعلا من الاهلي و على رأي ياسر احنا فعلا كنا بنخزي العين

Anonymous said...

أنا أهلاوي، و طبعا اتحرق دمي من لعب الأهلي، لكن مع نهاية الماتش كنت سعيد من النتيجة لسببين: الأول إن حرام فريق في مستوى الإسماعيلي ماينافسش على الدوري السنة دي، و الثاني إن الماتش خلص تلاتة بس

Anonymous said...

أهم حاجة ان الأهلي اتغلب مع انك كنت بتتفرج ، عشان ماتفتكرش انك نحس وللا حاجة ،

على كل حال الإسماعيلي طول عمره بيلعب أحلى كورة على الإطلاق ، وانا مش فاهم ازاي عندهم قدرة يجيبوا اللعيبة اللي مهاراتهم خرافية من أول الليبرو لغاية راس الحربة ، بيجيبوهم منين وبينقوهم ازاي مش عارف فعلا ، مشكلة الاسماعيلي إنك فجأة تلاقيه اتعادل مع نادي ببا أو اتغلب من سلحفاة أسيوط ، ودة اللي بيضيع البطولات منه مش الأهلي أو لزمالك
أنا مانساش ماتش الاسماعيلي مع الشباب السعودي في بطولة السوبر ، المعلق العربي كان هيتجنن من روعة أداء الاسماعيلي وبيقول فعلا زي البرازيل بس في الآخر اتغلب بالهدف الذهبي
المشكلة السنة دي ان الأهلي ممكن ما يتغلبش تاني

تحياتي الأهلاوية

Anonymous said...

أنهيار الكبير كبير وبس

Anonymous said...

ياحقود يا بلوريتاريا يا جعان انت و نادى الزمالك اللاأخلاقى بتاعك .. عموما هى فعلا فاسوخه نخزى بيها العين على رأى ياسر.. و فرحتك بالأسماعيلى تطبيق عملى للمثل القائل القرعه تتباهى بشعر بنت اختها .. لما انتوا يا زملكاويه فاهمين كوره قوى كده و عاملى فيلسوف ملاعب .. ماعملتوهاش ليه يا فالح قدام اعمامكم الأهلاويه لما قشروا بيكوا النجيله ؟؟ و بعدين مش معنى أن فريق رياضى اتغلب مره أنه يبقى فلسفته و أيديولوجيته و الكلام الفارغ بتاعك ده .. النادى الأهلى هو المؤسسه المصريه الوحيده التى نجحت فى أرساء أخلاقيات أداء راقيه .. و تفوقت فى الحفاظ عليها .. عموما بص .. و حياة خالتك لاضربك لما اشوفك عشان حقدك الدفين ده

Anonymous said...

صحيح
كلم المش عارف ايه تلهيك
و تجيب اللى فيها فيك
و حياة أمى لاطلع عليك انك بتاخد فلوس من مرتضى منصور وواعدك بجرنان تبقى رئيس تحريره , أو انك ناوى تشيل قضية من قضاياه و تتحبس بداله
يا زملكاوى يا خالف تعرف يا اللى كل كلكيعه فيك تسد عين الشمس

حاقول لك ايه
ماهو العيب لما يطلع م الزملكاوى مايبقاش عيب

و النبى مش مكسوف من نفسك

يا رب ابراهيم سعيد يبقى كابتن الزمالك

عموما كل واحد عارف مقامه

و ابقى سلم لى على مرتضى لما تشوفه
يا عميل مرتضى

Anonymous said...

آه لا مؤاخذه نسيت مسا الزملكاويه

أتفوو

Anonymous said...

مش عارف ليه ممكن يكون اتنين بيلعبوا مع بعض واحد منهم يكسب واحد يخسر يتعادلوا دي حاجة تخصهم، انما ليه ممكن حد تالت ييجي يحشر نفسه وسطهم؟؟؟ حاجة تغيظ
وصحيح ناس كانوا قبلي قالوا في الأمثال
القرعة تتباهى بشعر بنت اختها

أخوك اللي مش زملكاوي
أحمد خير

so7ab said...

اللهما لا تحملنا ما لاطاقه لنا به

انا مش عارف والله ازاى الاهلويه عندهم الانعره ديه وعلى ايه ولامؤخذه دى فرقه مستحيل اى حد بيحب يستمتع بالكوره يفرج على ماتش ليها حتى الاعبيه اللى جابوها وكان عندها كوره حلوه دخلوهم فى دوامه اللعب السخيف

وبعدين بص الفاشيه بقى بتاعه الاهلويه بعد شعارهم الغريب بتاع الاهلى فوق الجميع .. عم ادهم يقولك اتفو ..يعينى الراجل فقد اعصابه ادام السيرك واعد يشتم ..عيب يا صفتى يا حبيبى

وبعدين اكيد لما الاسماعيلى يكسب الاهلى لازم يفرح كل الزمالكويه والبرسعيديه بتاع اليافطه والسويسه واى حد يشوف حاجه غير كده يبقى بينزع الحدث من اى سياقات تاريخيه ليه

kappo said...

واله وزمان ماسمعنالكش صوت يا ميرو ... يشكر الإسماعيلي اللي رجعك للتنظير في الكورة الحلوة والكورة المؤسسية ، علي العموم يا ميرو مشكلتك أنك ناسي أن الإسماعيلي من يوم ماتش 4-4 وهوا بيتغلب من 3 سنين وإن نظرياتك عن الكورة اللي مابتشوفهاش يا حبة عيني مع الزمالك إتأخرت قوي ، أرجوك بحياد إتفرج ولو مرة بشكل موضوعي علي ماتشات الأهلي من غير مصادرة وكلام فارغ وحتنسي الكلام الفارغ اللي بتقوله دا

أدهم الصفتى said...

حلاوتك يا كابو يا كايدهم يا ايييييييييييييييييييييييييه

اديله على بوزه

...........

حاتروح فين يا نديم الزملكاويه

يا عميل مرتضى


مرتضى منصور

Anonymous said...

يا عمر يا قناوي لم نفسك!عامللي فيها جامد قوي؟طب مشي اتوبيس الاهلي المرابض تحت بيتك يا بييه
س.تركي!!!

alnadeem said...

إلي جميع أصدقائي
شكرا جزيلا لكل من علق علي هذا الموضوع وأعتذر بشده لتأخري في الرد خصوصا ان الكيبورد كان بايظ
فعذرا
---------------------------
إلي كابو
وحياه خالتك ما تخلطش الأوراق ياخويا
ثانيا
الاسماعيلي بعد ماتش 4/4 غلبكوا 4 /صفر في البطوله العربيه